Mumbai Fire Break Out 3 Died: મુંબઈ (Mumbai)થી એક ખરાબ સમાચાર સામે આવી રહ્યા છે. એક ઈમારતમાં લાગેલી આગમાં ત્રણ લોકોના મોત થયા છે. આ અકસ્માત સવારે 8.05 વાગ્યે થયો હોવાનું કહેવાય છે. આજે એટલે કે 16મી ઓક્ટોબરની સવારે એક ફ્લેટમાં અચાનક આગ ફાટી નીકળી હતી. આ આગમાં ત્રણ લોકો ગંભીર રીતે દાઝી ગયા હતા અને મૃત્યુ ( 3 dead) પામ્યા હતા. ઘટનાની માહિતી મળતા જ પોલીસ અને ફાયર બ્રિગેડના જવાનો ઘટના સ્થળે પહોંચી ગયા હતા. ફાયર બ્રિગેડના જવાનોએ આગ પર કાબુ મેળવ્યો હતો. ઘાયલોને હોસ્પિટલમાં દાખલ કરવામાં આવ્યા છે.
14 માળની ઈમારતના 10મા માળે લાગી આગ
મુંબઈના અંધેરી વેસ્ટ સ્થિત લોખંડવાલા કોમ્પ્લેક્સમાં અચાનક આગ ફાટી નીકળી હતી. અહીંના રિયા પેલેસના 10મા માળે આગ લાગી હતી. 14 માળની ઈમારતમાં ઘણા પરિવારો રહેતા હતા. આગની જાણ થતાં જ સ્થાનિક લોકોએ ફાયર એન્જિન અને એમ્બ્યુલન્સને બોલાવી હતી. આ બિલ્ડીંગમાં આગ કેવી રીતે લાગી? આ વાત હજુ સુધી બહાર આવી નથી. રિપોર્ટ્સનું માનીએ તો ફ્લેટમાં લગાવેલા એર કંડિશનરને કારણે આગ આખા ઘરમાં ફેલાઈ ગઈ હતી. જો કે આ અંગે હજુ સુધી કોઈ ઔપચારિક નિવેદન બહાર આવ્યું નથી.
Maharashtra | Three people died after a fire broke out in the Riya Palace building in Andheri area of Mumbai. As soon as information about the fire was received, fire brigade officials reached the spot and started controlling the fire: BMC
— ANI (@ANI) October 16, 2024
ટાઈમ્સ ઓફ ઈન્ડિયાના અહેવાલ મુજબ આ ઘટનામાં 3 લોકોના મોત થયા છે. જ્યાં આગ લાગી હતી તે જ ફ્લોર પર ત્રણેય લોકો હાજર હતા. ચંદ્રપ્રકાશ સોની, કાન્તા સોની, અને નોકર પેલુબેતા આગમાં દાઝી ગયા અને તેમના જીવ ગુમાવ્યા.
શિપિંગ કંપનીના માલિક
સ્થાનિક લોકોના જણાવ્યા અનુસાર ચંદ્રપ્રકાશ સોની એવલોન નામની શિપિંગ કંપનીના માલિક હતા. તેમની ઓફિસ આરએનએ શોપિંગ કોમ્પ્લેક્સ, લોખંડવાલામાં હતી. તેમનો સ્ટાફ તેમની સાથે છેલ્લા 15-20 વર્ષથી કામ કરતો હતો. સોની દંપતીના મોતના સમાચાર સાંભળીને ઓફિસના કર્મચારીઓ પણ ઘટનાસ્થળે પહોંચી ગયા હતા. તેમનું કહેવું છે કે ચંદ્રપ્રકાશ સોની તેમના માટે પિતા સમાન હતા.
આ પણ વાંચો:રાજ્યમાં હજી પણ મેઘસવારી અકબંધ, 24 કલાકમાં 36 તાલુકામાં વરસાદ, આજે પણ વરસાદની આગાહી
આ પણ વાંચો:ભાજપના આગામી રાષ્ટ્રીય અધ્યક્ષ કોણ બનશે? ચૂંટણી અધિકારીઓના નામ જાહેર કરાયા
આ પણ વાંચો:રાજ્યના અમદાવાદ, અમરેલી અને ગાંધીનગરમાં વરસાદી માહોલ,આજે 9 જિલ્લામાં ભારે વરસાદની આગાહી
