બોલિવૂડના મહાનાયક અમિતાભ બચ્ચનના અંગરક્ષક તરીકે ઓગસ્ટ 2021 સુધી કામ કરનાર મુંબઈ પોલીસના એક કોન્સ્ટેબલને સેવા નિયમોનું ઉલ્લંઘન કરવા બદલ સસ્પેન્ડ કરવામાં આવ્યા છે. એક પોલીસ અધિકારીએ બુધવારે આ જાણકારી આપી. એક પોલીસ અધિકારીએ જણાવ્યું કે કોન્સ્ટેબલ જિતેન્દ્ર શિંદેને સસ્પેન્ડ કરવાના આદેશ મંગળવારે જારી કરવામાં આવ્યા હતા અને તેમની સામે વિભાગીય તપાસ શરૂ કરવામાં આવી છે. જિતેન્દ્ર શિંદે અગાઉ મુંબઈ પોલીસની સુરક્ષા શાખામાં તૈનાત હતા. જિતેન્દ્ર શિંદેએ 2015 થી ઓગસ્ટ 2021 સુધી અમિતાભ બચ્ચનના બોડીગાર્ડ તરીકે કામ કર્યું હતું. જિતેન્દ્ર શિંદેની વાર્ષિક આવક 1.5 કરોડ રૂપિયા થઈ ગઈ હોવાનું પ્રકાશમાં આવ્યા બાદ મુંબઈ પોલીસ કમિશનર હેમંત નાગરાલેએ જિતેન્દ્ર શિંદેને ત્યાંથી હટાવ્યા હતા. ઓગસ્ટ 2021 પછી, જિતેન્દ્ર શિંદેને મુંબઈના ડીબી માર પોલીસ સ્ટેશનમાં તૈનાત કરવામાં આવ્યા હતા.
આ પણ વાંચો :કરણ જોહરને લોકઅપમાં કેદ કરવા માંગે છે કંગના રનૌત, વિશલિસ્ટમાં આ સેલેબ્સ પણ સામેલ
જ્યારે જિતેન્દ્ર શિંદેના સસ્પેન્શનનું ચોક્કસ કારણ પૂછવામાં આવ્યું ત્યારે મુંબઈ પોલીસના એક વરિષ્ઠ અધિકારીએ જણાવ્યું હતું કે કોન્સ્ટેબલે તેના ઉપરી અધિકારીઓને જાણ કર્યા વિના ઓછામાં ઓછા ચાર વખત દુબઈ અને સિંગાપોરની મુસાફરી કરી હતી. સેવાના નિયમો અનુસાર, જિતેન્દ્ર શિંદેએ વિદેશ પ્રવાસ માટે તેમના ઉપરી અધિકારીઓ પાસેથી પરવાનગી લેવી જોઈતી હતી. પોલીસ અધિકારીના જણાવ્યા અનુસાર, જિતેન્દ્ર શિંદેએ તેની પત્નીના નામે એક સુરક્ષા એજન્સી પણ ખોલી છે જે બચ્ચન પરિવારને સુરક્ષા પૂરી પાડતી હતી, પરંતુ ફી અંગેની લેવડદેવડ જિતેન્દ્ર શિંદેના બેંક ખાતામાં દેખાઈ હતી, તેમની પત્નીના બેંક ખાતામાં નહીં. જિતેન્દ્ર શિંદેએ કેટલીક મિલકતો પણ ખરીદી હોવાનું પ્રાથમિક તપાસમાં બહાર આવ્યું છે.
જિતેન્દ્ર શિંદેને સસ્પેન્ડ કર્યા બાદ મુંબઈ પોલીસ કમિશનરે અધિક પોલીસ કમિશનર (દક્ષિણ) દિલીપ સાવંતની અધ્યક્ષતામાં તપાસ સમિતિની રચના કરી છે.
આ પણ વાંચો :અડધી રાત્રે મુંબઈ પરત ફર્યો બપ્પી દાનો દીકરો, જાણો ક્યાં અને કેટલા વાગે કરશે અંતિમ સંસ્કાર
આ પણ વાંચો :યે રિશ્તા ક્યા કહેલાતા હૈ’ ફેમ મોહેના કુમારી. ટૂંક માતા બનવાની છે,તસ્વીરો શેર કરી …..
આ પણ વાંચો :ઇજિપ્તના રણમાં ઊંટ સાથે મસ્તી કરતી જોવા મળી હિના ખાન, તસવીરો શેર કરી કહ્યું, પરફેક્ટ પાર્ટનર
આ પણ વાંચો :અંતિમ સંસ્કાર માટે સેલેબ્સ પહોંચ્યા બપ્પી લાહિરીના ઘરે, ગુરુવારે થશે અંતિમ સંસ્કાર
