Food Recipe: મોરિંગા અર્થાત્ સરગવાના પાનની ચા પણ બનાવીને પી શકાય છે અથવા તો મોરિંગાના પાંદડાના પરોઠા (Moringa Paratha) બનાવીને પણ ખાઇ શકાય છે એ ઘણા જ હૅલ્ધી હોય છે.

મોરિંગા અર્થાત્ સરગવાના પાન (Drumstick Leaves) અને ફળીને દરરોજ કોઈ ને કોઈ રીતે પોતાના ડાયેટમાં સામેલ કરવાની કોશિશ કરવી જોઈએ. એના પાન પોષણથી ભરપૂર હોય છે. મોરિંગા શરીર માટે આવશ્યક એવા તમામ વિટામિન (Vitamin) પ્રચૂર માત્રામાં મળી આવે છે. આયુર્વેદમાં મોરિંગાના પાન (Moringa Leaves), એની ફળીઓ અને એની ડાળખીને ઉપયોગમાં લેવામાં આવે છે. સરગવાના પાનની ચા (Moringa Tea) પણ બનાવીને પી શકાય છે અથવા તો એના પાંદડાના પરોઠા (Moringa Paratha) બનાવીને પણ ખાઇ શકાય છે એ ઘણા જ હૅલ્ધી હોય છે.

સવારના બ્રેકફાસ્ટમાં ફટાફટ અને સરળતાપૂર્વક બની જતી આ એક હૅલ્ધી વાનગી છે…મોરિંગાના પાનને સમારીને બનાવવામાં આવતા પરોઠા પાલખ પરોઠા કે બથુઆ પરોઠાથી વધુ ટેસ્ટી બનશે. કોઈને ખબર પણ નહિં પડે કે તમે પરોઠા (Moringa Paratha)માં સરગવાના પાન ઉમેર્યા છે! એને મિક્સરમાં વાટીને અથવા તો સમારીને…બંને રીતે તમે એને ઉપયોગમાં લઈ શકો છો. આમ તો, મોરિંગાના પાનને સમારીને બનાવેલા પરોઠા (Moringa Paratha) વધુ ક્રિસ્પી અને સ્વાદસભર બને છે. તમે એને કોથમીર-મરચાની ગ્રીન ચટણી અથવા સૉસ સાથે ખાઈ શકો છો કે પછી ચા સાથે એનો ગરમાગરમ આસ્વાદ્ય માણી શકો છો.

મોરિંગાના પાંદડાના સેવનના ફાયદા (Moringa Leaves Benefits)

મોરિંગાના પાંદડા તેના ફાયદાકારક ફાયદા માટે પ્રખ્યાત છે. મોરિંગાના પાંદડાઓને ડ્રમસ્ટિક પાંદડા પણ કહેવામાં આવે છે. તેના પાનનો રસ પીવાથી શરીરને ઘણા ફાયદા થાય છે, કારણ કે આ પાન પ્રોટીન, મિનરલ્સ, કેલ્શિયમ અને વિટામિન્સથી ભરપૂર હોય છે. લોકો મોરિંગાના પાનનું સેવન ઘણી રીતે કરે છે. મોરિંગાના પાંદડા, ફૂલો અને શીંગો પણ ખાવામાં આવે છે. મોરિંગાના પાંદડા અને ફૂલોમાંથી ડમ્પલિંગ બનાવવામાં આવે છે. તેના પાનનો રસ પીવાથી પણ ફાયદો થાય છે.

ડાયાબિટીસના દર્દીઓ માટે આ જ્યુસ પીવો ખૂબ જ ફાયદાકારક છે.  એક રિપોર્ટ અનુસાર, મોરિંગાના પાંદડામાં એવા ગુણ હોય છે જે શરીરના બ્લડ શુગર લેવલને નિયંત્રિત કરે છે અને ઈન્સ્યુલિનને વધારે પડતું વધવા દેતું નથી. જો કે, આ લોકોને તબીબી સલાહ પર જ આ જ્યુસ પીવાની સલાહ આપવામાં આવે છે. ડ્રમસ્ટિક અથવા મોરિંગાના પાનનો રસ પણ હૃદય રોગ માટે ફાયદાકારક માનવામાં આવે છે. મોરિંગાના જ્યૂસમાં એન્ટીઓક્સીડેન્ટ ભરપૂર માત્રામાં જોવા મળે છે જે હ્રદયની બીમારીઓને રોકવામાં ફાયદાકારક છે. મોરિંગાના પાંદડામાં ભરપૂર પ્રમાણમાં ફાઈબર હોય છે, તેથી આ પાંદડા તમારી પાચન શક્તિને પણ મજબૂત બનાવે છે. મોરિંગાના પાનનો રસ પીવાથી કબજિયાતની સમસ્યામાં પણ રાહત મળે છે. મોરિંગા પેટના અલ્સરની સમસ્યામાં પણ રાહત આપે છે. આથી જ મોરિંગાના પાનને આહારમાં સામેલ કરવા જોઈએ.

શી રીતે બનાવશો મોરિંગાના પાનના પરોઠા? (Moringa Paratha Recipe)

મોરિંગાના પાનના પરોઠા (Moringa Paratha) બનાવવા માટે તમને આટલી સામગ્રી (Ingredients)ની આવશ્યકતા રહેશે.

સામગ્રી

1 વાડકી મોરિંગા એટલે કે સરગવાના તાજા પાન

2 વાડકી લોટ

અડધી વાડકી બેસન

સ્વાદાનુસાર મીઠું

1 નાની ચમચી હળદર

2 ચમચી લસણ-મરચાની પેસ્ટ

1 ચમચી સફેદ તલ

1 વાડકી દહીં

1 ચમચી તેલ

તેલ, ઘી અથવા બટર જરુર મુજબ

પાણી જરુર મુજબ

બનાવવાની વિધિ

1. સૌપ્રથમ તમારે મોરિંગા એટલે કે સરગવાના તાજા પાન લેવાના રહેશે. પાંદડાનું માપ તમે લોટ અને તમારા સ્વાદાનુસાર રાખી શકો છો.

2. પાનને સારી રીતે ધોઈ લેવા અને કોરા કરીને સારી રીતે બારીક સમારી લેવા.

3. હવે એક બાઉલમાં સરગવાના સમારેલા પાન, સ્વાદાનુસાર મીઠું, હળદર અને લસણ-મરચાની પેસ્ટ, સફેદ તલ, 1 વાડકી દહીં અને 1 ચમચી તેલ ઉમેરીને સારી રીતે મિક્સ કરી લો.

4. હવે આ મિશ્રણમાં ઘઉંનો લોટ (Wheat Flour) મિક્સ કરતા જાઓ અને જરુર મુજબ પાણી ઉમેરીને સૉફ્ટ લોટ બાંધી દો.

5. પરોઠાને વધુ હૅલ્ધી અને ક્રિસ્પી બનાવવા માટે તમે અડધી વાડકી બેસન (Besan) પણ મિક્સ કરી શકો છો.

6. હવે હળવા હાથે અટામણ લગાવીને તમારી પસંદના શૅપમાં પરોઠા વણી લેવા.

7. નૉન-સ્ટિક અથવા તો તવી પર તેલ લગાવી ગ્રીસ કરીને સોનેરી રંગના થાય ત્યાં સુધી પરોઠાને શેકી લેવા. જરુર મુજબ તેલ લગાવવું.

8. જો તમારે તેલમાં શેકેલા ન ખાવા હોય તો એને રોટલીની જેમ પણ શેકીને ઘી અથવા બટર લગાવી શકો છો.

તો તૈયાર છે મોરિંગાના સ્વાદિષ્ટ પરોઠા….જેને તમે સવારના બ્રેકફાસ્ટમાં તમે એને કોથમીર-મરચાની ગ્રીન ચટણી (Green Chutney) અથવા સૉસ સાથે ખાઈ શકો છો કે પછી ચા સાથે એનો ગરમાગરમ આસ્વાદ્ય માણી શકો છો. સરગવાને આહારમાં સામેલ કરવાનો આ એક ઉત્તમ વિકલ્પ છે, આમ કરવાથી શરીરને સારી એવી ફાઈબર (Fiber)ની માત્રા પ્રાપ્ત થશે.

આ પણ વાંચો: ઝટપટ પૌષ્ટિક નાસ્તો બનાવવાનો એક બહેતરીન વિકલ્પ…મોરિંગા પોડી ઈડલી…સરળ રેસિપી..!

આ પણ વાંચો: મોરિંગાના પાન સ્વાસ્થય માટે ફાયદાકારક, દરરોજ સવારે ખાલી પેટે 1 ગ્લાસ કરો સેવન, જાણો લાભ

આ પણ વાંચો: મોરિંગાથી માંડીને હળદર સુધી…4 શક્તિશાળી ફૂડ્સ…મહિલાઓના PCOS અને સાંધાના દુખાવાને જળમૂળથી મટાડશે..!