Surat News:સુરત (Surat) શહેરના કાપોદ્રા વિસ્તારમાં સગીરાની છેડતીની (Harassment) ઘટના સામે આવી છે.જ્યાં એક સગીરાનું અપહરણ ગુનો કરવાના ઇરાદે કરવામાં આવ્યું હતું. પરંતુ સદનસીબે તે બચી ગઈ હતી આ સમગ્ર ઘટનાની ફરિયાદ કાપોદ્રા પોલીસ સ્ટેશનમાં ન્ધઈ હતી. ત્યાર બાદ પોલીસે આરોપીની ધરપકડ કરી છે, અને તપાસ ચાલુ છે.આ ઘટના કાપોદ્રા વિસ્તારમાં બની હતી, જ્યાં આરોપી ચેતન ઉર્ફે કાનો રમેશ હડેતરે ગુનો કરવાના ઇરાદે રોટલીની દુકાનમાંથી એક સગીરનું બળજબરીથી અપહરણ કરવાનો પ્રયાસ કર્યો હતો.

આરોપીએ સગીર પર છરીથી હુમલો કરીને તેને ધમકી આપી હતી, જેનાથી તેને ગરદન અને કાંડા પર ઘા મારવામાં આવ્યા હતા. આ હુમલા દરમિયાન, સગીરાએ હિંમત બતાવી અને આરોપીના ચુંગાલમાંથી છટકીને ઘરે પહોંચી ગઈ હતી.આ ઘટના બન્યા બાદ તેને તેના પરિવારને ઘટનાની જાણ કરી. અને ત્યાર બાદ પરિવારે તાત્કાલિક કાપોદ્રા પોલીસ સ્ટેશનમાં ફરિયાદ નોંધાવાઈ હતી.

આ પહેલા  સુરત જિલ્લાના માંડવી તાલુકાના કરચેલિયા ગામમાં એક સગીર આદિવાસી બાળકી સાથે થયેલી છેડતીની ઘટના બહાર આવી હતી. આ ઘટનાને પગલે ગ્રામજનોમાં રોષ ફેલાયો હતો, જેના કારણે દુકાનમાં તોડફોડ અને આગજનીની ઘટના બની હતી. કરચેલિયા ગામની એક સગીર આદિવાસી બાળકી ગામની એક દુકાને પેન્સિલ ખરીદવા ગઈ હતી. આ દરમિયાન દુકાનદારે તેની સાથે અયોગ્ય વર્તન કરી છેડતી કરી હોવાનો આરોપ લગાવ્યો હતો. આ ઘટનાની જાણ બાળકીના પરિવારજનોને થતાં તેઓએ આ મામલે પોલીસમાં ફરિયાદ નોંધવાનો પ્રયાસ કર્યો. જોકે, ગ્રામજનોનો આક્ષેપ છે કે પોલીસ દ્વારા સમયસર યોગ્ય કાર્યવાહી ન કરવામાં આવતાં લોકોનો ગુસ્સો ભભૂકી ઊઠ્યો.

આ પણ વાંચો:સુરતના સલાબતપુરામાં લુખ્ખા તત્વોનો પથ્થરમારા સાથે આતંક, ગાડી પાર્ક કરવા મુદ્દે પિતા-પુત્રને માર્યા, ઘરમાં તોડફોડ કરી

આ પણ વાંચો:સુરતની વીર નર્મદ યુનિવર્સિટી ફરી વિવાદમાં, શૈક્ષણિક જમીન નવરાત્રી માટે ભાડે આપવાનો આરોપ

આ પણ વાંચો:સુરતમાં બ્લેકમેલિંગથી કંટાળીને યુવતીએ કર્યો આપઘાત….