ગુજરાત,

ઉત્તરાખંડના ઉત્તરકાશી જિલ્લામાં ગંગોત્રી નજીક સોનગઢના ભટવારી પાસે આ અકસ્માત પ્રવાસીઓથી ભરેલી મીની બસ ખીણમાં ખાબકતા ગમખ્વાર અકસ્માત સર્જાયો છે. આ ગમખ્વાર અકસ્માતમાં 7 રાજકોટિયનો સહિત 9 લોકોના કરૂણ મોત્ત નિપજ્યા છે.

મૃતકોમાં 7 પુરુષો અને 2 મહિલાઓ હોવાનું સામે આવ્યું છે. જ્યારે પાંચ લોકો ઘાયલ થયા છે. ઘાયલોને નજીકની જિલ્લા હોસ્પિટલમાં ખસેડવામાં આવ્યા છે.

પોલીસ અને SDRF ની ટીમ દ્વારા ખીણમાંથી આ મૃતદેહો બહાર કાઢવાની કામગીરી હાથ ધરવામાં આવી છે.ઉત્તરકાશીથી ગંગોત્રીના માર્ગે 31 કિલોમીટર દૂર આવેલા ભટવારી પાસે એક પ્રવાસી ટેમ્પો ખીણમાં ખાબક્યો છે.

ગંગોત્રીથી અંદાજે 70 કિલોમીટર દૂર સર્જાયેલા અકસ્માતમાં કુલ 9 લોકોના ઘટનાસ્થળે જ મોત નિપજ્યા છે. જ્યારે 5 જેટલા લોકો ઘાયલ થયા છે.

ઘટનાની જાણ થતાં મૃતકોના પરિવાર ઉપરાંત આસપાસના લોકોમાં માતમ છવાયો છે. આ અંગે સ્થાનિક ધારાસભ્ય દ્વારા કલેક્ટર સાથે વાતચીત કરવામાં આવી છે. અને તમામ મૃતદેહોને પરત લાવવા માટેની વ્યવસ્થા કરી આપવા જણાવાયું છે.

રાજકોટના મૃતકોના નામ

1. હેમરાજભાઈ બેચરભાઈ રામપરીયા 55વર્ષ
2. મગનભાઈ શામજીભાઈ સેવટીયા 62 વર્ષ
3. ભગવાનજીભાઈ ભવાનભાઈ રાઠોડ 60 વર્ષ
4. ગોદાવરીબેન ભગવાનભાઈ રાઠોડ 56 વર્ષ
5. ચંદુભાઈ તુલસીભાઈ ટાંક 62 વર્ષ
6. દેવજીભાઈ હિરજીભાઈ ટાંક 62 વર્ષ
7. ભાનુબેન દેવજીભાઈ ટાંક 55 વર્ષ

અન્ય મૃતકો

1. બેચર રામજી વેગડ 67 વર્ષ મહારાષ્ટ્ર
2. દિનેશકુમાર જયપાલ 48 વર્ષ (ડ્રાઈવર) સરાહનપુર

ઘાયલ થયેલાઓના નામ 

1. કંચનબેન હેમરાજભાઈ રામપરિયા 50 વર્ષ
2. લીલાબેન ચંદુભાઈ ટાંક 50 વર્ષ