Entertainment News : બોલિવૂડના દિગ્ગજ અભિનેતા મનોજ બાજપેયી (Manoj Bajpayee)ની આગામી બહુપ્રતિક્ષિત ફિલ્મ ‘લાસ્ટ મેન ઇન ટાવર’ (Last Man In Tower) નું ટીઝર આખરે રિલીઝ કરી દેવામાં આવ્યું છે. ટીઝર સામે આવતા જ સોશિયલ મીડિયા પર મનોજ બાજપેયીની શાનદાર એક્ટિંગના ચોતરફ વખાણ થઈ રહ્યા છે. જોકે, બીજી તરફ સિનેપ્રેમીઓ અને નેટિઝન્સ તરફથી મિશ્ર પ્રતિસાદ પણ જોવા મળી રહ્યો છે, જેમાં ઘણા લોકો આ ફિલ્મને થિયેટરોને બદલે સીધી OTT પ્લેટફોર્મ પર રિલીઝ કરવાની માંગ કરી રહ્યા છે.

Manoj Bajpayee : નિવૃત્ત શિક્ષકની ભૂમિકામાં મનોજ બાજપેયી

બેન રેખીના નિર્દેશન (Direction)માં બનેલી અને રાણા દગ્ગુબાતીની ‘સ્પિરિટ મીડિયા’ દ્વારા પ્રોડ્યુસ કરાયેલી આ ફિલ્મની કહાની એક નિવૃત્ત શિક્ષકના જીવનની આસપાસ ફરે છે. ટીઝરમાં મનોજ બાજપેયી સમાજ અને આસપાસના લોકોના વિરોધનો સામનો કરતા જોવા મળે છે. તેમના પાત્રને લઈને લોકોના ટોણા અને માનસિક તણાવ વચ્ચે તેઓ પોતાના ફ્લેટમાં આશરો લેતા દર્શાવાયા છે, જેના દરવાજા પર ‘લાસ્ટ મેન ઇન ટાવર’ લખેલું છે. આ મજબૂત વિષયવસ્તુ હોવા છતાં ફેન્સનું માનવું છે કે આવી કન્ટેન્ટ-ડ્રિવન ફિલ્મો થિયેટર કરતા OTT પર વધુ સફળ થાય છે.

અરવિંદ અડિગાની પ્રખ્યાત નવલકથા પર આધારિત ફિલ્મ

આ ફિલ્મ બુકર પ્રાઇઝ વિજેતા પ્રખ્યાત લેખક અરવિંદ અડિગા (Aravind Adiga)ની આ જ નામે લખાયેલી બેસ્ટ સેલર નવલકથા પરથી બનાવવામાં આવી છે. આ ફિલ્મ દ્વારા ભારતીય સિનેમામાં પહેલીવાર મનોજ બાજપેયી અને બોમન ઈરાની એકસાથે સ્ક્રીન શેર કરતા જોવા મળશે. ફિલ્મની સ્ક્રીનપ્લે સોની તારાપોરવાલાએ તૈયાર કરી છે જ્યારે તેના હિન્દી સંવાદો જુહી ચતુર્વેદીએ લખ્યા છે. ફિલ્મમાં દિવ્યા દત્તા અને સુકાંત ગોયત પણ મહત્વપૂર્ણ ભૂમિકામાં નજરે પડશે. આ ફિલ્મ 11 સપ્ટેમ્બર 2026 ના રોજ સિનેમાઘરોમાં રિલીઝ થવા માટે શિડ્યુલ કરવામાં આવી છે.

આ પણ વાંચો : Traitors 2: ક્રિસ્ટલ ડિસૂઝાનો માસ્ટરમાઇન્ડ ગેમ, માસૂમ ચહેરા પાછળ છુપાયું શાતિર દિમાગ

આ પણ વાંચો :ગુજરાતી અભિનેત્રી માનસી પારેખ કૈલાસ યાત્રાએ, નેપાળ પૂર વચ્ચે ચાહકોને આપી મોટી માહિતી

આ પણ વાંચો :આવારાપન 2 બોક્સ ઓફિસ કલેક્શન: વિશ્વભરમાં 200 કરોડનો આંકડો પાર