સીમા તટીય રાજ્ય સિક્કીમના ડોક્લામ મુદ્દે ભારત અને ચીન વચ્ચે ચાલી રહેલા વિવાદ બાદ બુધવારે પહેલીવાર બંને રાષ્ટ્રોના રાષ્ટ્રીય સલાહકાર (NSA) ની દિલ્લીમાં બેઠક યોજાવાની છે. બે દિવસ સુધી ચાલનારી આ બેઠક ભારતના NSA અજીત ડોભાલ અને ચીનના યાંગ જીચી વચ્ચે યોજાશે. ત્યારે બંને દેશોના ડોક્લામ વિવાદ અંગે પણ ચર્ચા થઇ શકે છે.ઉલ્લેખનીય છે કે, ભારત અને ચીન વચ્ચે વાતચીતનો આ ૨૦ મો રાઉન્ડ છે. આ પહેલા ડોક્લામ મુદ્દે અજીત દોભાલે ૨૭ જુલાઈના રોજ ચીનના સ્ટેટ કાઉન્સીલર યાંગ જીએચી સાથે બેઠક કરી હતી.
મહત્વનું છે કે, આ વર્ષના જુનથી ઓગષ્ટ મહિનાના અંતિમ સપ્તાહ સુધી ભારત અને ચીનના સીમાતટીય વિસ્તાર ડોક્લામમાં બંને દેશની સેના વચ્ચે ઘર્ષણ જોવા મળ્યું હતુ અને પરીસ્થિતિ વધુ તનાવપૂર્ણ બની હતી.
