દેશમાં અનેક સ્થાનો પર ઠંડીનું પ્રમાણ ઘટી રહ્યું છે. ઉત્તર ભારતમાં હિમવર્ષા જોવા મળી શકે તેવી હવામાન વિભાગ દ્વારા આગાહી કરવામાં આવી છે.પહાડી વિસ્તારોમાં હિમવર્ષાને પગલે ફરી ઠંડા પવનો ફૂંકાતા ઉત્તર ભારતમાં ઠંડીનું પ્રમાણ સામાન્ય વધશે. હવામાન વિભાગે આગાહી કરી છે કે આજે દેશમાં ઘણા રાજ્યોમાં હળવાથી મધ્યમ વરસાદ જોવા મળી શકે છે. હાલમાં ચક્રવાતની અસર બંગાળની ખાડીથી લઈને અરબી સમુદ્ર સુધી છે, જેના કારણે અવાર-નવાર વરસાદ પડી રહ્યો છે. આ પ્રકારની સ્થિતિ 17 ફેબ્રુઆરી સુધી ચાલુ રહેવાની ધારણા છે. હવામાન વિભાગની આગાહી મુજબ યુપી-બિહાર અને ઝારખંડમાં તેજ પવન સાથે વરસાદની આશંકા છે.
વાતાવરણમાં પલટો
વસંત શરૂ થઈ ગઈ છે. હવામાનની પેટર્ન બદલાવાની છે. જો કે ઉત્તર ભારતમાં કડકડતી ઠંડી પડી રહી છે. હવામાન વિભાગના જણાવ્યા અનુસાર આજે રાષ્ટ્રીય રાજધાનીમાં વરસાદની સંભાવના છે. દિલ્હી એનસીઆરમાં તીવ્ર ઠંડી પસાર થઈ ગઈ છે. તડકાના કારણે દિલ્હીના લોકોને હવે રાહત મળી રહી છે. તે જ સમયે, 15 થી 18 ફેબ્રુઆરી સુધી સવારે ધુમ્મસ રહેશે. 19 ફેબ્રુઆરીએ આકાશ સ્વચ્છ રહેવાની ધારણા છે.
વરસાદની આગાહી
હવામાન વિભાગના જણાવ્યા અનુસાર ઓડિશા, પશ્ચિમ બંગાળ અને સિક્કિમમાં ભારે પવન સાથે હળવો વરસાદ પડી શકે છે. જ્યારે બાંદા, ચિત્રકૂટ અને પ્રયાગરાજ સહિત 20 થી વધુ જિલ્લાઓમાં હળવાથી મધ્યમ વરસાદ સાથે વાવાઝોડાની ચેતવણી જારી કરવામાં આવી છે. તે જ સમયે, પૂર્વાંચલના એક ડઝન જિલ્લામાં વરસાદની સાથે કરા પડવાની સંભાવના છે. અને પહાડી રાજ્યોની વાત કરીએ તો આજે હિમાચલ પ્રદેશ, ઉત્તરાખંડ અને જમ્મુ-કાશ્મીરમાં હિમવર્ષા થવાની સંભાવના છે. જ્યારે દક્ષિણ ભારતના ઘણા રાજ્યોમાં આજે વરસાદ પડી શકે છે. હવામાન વિભાગના જણાવ્યા અનુસાર, તમિલનાડુ, આંદામાન અને નિકોબાર ટાપુઓમાં વરસાદની સંભાવના છે.
ગુજરાતમાં બેવડી ઋતુ
ગુજરાતની વાત કરીએ તો રાજ્યમાં અત્યારે મિશ્ર હવામાન જોવા મળી રહ્યું છે. સવારે અને રાત્રે ઠંડી લાગે છે જ્યારે બપોરે ગરમીનો અનુભવ થાય છે. તો કયારેક વાદળછાયું વાતાવરણ પણ જોવા મળે છે. એક બાજુ ઠંડી વિદાય લઈ રહી છે. ત્યારે આજે વસંતપંચમીના દિવસે અચાનક વાદળછાયું વાતાવરણ જોવા મળ્યું. હવામાન વિભાગની માહિતી મુજબ આગામી કેટલાક દિવસ રાજ્યમાં તાપમાન સૂકું રહેશે. દેશના અન્ય ભાગોમાં વરસાદની સંભાવના છે પરંતુ રાજ્યમાં વરસાદ જોવા નહી મળે. રાજ્યમાં અત્યારે સરેરાશ તાપમાન 11 ડિગ્રીથી 16 ડિગ્રીની આસપાસ નોંધાયુ છે.
આ પણ વાંચોઃ ગુજરાત/ગુજરાત સરકારે બિલ્કીસ બાનો કેસમાં સુપ્રીમ કોર્ટમાં રિવ્યુ પિટિશન દાખલ કરી
આ પણ વાંચોઃPolitical/કોંગ્રેસની પરંપરાગત બેઠક રાયબેરલી પર પ્રિયંકા ગાંધી ચૂંટણી લડશે
