શિમલા,
હિમાચલ પ્રદેશમાં છેલ્લા કેટલાક દિવસથી વર્ષી રહેલા ભારે વરસાદના કારણે રાજ્યના ઘણા વિસ્તારોમાં પુરની સ્થિતિ જોવા મળી રહી છે, તો કેટલાક વિસ્તારો પાણીમાં જળમગ્ન થયા છે.
બીજી બાજુ ભારે વરસાદના કારણે રાજ્યના ડોબી અને કુલ્લુ જિલ્લામાં આવેલા પૂરમાં ૧૯ લોકો ફસાયા હોવાની જાણકારી સ્થાનિક તંત્રને મળી હતી. જો કે ત્યારબાદ આ તમામ લોકોના રેસ્ક્યુ કરવા માટે ભારતીય વાયુસેનાના ચોપર હેલિકોપ્ટરનો ઉપયોગ કરવામાં આવ્યો હતો અને ૧૯ લોકોને હેલિકોપ્ટર દ્વારા સુરક્ષિત બચાવવામાં આવ્યા હતા.
#WATCH Indian Air Force rescues two people who were stranded near NHPC Colony, Nagwain in Kullu district, following heavy rainfall. #HimachalPradesh pic.twitter.com/cPykTo1gEq
— ANI (@ANI) September 24, 2018
અત્રે ઉલ્લેખનીય છે કે, છેલ્લા કેટલાક દિવસોથી રાજ્યમાં વર્ષી રહેલા ભારે વરસાદના કારણે ખાસ કરીને કુલ્લુ, ચંબા, કિન્નૌર અને લાહૌલ અને સ્પિતિ જિલ્લાના ઘણા વિસ્તારો જળમગ્ન થયા છે.
Kullu: Truck gets washed away from the road into flooded Beas River. #HimachalPradesh pic.twitter.com/2riwZsydtH
— ANI (@ANI) September 23, 2018
એક પ્રવક્તા દ્વારા જણાવવામાં આવ્યું હતું કે, ભારે વરસાદના કારણે ફસાયેલા લોકોમાંથી કોકસરમાં ૧૨૦ લોકોને રેસ્ક્યુ કરવામાં આવ્યા છે. આ જ રીતે મારીમાંથી ૨૩ લોકો અને રોહતકમાંથી પણ ૨૩ લોકોને સુરક્ષિત રીતે બચાવવામાં આવ્યા છે.
