દેશના સૌથી અમીર ઉદ્યોગપતિ મુકેશ અંબાણી અને નીતા અંબાણી ભલે સોશિયલ મીડિયા પર એક્ટિવ ન હોય, પરંતુ તેમના પરિવાર સાથે જોડાયેલા ફોટા અને વીડિયો અવારનવાર સામે આવે છે. હાલમાં જ મુકેશ અંબાણીનો તેમના પૌત્ર પૃથ્વી અંબાણી સાથેનો એક વીડિયો સામે આવ્યો છે, જેમાં મુકેશ અંબાણી તેમના પૌત્ર પૃથ્વીને ખોળામાં લઈ રમાડતા જોવા મળી રહ્યા છે. મુકેશ અંબાણી પણ પ્રેમથિઓ સાથે પૌત્રના કપાળ પર કિસ કરતા જોવા મળે છે. તે જ સમયે, મુકેશ અંબાણીની માતા કોકિલાબેન તેમની બાજુમાં હસતા જોવા મળે છે. આ સાથે અંબાણી પરિવારની વહુ શ્લોકા પણ પુત્ર અને સસરાની પ્રશંસા કરતી જોવા મળે છે.
આ પણ વાંચો :ઘોડી પર ચઢતી વખતે ફાટી ગયું વરરાજાનું પેન્ટ, ભીડમાં લાગ્યો આવું કરવા.. જુઓ વીડિયો
આ પહેલા મુકેશ અંબાણી સાથે પૌત્ર પૃથ્વી અંબાણીનો વધુ એક ફોટો સામે આવ્યો હતો. આમાં પૃથ્વી સફેદ કુર્તા-પાયજામામાં દાદાના ખોળામાં જોવા મળ્યો હતો. કુર્તાની સાથે પૃથ્વીએ લાલ બાંધણી પ્રિન્ટેડ નેહરુ જેકેટ પહેર્યું હતું. જણાવી દઈએ કે મુકેશ અંબાણીના પૌત્ર પૃથ્વી 10 ડિસેમ્બરે એક વર્ષનો થઈ ગયો છે. આ પ્રસંગે અંબાણી પરિવારે જામનગરમાં ભવ્ય કાર્યક્રમનું આયોજન કર્યું હતું. આ પાર્ટીમાં બોલિવૂડ અને રમતગમતની હસ્તીઓએ હાજરી આપી હતી અને લગભગ 100 પંડિતોએ પૃથ્વીની પૂજા અને વિધિઓ કરી હતી.
10મી ડિસેમ્બર, 2021ના રોજ પૃથ્વીના પહેલા બર્થ ડે પર ખૂબ ખાસ તૈયારી કરવામાં આવી હતી. શ્લોકા અંબાણીએ નેધરલેન્ડથી રમકડા મગાવ્યા હતા તો ફંક્શનમાં ભોજન તૈયાર કરવા માટે ઈટાલી અને થાઈલેન્ડથી ઈન્ટરનેશનલ શેફની ટીમ આવી હતી. સૂત્રોના જણાવ્યા પ્રમાણે, ગિફ્ટ અને રમકડા જામનગરના કેટલાક અનાથાશ્રમમાં મોકલવામાં આવ્યા હતા. આ સિવાય ફાર્મ હાઉસની આસપાસ રહેતા ગ્રામજનોને પણ ફૂડ મોકલવામાં આવ્યું હતું. આ સિવાય મહેમાનો માટે પણ પ્રાઈવેટ જેટની વ્યવસ્થા કરવામાં આવી હતી.
આ પણ વાંચો :પતંગ સાથે આકાશમાં ઉડયો એક વ્યક્તિ, વીડિયોમાં જુઓ પછી શું થયું
આપને જણાવી દઈએ કે મુકેશ અને નીતા અંબાણીના મોટા પુત્ર આકાશ અંબાણીએ માર્ચ 2019માં તેની કોલેજ ફ્રેન્ડ શ્લોકા મહેતા સાથે લગ્ન કર્યા હતા. લગ્નના દોઢ વર્ષ બાદ આકાશ અને શ્લોકા 10 ડિસેમ્બર, 2020ના રોજ પુત્ર પૃથ્વીના માતા-પિતા બન્યા હતા. આકાશ અંબાણી અને શ્લોકા મહેતા બાળપણથી એકબીજાને ઓળખતા હતા. બંનેએ પ્રારંભિક શિક્ષણ ધીરુભાઈ અંબાણી ઈન્ટરનેશનલ સ્કૂલમાં કર્યું હતું. બંને વચ્ચે સારી મિત્રતા હતી. એવું કહેવાય છે કે આકાશ અને શ્લોકાએ 12મી પછી જ એકબીજાને ડેટ કરવાનું શરૂ કર્યું હતું અને પરિવારની સહમતિથી 2019માં લગ્ન કરી લીધા હતા.
કોણ છે શ્લોકા મહેતા?
શ્લોકા મહેતાના પિતા રસેલ મહેતા પ્રખ્યાત ડાયમંડ કંપની રોઝી બ્લુના માલિક છે. શ્લોકા મહેતાએ 2009માં નીતા અંબાણીની ધીરુભાઈ અંબાણી ઈન્ટરનેશનલ સ્કૂલમાંથી પોતાનો અભ્યાસ પૂર્ણ કર્યો હતો. શ્લોકા મહેતા તેના પિતા રસેલ મહેતાની કંપનીમાં ડિરેક્ટર છે અને તેમનો બિઝનેસ પણ સંભાળે છે. તેનો મોટો ભાઈ અને મોટી બહેન પહેલેથી જ પરિણીત છે અને શ્લોકા ઘરમાં સૌથી નાની છે. બહુ ઓછા લોકો જાણતા હશે કે શ્લોકા મહેતા કનેક્ટ ફોર નામની કંપનીના સ્થાપક પણ છે, જેના દ્વારા તે NGO ને મદદ કરે છે.
આ પણ વાંચો :છપ્પર ફાડીને સાંતાની એન્ટ્રી, અંદાજ જોઈને દંગ રહી ગયા લોકો , જુઓ વીડિયો
આ પણ વાંચો :વાળમાં સાપ બાંધીને ખરીદી કરવા નીકળી મહિલા, જુઓ આ ખતરનાક વીડિયો
આ પણ વાંચો : પ્રસ્તુત છે પારલે જી બિસ્કીટની બરફી, વીડિયો જોઈને લોકો થઈ રહ્યા છે ભાવુક