દેશની સૌથી મોટી કાર ઉત્પાદક કંપની મારુતિ સુઝુકીએ તહેવારની સિઝન પહેલા તેના લોકપ્રિય મોડલ્સની કિંમતોમાં 5000 રૂપિયા ઘટાડ્યા બાદ હવે દેશની સૌથી સસ્તીં મીની એસયુવી એસ-પ્રેસો લોન્ચ કરી દીધી છે. મારુતિ સુઝુકી ઇન્ડિયાએ સોમવારે તેની મીની સ્પોર્ટ યુટિલિટી વ્હિકલ એસ-પ્રેસો લોન્ચ કરી હતી. કંપનીએ કહ્યું કે એસ-પ્રેસોને ભારત અને દુનિયા માટે જ ભારતમાં તૈયાર કરવામા આવેલ છે.
મંદીનો ભાર સહન કરી રહેલા ઓટો સેક્ટરમાં ગ્રાહકોનાં સન્નાટાને જોતા ઘણી કંપનીઓએ પોતાના ઉત્પાદનમાં બ્રેક લાવી દીધો છે. આ વચ્ચે મારુતિ સુઝુકી એક બોલ્ડ અને શક્તિશાળી એસયુવી લઇને આવી છે. કંપનીની 5 મી પેઢીની હાર્ટ્રેક્ટ પ્લેટફોર્મ પર વિકસિત, આ નવી મીની એસયુવીમાં 40 ટકા ઉંચા ટેન્સિલ સ્ટીલનો ઉપયોગ કરવામાં આવ્યો છે, જે વધુ મજબૂતી, વધુ સુરક્ષા અને મજબૂત માળખું પ્રદાન કરે છે.
એસ-પ્રેસોની એક્સ શોરૂમ કિંમત રૂ. 3,69,000 થી શરૂ થશે. તે ચાર વેરિયન્ટમાં આવશે અને તેના ટોપ વેરિએન્ટની કિંમત 4,91,000 રૂપિયા હશે. તે ફક્ત પેટ્રોલ એન્જિન સાથે જ ઉપલબ્ધ થશે. એસ-પ્રેસો 1.0 લિટરનાં 10 એન્જિનો દ્વારા સંચાલિત છે, જે ઇન્ડિયા સ્ટાન્ડર્ડ એમિશન-6 નું પાલન કરે છે. મેન્યુઅલ અને એજીએસ (ઓટો ગિયર શિફ્ટ) વિકલ્પો સાથે તે મજબૂત પ્રદર્શન અને બળતણ કાર્યક્ષમતામાં સુધારો કરે છે. કંપનીએ જણાવ્યું હતું કે એસ-પ્રેસો દેશભરમાં એરેના રિટેલ નેટવર્ક દ્વારા વેચવામાં આવશે અને તે 10 થી વધુ સલામતી સુવિધાઓથી સજ્જ છે. મારુતિ સુઝુકી એસ-પ્રેસો સાથે તેના ગ્રાહકોને ઘણી શ્રેષ્ઠ-વર્ગની સુવિધાઓ પ્રદાન કરશે.
એસ-પ્રેસો પાસે તેની કેટેગરીમાં પ્રથમ સ્ટીયરિંગ માઉન્ટ થયેલ ઓડિયો અને વોઇસ નિયંત્રણ સિસ્ટમ છે. એડવાન્સ્ડ સ્માર્ટપ્લે સ્ટુડિયો ખાતરી આપે છે કે મ્યુઝિક, મનોરંજન અને નેવિગેશન હંમેશાં એક ટચ સાથે ઉપલબ્ધ હોય છે. તેમાં એન્ડ્રોઇડ ઓટો, એપલ કારપ્લે અને અન્ય સ્માર્ટપ્લે સ્ટુડિયો એપ્લિકેશનોને સપોર્ટ કરનાર યૂઝર ફ્રેંડલી અને વાઇબ્રેન્ટ ગ્રાફિકલ યૂઝર ઇન્ટરફેસ છે.
રમો મંતવ્ય નવરાત્રી ક્વિઝ 2019. આપો સરળ સવાલોના જવાબ,લકી વિજેતાઓને મળશે બમ્પર ઇનામો. પ્રતિયોગિતામાં ભાગ લેવા માટે ડાઉનલોડ કરો
“Mantavya News” એપ્લિકેશન. Click
https://play.google.com/store/apps/details?id=amigoinn.example.mantavya&hl=en_IN
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.