મુંબઈ,
આજના ટેકનોલોજીના યુગમાં ઓનલાઇન છેતરપિંડી દ્વારા લોકોના રૂપિયા ચાઉં કરી જવાના કિસ્સાઓમાં નોધપાત્ર વધારો થયો છે, પરંતુ આ વચ્ચે આર્થિક રાજધાની મુંબઈમાંથી એક એવો કિસ્સો સામે આવ્યો છે જેને લઈ તમામ લોકોના હોંશ ઉડી ગયા છે.
હકીકતમાં, મુંબઈના માહિમ વિસ્તારમાં રહેતા બિઝનેસમેન વી શાહના મોબાઈલ પર ૨૭-૨૮ ડિસેમ્બરની રાત્રિ દરમિયાન બે અજાણ્યા નંબરોથી ૬ મિસ કોલ આવ્યા હતા અને ત્યારબાદ ગણતરીની મિનિટોમાં તેઓના બેંક એકાઉન્ટમાંથી અંદાજે ૨ કરોડ રૂપિયા જેટલી રકમ ગાયબ થઇ ગઈ હતી.
બતાવવામાં આવી રહ્યું છે કે, જે બે નંબરોથી તેઓને કોલ આવ્યા હતા, જેમાં એક નંબર બ્રિટેનના કોડ +૪૪ હતો. ત્યારબાદ મુંબઈના વેપારીએ કોલ બેક કર્યું હતું પરંતુ આ નંબર બંધ થઇ ગયા હતા.
જો કે ત્યારબાદ મુંબઈના આ વેપારીઓ છેતરપિંડી થઇ હોવાની આશંકાએ બેંકમાં ગયા ત્યારે તેઓને જોયું હતું કે, તેઓના એકાઉન્ટમાંથી ૧.૮૬ કરોડ રૂપિયા જુદા-જુદા ખાતાઓમાં ટ્રાન્સફર કરાયા છે.
વી શાહની ફરિયાદ પર બેંક દ્વારા તરત જ પગલું ઉઠાવવામાં આવતા ૨૦ લાખ પાછા લઈ લીધા હતા, પરંતુ બાકીની રકમ ઠગોએ કાઢી લીધી હતી.
બીજી બાજુ સાઈબર ક્રાઈમ પોલીસ દ્વારા પણ તેઓની ફરિયાદ પર IPCની ધારા પર આર્ટિકલ ૪૨૦, ૪૧૯, ૩૪ અને IT એક્ટની ધારા ૪૩ અને ૬૬D હેઠળ FIR નોંધીને તપાસ હાથ ધરાઈ છે.
