Kutch News: પશ્ચિમ કચ્છ સ્પેશિયલ ઓપરેશન ગ્રૂપ (SOG) દ્વારા મુંદ્રા તાલુકામાં નશીલા પદાર્થોની (Mundra Heroin Seized) હેરાફેરી સામે મોટી કાર્યવાહી કરવામાં આવી છે. ચોક્કસ બાતમીના આધારે SOGની ટીમે મોખા-પ્રાગપર રોડ પર વોચ ગોઠવી શંકાસ્પદ વાહનોને અટકાવી તપાસ હાથ ધરી હતી. તપાસ દરમિયાન 185 ગ્રામ હેરોઈન મળી આવતાં પોલીસે એક શખ્સની ધરપકડ કરી છે.
બાતમીના આધારે મોખા-પ્રાગપર રોડ પર વોચ
પશ્ચિમ કચ્છ SOGને નશીલા પદાર્થોની (Kutch Drug Case) હેરાફેરી અંગે ચોક્કસ બાતમી મળી હતી. બાતમીના આધારે પોલીસ ટીમે મોખા-પ્રાગપર રોડ પર વોચ ગોઠવી હતી. આ દરમિયાન શંકાસ્પદ ટ્રેલર અને કન્ટેનરને અટકાવી તેની તલાશી લેવામાં આવી હતી. તપાસ દરમિયાન વાહનમાંથી નશીલા પદાર્થનો જથ્થો મળી આવતા પોલીસે વધુ કાર્યવાહી હાથ ધરી હતી.
Mundra Heroin Seized: 185 ગ્રામ હેરોઈનનો જથ્થો મળ્યો
તલાશી દરમિયાન આશરે 185 ગ્રામ હેરોઈન (185 Gram Heroin) મળી આવ્યું હતું. પોલીસે જપ્ત કરાયેલા હેરોઈનની આંતરરાષ્ટ્રીય બજાર કિંમત આશરે રૂ. 37 લાખ હોવાનું જણાવ્યું છે.નશીલા પદાર્થનો જથ્થો મળી આવતા પોલીસે સ્થળ પરથી એક શખ્સને ઝડપી લીધો હતો. આ કેસમાં પોલીસે પંજાબના મોગા જિલ્લાના 30 વર્ષીય કારનચીત કુલબીરસિંહ માનિસની ધરપકડ કરી છે. પોલીસે આરોપી પાસેથી નશીલા પદાર્થ અંગે પૂછપરછ શરૂ કરી છે. પ્રાથમિક તપાસ બાદ પોલીસ હવે આ હેરોઈનનો જથ્થો ક્યાંથી આવ્યો હતો અને તેની આગળ કોને ડિલિવરી કરવાની હતી તે અંગે માહિતી મેળવવાનો પ્રયાસ કરી રહી છે.
હેરોઈન ઉપરાંત આ મુદ્દામાલ જપ્ત
SOGની કાર્યવાહીમાં હેરોઈન ઉપરાંત ટ્રેલર, કન્ટેનર, બે મોબાઈલ ફોન, નશીલા પદાર્થનું વજન કરવા માટેનો ડિજિટલ વજન કાંટો અને રૂ. 1.59 લાખ રોકડ પણ જપ્ત કરવામાં આવ્યા છે. પોલીસના જણાવ્યા મુજબ જપ્ત કરાયેલા સમગ્ર મુદ્દામાલની કુલ કિંમત રૂ. 1.58 કરોડથી વધુ આંકવામાં આવી છે.
આ કેસમાં પોલીસે માત્ર જપ્તી અને ધરપકડ પૂરતી કાર્યવાહી ન રાખતા સમગ્ર નશીલા પદાર્થોના નેટવર્કની તપાસ શરૂ કરી છે. હેરોઈન ક્યાંથી લાવવામાં આવ્યું હતું, કોને પહોંચાડવાનું હતું અને આ હેરાફેરીમાં અન્ય કેટલા લોકો સંકળાયેલા છે તે અંગે તપાસ કરવામાં આવી રહી છે. ખાસ કરીને પંજાબ અને ગુજરાત વચ્ચેના સંભવિત ડ્રગ્સ કનેક્શન અંગે પણ પોલીસ તપાસ કરી રહી છે.
SOGની કાર્યવાહીથી નશાના કારોબારીમાં ફફડાટ
પશ્ચિમ કચ્છ SOGની આ કાર્યવાહીથી નશીલા પદાર્થોની હેરાફેરી કરતા તત્વોમાં ફફડાટ ફેલાયો છે. પોલીસ દ્વારા આરોપીની પૂછપરછ અને અન્ય કડીઓના આધારે તપાસ આગળ વધારવામાં આવી રહી છે. તપાસ પૂર્ણ થયા બાદ ડ્રગ્સ નેટવર્ક અંગે વધુ વિગતો સામે આવવાની શક્યતા છે.
આ પણ વાંચો: જામનગરમાં નકલી દૂધના કૌભાંડનો પર્દાફાશ! હરિપર ગામમાંથી 7,150 લિટર શંકાસ્પદ દૂધ ઝડપાયું
આ પણ વાંચો: ખેડૂતોને 20% ડિવિડન્ડ, કર્મચારીઓની નિવૃત્તિ વય 60 વર્ષ! ગુજકોમાસોલની AGMમાં મોટા એલાન
આ પણ વાંચો: પામ ઓઈલ-મિલ્ક પાવડરથી બનતું હતું દૂધ? ઉપલેટામાં પોલીસનો દરોડો, લાખોનો મુદ્દામાલ જપ્ત
