હવે તમારા માટે સાબુ અને ડિટરજન્ટ ખરીદવું મોંઘું થઈ ગયું છે. HUL અને ITCએ સાબુ અને ડિટર્જન્ટના ભાવમાં વધારો કરવાની જાહેરાત કરી છે. વ્હીલ ડિટર્જન્ટ પાવડર, રિન્સ બાર અને લક્સ સાબુની કિંમતો 3.4માં ટકાથી વધારીને 21.7 ટકા વધારો કરવામાં આવ્યો છે. જ્યારે ITCએ ફિયામા સાબુની કિંમતમાં 10 ટકા, વિવેલમાં 9 ટકા અને એન્ગેજ ડિઓડરન્ટની કિંમતમાં 7.6 ટકાનો વધારો કર્યો છે. આ માહિતી CNBC TV18ના રિપોર્ટમાંથી મળી છે.
રિપોર્ટ અનુસાર, દેશની બે સૌથી મોટી ફાસ્ટ મૂવિંગ કન્ઝ્યુમર ગુડ્સ (FMCG) કંપનીઓએ કિંમતોમાં વધારા પાછળનું કારણ ઇનપુટ કોસ્ટમાં વધારો દર્શાવ્યો છે. HULએ વ્હીલ ડિટર્જન્ટના 1 કિલો પેકની કિંમતમાં 3.4 ટકાનો વધારો કર્યો છે. આનાથી તે 2 રૂપિયા મોંઘું થશે. કંપનીએ 500 ગ્રામના વ્હીલ પાવડરના પેકની કિંમતમાં બે રૂપિયાનો વધારો કર્યો છે. તેની કિંમત 28 રૂપિયાથી વધીને હવે 30 રૂપિયા થઈ ગઈ છે.
લક્સ સાબુ 25 રૂપિયા મોંઘો થયો છે
રિપોર્ટમાં કહેવામાં આવ્યું છે કે HULએ રિન બારના 250 ગ્રામ પેકની કિંમતમાં 5.8 ટકાનો વધારો કર્યો છે. FMCG જાયન્ટે લક્સ સાબુના 100 ગ્રામ મલ્ટિપેકની કિંમતમાં 21.7 ટકા અથવા 25 રૂપિયાનો વધારો કર્યો છે.
બીજી તરફ, ITCએ ફિયામા સાબુના 100 ગ્રામ પેકના ભાવમાં 10 ટકાનો વધારો કર્યો છે. તે જ સમયે, કંપનીએ વિવેલ સાબુના 100 ગ્રામ પેકની કિંમતમાં નવ ટકાનો વધારો કર્યો છે. રિપોર્ટમાં વધુમાં જણાવાયું છે કે કંપનીએ Engage ડિઓડરન્ટની 150ml બોટલની કિંમતમાં 7.6 ટકા અને Engage પરફ્યુમની 120ml બોટલની કિંમતમાં 7.1 ટકાનો વધારો કર્યો છે.
ITC એ કારણ તરીકે ખર્ચમાં વધારો દર્શાવ્યો હતો
ITCના પ્રવક્તાએ CNBC TV18 ને જણાવ્યું હતું કે ઇનપુટ કોસ્ટના ભાવમાં નોંધપાત્ર વધારો થયો છે અને ઉદ્યોગે ભાવમાં વધારો કર્યો છે. તેમણે કહ્યું કે આને ધ્યાનમાં રાખીને કંપનીએ પસંદગીની વસ્તુઓની કિંમતોમાં ફેરફાર કર્યો છે.
તમને જણાવી દઈએ કે બીજા ક્વાર્ટરમાં હિન્દુસ્તાન યુનિલિવરના ચોખ્ખા નફામાં વાર્ષિક ધોરણે 9 ટકાનો વધારો થયો છે. કંપનીનો નફો રૂ. 2,187 કરોડ સુધી પહોંચી ગયો છે, જે અપેક્ષા કરતાં થોડો ઓછો રહ્યો છે.
ગુજરાત / Pm ગતિ શક્તિ યોજનાના વિકાસ માટે ગાંધીનગર ખાતે બેઠક યોજાશે, આવો જાણીએ તેની ખૂબીઓ
National / જેવર એરપોર્ટને એશિયાનું નંબર-1 કેમ કહેવામાં આવે છે, જાણો તેની ખૂબીઓ
બનાસકાંઠા / CM ભૂપેન્દ્ર પટેલ સાહેબ એક કરોડ મોકલી આપજો, નહીં તો.. : સોશિયલ મીડિયા પર CMને મળી ધમકી