Surat News: આવકવેરા વિભાગના મુંબઈની તપાસ શાખાએ સૌર ઉર્જા ક્ષેત્ર સાથે સંકળાયેલી સોલાર પેનલ મેન્યુફેક્ચરિંગ કંપની વારી ગ્રુપ પર દરોડા પાડ્યા હતા અને તેનું ગુજરાત કનેક્શન સામે આવ્યું હતું. આ પછી, આવકવેરા વિભાગે નવસારીના ચીખલીમાં દરોડા પાડ્યા હતા.
કંપનીએ સુરતમાં જમીન અને મોલમાં રોકાણ કર્યું હોવાનું મનાય છે. તેના પરિણામે, સુરતના બિલ્ડરો રાજેન્દ્ર અને મિતુલ અને વલસાડના બિપિન આવકવેરા વિભાગના રડાર હેઠળ આવ્યા છે, અને તપાસ શરૂ કરવામાં આવી છે. આમ દરોડાનો વ્યાપ વધ્યો છે.
વારી એનર્જી ગ્રુપ પર આવકવેરા દરોડા પાછળ સુરતમાં જમીન અને મોલના સોદા કારણભૂત હોવાનું માનવામાં આવે છે. કેટલાક જમીન સોદાઓ સંબંધિત દસ્તાવેજો અને અન્ય કાગળો મળી આવ્યા બાદ તપાસ શરૂ કરવામાં આવી હતી.
આવકવેરા વિભાગની મુંબઈની 30 ટીમો દ્વારા આ સર્ચ ઓપરેશન હાથ ધરવામાં આવ્યું હતું. મુંબઈની ટીમે મુંબઈ, વાપી અને ચીખલીમાં વારી ગ્રુપની ઓફિસો અને ઘરોની તપાસ કરી હતી. દક્ષિણ ગુજરાતમાં એક બિલ્ડરની ઓફિસ પર પણ દરોડા પાડવામાં આવ્યા હતા. સોલાર કંપની પર દરોડાના સંદર્ભમાં, સુરત શહેરના એક બિલ્ડર અને બ્રોકરને પણ આવકવેરા વિભાગ દ્વારા પકડવામાં આવ્યા છે.
આઇટી અધિકારીઓ ગ્રુપના તમામ દસ્તાવેજો, ડિજિટલ રેકોર્ડ અને મિલકતની વિગતો ચકાસી રહ્યા છે. ગ્રુપે તાજેતરમાં CAR ફંડમાં કરોડો રૂપિયાનું દાન આપવાની જાહેરાત કરી હતી. આ સોલાર કંપનીના સંચાલન અને જાળવણીની જવાબદારી બીજી સોલાર કંપનીને ટ્રાન્સફર કરવામાં આવી છે. આ તપાસ દરમિયાન, આવકવેરા વિભાગે દક્ષિણ ગુજરાતમાં એક બિલ્ડરની ઓફિસ પર પણ દરોડા પાડ્યા હતા અને તપાસ શરૂ કરી હતી. આ તપાસનું કેન્દ્રબિંદુ ચીખલીમાં બિલ્ડરો દ્વારા કરવામાં આવેલા કરોડો રૂપિયાના જમીન સોદા છે.
કરોડોના જમીન સોદામાં કરચોરીની શંકા હોવાથી, અધિકારીઓ મુખ્યત્વે જમીન વેચાણ વ્યવહારોમાં મૂડી લાભ કર યોગ્ય રીતે ચૂકવવામાં આવ્યો હતો કે નહીં અને આ સોદાઓમાં કેટલી રોકડ મળી હતી તેની તપાસ કરી રહ્યા છે. જમીન સોદાઓ સંબંધિત ગુપ્ત નોંધો અને અન્ય કાગળો મેળવવા માટે બિલ્ડરની ઓફિસની શોધ કરવામાં આવી રહી છે.
સોલાર કંપની પર દરોડાના સંદર્ભમાં, સુરતમાં શાહ હોલ્ડિંગ નામનો બિલ્ડર અને બ્રોકર પણ આવકવેરા વિભાગની તપાસ હેઠળ આવ્યો છે. એવું બહાર આવ્યું છે કે આ બિલ્ડર અગાઉ જમીન વિવાદોમાં સંડોવાયેલો છે. મુંબઈ આવકવેરા વિભાગ દ્વારા કરવામાં આવેલી આ કાર્યવાહીથી સુરત અને દક્ષિણ ગુજરાતના રિયલ એસ્ટેટ ક્ષેત્રમાં ખળભળાટ મચી ગયો છે, કારણ કે કરોડો રૂપિયાના જમીન સોદાઓમાં કરચોરીની શંકા પર આ દરોડા પાડવામાં આવી રહ્યા છે.
આ પણ વાંચો: સુરત (Surat) ક્રિકેટ સ્ટેડિયમના કોન્ટ્રાકટરના 2.92 કરોડના ચીટિંગ કેસમાં સુરત કોર્ટે જામીન નામંજૂર કર્યા
આ પણ વાંચો: SURAT: સુરતમાં પહેલાં રખડતા ઢોર અને હવે કૂતરાંઓનો આતંક, 4 થી વધુ લોકો ઘાયલ
આ પણ વાંચો: Surat News/સુરતમાં કરોડોનું સોનું ઝડ્પાયું, 2 આરોપીની ધરપકડ
