ભોપાલ,
પાડોશી રાજ્ય મધ્યપ્રદેશના રાજકારણમાં એકદમ જ ગરમાવો આવી ગયો છે,કારણ છે રાજ્યની બે વિરોધી પાર્ટીઓના નેતાઓની અચાનક જ મુલાકાત.
હકીકતમાં, કોંગ્રેસના નેતા જ્યોતિરાદિત્ય સિંધિયા અને પૂર્વ મુખ્યમંત્રી શિવરાજ સિંહ ચૌહાણ વચ્ચે સોમવાર રાત્રે અચાનક જ મુલાકાત થઇ હતી. અંદાજે ૪૦ મિનિટ સુધી આ બેઠક ચાલી હતી.
જો કે આ મુલાકાત બાદ ઘરની બહાર આવીને બંને નેતાઓએ આ મુલાકાતને શિષ્ટાચાર મુલાકાત ગણાવી હતી, પરંતુ રાજકીય ગણિત ચકાસતા આ મુલાકાતના સંકેત બીજા પણ હોઈ શકે છે.
જ્યોતિરાદિત્ય સિંધિયા સોમવાર સાંજે અંદાજે ૬.૧૫ વાગ્યે પોતાના બે નજીકના લોકોના ઘરે શોક વ્યક્ત કર્યા બાદ તેઓએ અચાનક જ શિવરાજ સિંહને મળવા માટેનો પ્લાન બનાવ્યો હતો.
આ મુલાકાત અંગે સિંધિયાએ જણાવ્યું હતું કે, “આ શિષ્ટાચાર ભેટ હતી”. અમે ઘણા બધા મુદ્દાઓ પર વાતચીત કરી હતી. હું એ પ્રકારનો વ્યક્તિ છું કે, જે આજીવન જીવન સંબંધોની ખટાશ લઈને ચાલુ. હું રાત ગઈ, બાત ગઈમાં વિશ્વાસ રાખું છું”.
શિવરાજે પણ કહ્યું હતું કે, “અમે મુલાકાત કરી અને ચર્ચા કરી, પરંતુ અમને કોઈ ફરિયાદ કે ખોટી ભાવના નથી”.
બીજી બાજુ આ મુલાકાતને લઈ રાજકારણમાં સિયાસી પારો ખુબ આગળ વધ્યો છે અને અનેક ચર્ચાઓનો દોર જામ્યો છે. આ ઉપરાંત કેટલાક નિષ્ણાંતોનું માનવું છે કે, આ લોકસભા ચૂંટણી પહેલા કોઈ પ્રકારનું અરેંજમેન્ટ તો નથી ને એક તેનો કોઈ સંબંધ મધ્યપ્રદેશ વર્તમાન રાજનીતિ સાથે પણ હોઈ શકે છે.
