બોલીવુડની ફિલ્મોમાં હંમેશાં માતાના પાત્રને એક ઉચ્ચ સન્માનીય સ્થાન આપવામાં આવ્યું છે. કેટલીકવાર ફિલ્મોમાં માતાને ખૂબ ભાવનાત્મક બતાવવામાં આવે છે, તો ક્યારેક તે સાહસી અને હિંમતવાન હોય છે અને બાળકો માટે દુનિયા સામે લડતી હોય છે. આજે મધર્સ ડેના વિશેષ પ્રસંગે આવી કેટલીક ફિલ્મોની જ વાત કરીશું.
મધર ઇન્ડિયા – 1957
બોલિવૂડની શ્રેષ્ઠ ફિલ્મોમાંની એક, ‘મધર ઈન્ડિયા’ એ એક લાચાર માતાની વાર્તા છે જે પતિની માંદગીને કારણે એકલા હાથે પોતાના બે પુત્રોનો ઉછેર કરે છે. આ દરમિયાન તેણે સમાજ સાથે તેમના એક પુત્રનો પણ સામનો કરવો પડ્યો. મહેબૂબ ખાન દિગ્દર્શિત આ ફિલ્મમાં નરગિસ, સુનીલ દત્ત અને રાજકુમાર મુખ્ય ભૂમિકામાં છે.
મા- 1976
1976 માં બનેલી આ ફિલ્મમાં એક એવા દીકરાની વાર્તા છે જેની માતા સર્કસ હાથીના પગથી કચડાઇને મરી જાય છે. માતાના મૃત્યુ પછી, તેનો પુત્ર બદલો લેવા સર્કસના તમામ પ્રાણીઓને એક પછી એક મારી નાખે છે. આ ફિલ્મમાં નિરૂપા રોય માતાની ભૂમિકા ભજવે છે જ્યારે ધર્મેન્દ્ર તેનો પુત્ર બને છે.
મા- 1991
જીતેન્દ્ર અને જયા પ્રદા સ્ટારર ફિલ્મ એક હોરર ડ્રામા ફિલ્મ હતી. ફિલ્મમાં, જયા પ્રદા તેમના પુત્રને જન્મ આપતી વખતે મૃત્યુ પામે છે, જેના પછી જીતેન્દ્ર તેને ઉછેરે છે. બાદમાં, જ્યારે કેટલાક લોકો તેના પુત્રને મારવા માગે છે, ત્યારે જયાની આત્માએ તેને બચાવી લે છે.
જજ્બા- 2015
ઇરફાન ખાન, ઐશ્વેર્યા રાય અને શબાના આઝમી અભિનીત ફિલ્મ જજ્બા એ એક માતાની વાર્તા છે જેણે તેની બાળકીને અપહરણકર્તાથી બચાવવા એક ખૂનીને બચાવ્યો હતો. ફિલ્મમાં, ઐશ્વર્યાએ શહેરના શ્રેષ્ઠ વકીલની ભૂમિકા ભજવી હતી, જે કિડનેપરના કહેવા પર ચાલે છે. તે જ સમયે, આ ફિલ્મ એક એવી માતાની પણ એક વાર્તા છે જે પુત્રીની હત્યારાને તેની પુત્રીના મૃત્યુનો બદલો લેવા માટે ઇરાદાપૂર્વક જેલમાંથી બહાર કાઢે છે. જેથી તેણીની નિર્દયતાથી તેમની હત્યા કરી શકાય.
માતૃ- 2017
રવિના ટંડને આ ફિલ્મમાં એક મજબુત માતાની ભૂમિકા નિભાવી રહી છે જે પોતાની પુત્રીના બળાત્કાર અને હત્યા બાદ આખી સિસ્ટમ વિરુદ્ધ લડત ચલાવે છે.
મોમ – 2017
શ્રીદેવી અને નવાઝુદ્દીન સિદ્દીકી સ્ટારર આ ફિલ્મ સાવકી માતાના બદલાની વાર્તા છે. આ ફિલ્મમાં શ્રીદેવીની સાવકી પુત્રી આર્યનું તેની સ્કુલમાં ભણતા કેટલાક છોકરાઓ દ્વારા ગેંગરેપ કરવામાં આવે છે. જેના કારણે તેણીને આઘાત લાગ્યો હતો. પુત્રીના આરોપીઓનો બદલો લેવા માટે શ્રીદેવી જાતે એક જાસૂસ સાથે બધાને પાઠ ભણાવે છે.
શક્તિ – 2002
કરિશ્મા કપૂર અને નાના પાટેકર સ્ટારર આ ફિલ્મ એક માતાની વાર્તા છે, જેનાં સાસરિયાં તેને તેના બાળકથી અલગ કરવા માગે છે. ફિલ્મમાં કરિશ્મા ઘણા લોકોની વિરુદ્ધ જઈ પુત્ર સાથે જવા માટે સંઘર્ષ કરતી જોવા મળી રહી છે.
નિલ બટ્ટે સન્નાટા – 2015
સ્વરા ભાસ્કર અભિનીત નિલ બટ્ટે સન્નાટા એક એવી માતાની વાર્તા છે જે પોતાની પુત્રીને ભણાવી ગણાવી એક અધિકારી બનાવવા માંગે છે. જ્યારે તેની પુત્રી ભણવા માટે તૈયાર નથી, સ્વરા જાતે જ તેના વર્ગમાં પ્રવેશ લઈ પ્રેરણા આપે છે.
