ઉદયપુરમાં ટેલર કન્હૈયાલાલની ગળું કાપીને હત્યા કરવામાં આવી છે. પોલીસે આ કેસમાં બે આરોપી રિયાઝ મોહમ્મદ અને ગોસ મોહમ્મદની ધરપકડ કરી છે. હવે NIAની ટીમ પણ આ મામલાની તપાસ માટે ઘટનાસ્થળે પહોંચી ગઈ છે.
એનઆઈએની 4 સભ્યોની ટીમને તપાસ માટે ઉદયપુર મોકલવામાં આવી હોવાના અહેવાલ છે. ટીમમાં વરિષ્ઠ કક્ષાના અધિકારીઓ હાજર છે. આ કિસ્સામાં, જેહાદી જૂથ સક્રિય હોવાનું અનુમાન કરવામાં આવી રહ્યું છે, તેથી IB અધિકારીઓ કેન્દ્રીય એજન્સી સાથે મળીને આ મામલે તપાસ કરવા જઈ રહ્યા છે. મોટી વાત એ છે કે થોડા દિવસો પહેલા અલકાયદાએ ધમકી આપી હતી કે ઘણા મોટા શહેરોમાં હુમલા થશે, હવે તપાસ એજન્સી આ એંગલથી પણ સમગ્ર મામલાની તપાસ કરવા જઈ રહી છે.
મામલાની ગંભીરતાને જોતા રાજસ્થાનમાં તમામ પોલીસકર્મીઓની રજાઓ પણ રદ કરવામાં આવી છે. હાલ તો આ ઘટના બાદ હંગામો શરૂ થઈ ગયો છે. કેટલીક જગ્યાએ આગચંપી પણ કરવામાં આવી છે. આવી સ્થિતિમાં સ્થિતિને જોતા પોલીસને સતર્ક રહેવા માટે કહેવામાં આવ્યું છે. આ સિવાય પ્રશાસને અજમેર, જોધપુર, ઉદયપુરમાં ઈન્ટરનેટ સેવા બંધ કરી દીધી છે. બીજી તરફ, ધનમંડી, ઘંટાઘર, હાથીપોલ, અંબામાતા, સૂરજપોલ, ભૂપાલપુરા અને સવિના પોલીસ સ્ટેશન વિસ્તારમાં આગામી આદેશ સુધી કર્ફ્યુ લાદવામાં આવ્યો છે.
