આપણે બધાએ ભારત અને ન્યૂઝીલેન્ડ ટેસ્ટ મેચ ક્રિકેટમાં એમ્પાયરિંગ જોઇ છે અને તેની ખૂબ ચર્ચા પણ થઈ છે. વારંવાર ખેલાડીઓ એમ્પાયરનાં નિર્ણયને રિવ્યૂ કરતા જોવા મળ્યા હતા. પરંતુ આ સમાચારમાં અમે તમને એક એવા એમ્પાયર વિશે જણાવીશું જેનો એમ્પાયરિંગનો વીડિયો સોશિયલ મીડિયા પર ખૂબ વાયરલ થઈ રહ્યો છે. ઈંગ્લેન્ડનાં પૂર્વ કેપ્ટન માઈકલ વોને પણ તેની પ્રશંસા કરી હતી અને ICC માં સામેલ થવાની વાત પણ કરી હતી.
આ પણ વાંચો – Interesting / શાકિબે અપાવી બાળપણની યાદ! વરસાદનાં પાણીથી ભરાયેલા કવર પર લગાવી છલાંગ
ક્રિકેટનાં મેદાન પર એમ્પાયરિંગ કોઈ પડકારથી ઓછું નથી. મેદાન પરનાં એમ્પાયરોએ સેકન્ડોમાં નિર્ણય લેવાની જરૂર છે અને આવી સ્થિતિમાં તેમના માટે નિષ્પક્ષ નિર્ણય લેવો ખૂબ મુશ્કેલ છે. ભારત અને ન્યૂઝીલેન્ડ વચ્ચેની બે મેચની ટેસ્ટ સીરીઝ દરમિયાન એમ્પાયરિંગને લઈને ઘણો વિવાદ થયો હતો. એમ્પાયર શરીરનાં અમુક સંકેત સાથે પોતાનો નિર્ણય લે છે, જેમ કે બન્ને હાથ ઉંચા કરવાનો અર્થ એ છે કે બેટ્સમેને સિક્સર ફટકારી છે અને બેટિંગ ટીમમાં છ રન ઉમેરાયા છે. જો આંગળી ઉંચી કરવામાં આવે તો બેટ્સમેનને આઉટ ગણવામાં આવે છે. જો કે આ ક્રિયાઓ ખૂબ જ સરળ છે, પરંતુ સોશિયલ મીડિયા પર એક વીડિયો ખૂબ વાયરલ થઈ રહ્યો છે, જેમાં એમ્પાયર એ રીતે વિશાળ સંકેતો આપી રહ્યા છે જે ક્રિકેટ ચાહકોએ પહેલા ભાગ્યે જ જોયા હશે. પુરંદર પ્રીમિયર લીગમાં એમ્પાયરની અદભૂત અમ્પાયરિંગ શૈલીએ સૌને મંત્રમુગ્ધ કરી દીધા છે. ઈંગ્લેન્ડનાં પૂર્વ કેપ્ટન માઈકલ વોન પણ તેની પ્રશંસા કરી રહ્યા છે. વોને તેમને ICC માં જોડાવા માટે પણ કહ્યું હતું. જણાવી દઇએ કે, તેની એમ્પાયરિંગની સ્ટાઈલ એવી છે કે લોકો કંટાળશે નહીં. તેના બદલે, તેમના વીડિયો વારંવાર જોવાનું ગમશે. સોશિયલ મીડિયા પર વાયરલ થયેલો આ વીડિયો મહારાષ્ટ્રમાં ચાલી રહેલી T20 ક્રિકેટ ટૂર્નામેન્ટનો જણાવવામાં આવી રહ્યો છે. મહારાષ્ટ્રની સ્થાનિક ક્રિકેટ ટૂર્નામેન્ટ ‘પુરંદર પ્રીમિયર લીગ’માં એમ્પાયરિંગની એક અલગ શૈલી જોવા મળી હતી જ્યારે એમ્પાયરે વાઇડનો સંકેત આપવા માટે હાથને બદલે પગનો ઉપયોગ કર્યો હતો. વીડિયોમાં એમ્પાયરને જોઈ શકાય છે કે કેવી રીતે તે પોતાના પગને અલગ કરીને અને અદભૂત હેન્ડસ્ટેન્ડ બનાવતા પહેલા કેમેરાની નજીક જાય છે. વાઈડનો સંકેત આપવા માટે એમ્પાયરે તેના માથા પર ઉભા રહીને બંને પગ હવામાં ફેલાવીને વાઈડ આપ્યો. એમ્પાયરનો આ વીડિયો સોશિયલ મીડિયા પર ખૂબ વાયરલ થઈ રહ્યો છે.
આ પણ વાંચો – IND Vs NZ / ન્યૂઝીલેન્ડ વિરુદ્ધ મોટી જીત બાદ WTC માં જાણો કયા સ્થાને છે Team India?
ઈંગ્લેન્ડનાં પૂર્વ કેપ્ટન માઈકલ વોને પણ આ વીડિયો સોશિયલ મીડિયા પર શેર કર્યો છે. તેણે આ સાથે કેપ્શનમાં લખ્યું કે ચોક્કસપણે આપણે આ વ્યક્તિને ICC એલિટ પેનલમાં જોડાતો જોવો જોઈએ. એવું નથી કે આ એમ્પાયર માત્ર એક જ મેચમાં આવું કરી રહ્યો હતો. તે સમગ્ર લીગમાં તેના વિચિત્ર એમ્પાયરિંગ માટે પ્રખ્યાત થઈ રહ્યો છે. લીગની જ અન્ય એક મેચમાં એમ્પાયરે તેને એવો સંકેત આપ્યો કે જાણે તે બોલિવૂડનાં હીરો ગોવિંદા સાથે ડાન્સ કરી રહ્યો હોય.