આર્યન ખાન ડ્રગ કેસમાં એક પછી એક ખુલાસા થઈ રહ્યા છે. હવે આ મામલો સંપૂર્ણપણે સમીર વાનખેડે અને નવાબ મલિક વચ્ચે બન્યો છે. નવાબ મલિક શરૂઆતથી જ NCB અધિકારી પર હુમલો કરી રહ્યા છે. હવે સોમવારે તેણે એક નવો ખુલાસો કર્યો છે. તેણે પોતાના ટ્વિટર હેન્ડલ પર સમીર વાનખેડેની સાલી હર્ષદા દીનાનાથ રેડકર પર ડ્રગ્સના વેપારમાં સામેલ હોવાનો આરોપ લગાવ્યો છે. આ સાથે તેણે આ કેસમાં પૂણે કોર્ટમાં પેન્ડિંગ કેસના પુરાવા પણ રજૂ કર્યા છે.
Sameer Dawood Wankhede, is your sister-in-law Harshada Dinanath Redkar involved in the drug business ?
You must answer because her case is pending before the Pune court.
Here is the proof pic.twitter.com/FAiTys156F— Nawab Malik نواب ملک नवाब मलिक (@nawabmalikncp) November 8, 2021
નવાબ મલિકે ટ્વિટર પર લખ્યુ’ સમીર દાઉદ વાનખેડે, શું તમારી સાલી હર્ષદા દીનાનાથ રેડકર ડ્રગ્સના વેપારમાં સામેલ છે? તમારે જવાબ આપવો જ પડશે. કારણ કે, તેમનો કેસ પૂણે હાઈકોર્ટમાં પેન્ડિંગ છે. આ સાથે મલિકે પેન્ડિંગ કેસના પુરાવા રજૂ કર્યા છે.
નવાબ મલિકે આરોપ લગાવ્યો હતો કે આર્યન ખાન ડ્રગ કેસ સંપૂર્ણપણે ખંડણી અને અપહરણનો કેસ છે. તેણે કહ્યું હતું કે સમીર વાનખેડેએ ખંડણી વસૂલવા માટે શાહરૂખ ખાનના પુત્રનું અપહરણ કરવાનું કાવતરું ઘડ્યું હતું
NCP નેતા નવાબ મલિક દ્વારા કરવામાં આવેલા નવા ખુલાસા પર NCB ઓફિસર સમીર વાનખેડેનો જવાબ સામે આવ્યો છે. સોમવારે મીડિયા સાથે વાત કરતા NCB ઓફિસર સમીર વાનખેડેએ કહ્યું હતું કે 2008માં તેની ભાભી હર્ષદા દીનાનાથ રેડકરનો ડ્રગ્સનો મામલો સામે આવ્યો હતો. હું ત્યારે નોકરીમાં નહોતો, આ સિવાય તેણે 2017માં હર્ષદાની બહેન ક્રાંતિ રેડકર સાથે લગ્ન કર્યા. એનસીપી નેતાના સવાલ પર તેમણે કહ્યું કે જ્યારે હું નોકરીમાં ન હતો અને તે સમયે મારા લગ્ન ક્રાંતિ રેડકર સાથે થયા ન હતા, તો પછી હું આ બાબત સાથે કેવી રીતે જોડાઈ શકું
