Nepal Ceam created History: આ વર્ષના અંતમાં ભારત દ્વારા યોજાનાર ODI વર્લ્ડ કપ માટે ક્વોલિફાઇંગ મેચોનો રાઉન્ડ ખૂબ જ રોમાંચક બન્યો છે. આમાં હવે નેપાળની ટીમે પોતાનો મજબૂત દાવો રજૂ કર્યો છે. નેપાળે ICC વર્લ્ડ કપ લીગ-2માં શાનદાર પ્રદર્શન કર્યું છે.
આ લીગના 21મા રાઉન્ડની છઠ્ઠી મેચ નેપાળ અને UAE વચ્ચે રમાઈ હતી. આ મેચ નેપાળના કીર્તિપુરમાં જ થઈ હતી. મેચ ખૂબ જ રોમાંચક રહી હતી, જેમાં નેપાળે ડકવર્થ-લુઈસ પદ્ધતિથી મેચમાં UAEની ટીમને 9 રનથી હરાવ્યું હતું. આ સાથે નેપાળની ટીમ સીધી રીતે વર્લ્ડ કપ ક્વોલિફાયર માટે ક્વોલિફાય થઈ ગઈ છે. જણાવી દઈએ કે આ મેચ જોવા માટે સ્ટેડિયમમાં એટલી બધી ભીડ એકઠી થઈ ગઈ હતી કે સ્ટેન્ડમાં જગ્યા ઓછી હતી. સ્ટેડિયમની બહાર પણ ચાહકોએ ઝાડ પર બેસીને મેચ નિહાળી હતી. આ ભીડના ઘણા ફોટા સોશિયલ મીડિયા પર વાયરલ થઈ રહ્યા છે. દર્શકોએ વૃક્ષો પર નેપાળના ધ્વજ પણ લગાવ્યા હતા. આટલી ભીડ અત્યાર સુધી વર્લ્ડ કપની કોઈપણ મેચમાં જોવા મળી નથી.
આ મેચમાં UAEએ ટોસ જીતીને પ્રથમ બેટિંગ કરવાનો નિર્ણય કર્યો અને 6 વિકેટે 310 રન બનાવ્યા. ટીમ માટે 7મા નંબર પર બેટિંગ કરતી વખતે આસિફ ખાને 42 બોલમાં 101 રનની અણનમ સદી રમી હતી. પરંતુ કમનસીબે તે પોતાની ટીમ માટે મેચ જીતી શક્યો ન હતો. 311 રનના લક્ષ્યાંકનો પીછો કરવા ઉતરેલી નેપાળની ટીમે 44 ઓવરમાં 6 વિકેટે 269 રન બનાવ્યા હતા. આ દરમિયાન યજમાન ટીમને જીતવા માટે 36 બોલમાં 42 રનની જરૂર હતી. પરંતુ ત્યારપછી અમ્પાયરોએ ખરાબ પ્રકાશને કારણે મેચ રોકી દીધી હતી. અહીંથી ફરી સ્પર્ધા શરૂ થઈ નથી. આ પછી ડકવર્થ લુઈસ નિયમ હેઠળ 311 રનનો ટાર્ગેટ 44 ઓવરમાં 261 રન થઈ ગયો હતો.
જ્યારે નેપાળની ટીમ આટલી ઓવરમાં 6 વિકેટે 269 રન બનાવી ચુકી હતી. આવી સ્થિતિમાં નેપાળને આ મેચમાં 9 રનથી વિજેતા જાહેર કરવામાં આવ્યું હતું. આ જીત સાથે નેપાળે વર્લ્ડ કપ ક્વોલિફાયર માટે સીધું જ ક્વોલિફાય કરી લીધું છે. નેપાળ ટીમ તરફથી ભીમ શાર્કીએ 67, આરીફ શેખે 52, ગુલશન ઝાએ 50 અને કુશલ ભુર્તાલે પણ 50 રન બનાવ્યા હતા. નેપાળે છેલ્લી 12 મેચોમાં 11 મેચ જીતીને શાનદાર પ્રદર્શન કર્યું છે. હવે વર્લ્ડ કપ ક્વોલિફાયર જૂન-જુલાઈ દરમિયાન ઝિમ્બાબ્વેમાં રમાશે. સ્કોટલેન્ડ અને ઓમાન પહેલા જ વર્લ્ડ કપ લીગ 2 માંથી વર્લ્ડ કપ ક્વોલિફાયરમાં પ્રવેશી ચૂક્યા છે. તો આ ક્વોલિફાયરમાં 5 ટીમો સુપર લીગમાંથી આવશે અને બાકીની 2 ટીમો નામિબિયામાં યોજાનારી ક્વોલિફાયર પ્લે-ઓફમાંથી આવશે. વર્લ્ડ કપ ક્વોલિફાયર આ મહિનાથી એટલે કે 26 માર્ચથી 5 એપ્રિલ સુધી રમાશે. આ મેચો નામીબિયામાં યોજાવાની છે, જેમાં યજમાન નામીબિયા સિવાય UAE, USA, પાપુઆ ન્યુ ગિની, જર્સી અને કેનેડાની ટીમો ભાગ લેશે.
આ પણ વાંચો: Pakistan/ગરીબ પાકિસ્તાન હજુ પણ ઘમંડમાં, પરમાણુ કાર્યક્રમોમાં કોઈ સમજૂતી નહીં થાય
આ પણ વાંચો: Saudi Iran Deal/ભારતે સાઉદી-ઈરાન કરારનું કર્યું સ્વાગત, MEAએ ચીન સાથે સૈન્ય વાટાઘાટો પર કહી આ વાત
આ પણ વાંચો: karnataka election 2023/પાર્ટીના કાર્યકરોએ BS યેદિયુરપ્પાની કારને ઘેરી, પ્રચાર કરવો પડ્યો રદ , જાણો સમગ્ર મામલો
