સૂત્રોના જણાવ્યા મુજબ PM મોદીએ જણાવ્યું હતું કે કેબિનેટ પ્રધાન અને તેમના સહાયક પ્રધાન એક સાથે બેસી શકે છે અને ફાઇલોનો ઝડપી નિકાલ લાવી શકે છે. સાથે સાથે PMએ મંત્રીઓને સમયસર ઓફિસ પર પહોંચી જવા પર પણ ભાર મુક્યો હતો. તો સાથે સાથે મંત્રીઓને થોડો સમય ઓફિસમાં અધિકારીઓ સાથે પણ પસાર કરવા શીખ આપી હતી. આમ કરવાથી કામ સમજવામાં ઝડપ થશે તેવું PMનું માનવુ છે.
PMએ જણાવ્યું હતુ કે પ્રધાનોએ કામનાં સમયે ઓફિસમાં આવવું જોઈએ અને ઘરેથી કામ કરવાનું ટાળવું જોઈએ. તે સાથે સાથે ઘરે તેમણે પક્ષના સાંસદો અને લોકોને મળવું જોઈએ.મંત્રીઓ આ પ્રક્રિયાને તેમના સંબંધિત રાજ્યના સાંસદો સાથે બેઠક દ્વારા શરૂ કરી શકે છે. તેમણે એમ પણ ભાર મૂક્યો કે એક મંત્રી અને સંસદ સભ્ય વચ્ચે મોટો તફાવત નથી. બેઠકમાં વડાપ્રધાન મોદીએ દરેક મંત્રાલયની પાંચ વર્ષની યોજના વિશે પણ વાત કરી હતી. બેઠક દરમિયાન, કૃષિ પ્રધાન નરેન્દ્ર સિંહ તોમરે સોમવારથી સંસદ સત્રનો મહત્તમ ઉપયોગ કેમ કરવો તે રજૂ કર્યુ હતું. અગાઉના સરકારમાં તોમર સંસદીય બાબતોના પ્રધાન હતા.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
