India News: ભાજપના રાષ્ટ્રીય અધ્યક્ષ નીતિન નવીનની નવી રાષ્ટ્રીય ટીમની (Nitin Nabin BJP Team)જાહેરાત કરવામાં આવી છે. નવી ટીમમાં દેશભરના વરિષ્ઠ નેતાઓને મહત્વની જવાબદારીઓ સોંપવામાં આવી છે. વસુંધરા રાજે સહિત અનેક નેતાઓને રાષ્ટ્રીય ઉપાધ્યક્ષ બનાવવામાં આવ્યા છે, જ્યારે પૂર્વ કેન્દ્રીય મંત્રી સ્મૃતિ ઈરાનીને રાષ્ટ્રીય મહાસચિવની જવાબદારી સોંપવામાં આવી છે. ગુજરાતમાંથી પણ વર્ષા દોશી, રોહન ગુપ્તા, જગદીશ પટેલ અને ડો. હેમાંગ જોશીને નવી ટીમમાં સ્થાન મળ્યું છે.

નવી ટીમમાં 13 રાષ્ટ્રીય ઉપાધ્યક્ષ, 8 નવા ચહેરાઓને તક

નીતિન નવીનની નવી રાષ્ટ્રીય કમિટીમાં કુલ 13 રાષ્ટ્રીય ઉપાધ્યક્ષોની નિમણૂક (BJP New National Committee) કરવામાં આવી છે. જેમાં 8 નવા ચહેરાઓને ઉપાધ્યક્ષ પદની જવાબદારી સોંપવામાં આવી હોવાનું સામે આવ્યું છે. નવી ટીમમાં અનુભવી નેતાઓની સાથે વિવિધ રાજ્યોના સંગઠનાત્મક અનુભવ ધરાવતા નેતાઓને પણ મહત્વ આપવામાં આવ્યું છે.

રાજસ્થાનના ભૂતપૂર્વ મુખ્યમંત્રી વસુંધરા રાજેને રાષ્ટ્રીય ઉપાધ્યક્ષ તરીકે સ્થાન આપવામાં આવ્યું છે. આ ઉપરાંત રામ માધવ, ઉત્તરાખંડના ભૂતપૂર્વ મુખ્યમંત્રી તીરથ સિંહ રાવત અને ઓડિશાના બૈજયંત ‘જય’ પાંડા સહિતના નેતાઓને પણ મહત્વની જવાબદારી સોંપવામાં આવી છે.

નવી ટીમમાં કુલ 13 રાષ્ટ્રીય ઉપાધ્યક્ષની નિમણૂક કરવામાં આવી છે, જેમાં ગુજરાતમાંથી વર્ષાબેન દોશીને રાષ્ટ્રીય ઉપાધ્યક્ષ બનાવવામાં આવ્યા છે, જ્યારે રાજસ્થાનના પૂર્વ મુખ્યમંત્રી વસુંધરા રાજે સિંધિયા અને રામ માધવને પણ રાષ્ટ્રીય ઉપાધ્યક્ષ તરીકે સ્થાન મળ્યું છે. બી. એલ. સંતોષને સંગઠનના રાષ્ટ્રીય મહામંત્રી તરીકેની જવાબદારી યથાવત રાખવામાં આવી છે. સ્મૃતિ ઈરાની, વિનોદ તાવડે, સુનિલ બંસલ અને સતીશ પુનિયા સહિત કુલ 8 નેતાઓને રાષ્ટ્રીય મહામંત્રી તરીકે જવાબદારી સોંપવામાં આવી છે, જ્યારે 2 સહ મહામંત્રી સંગઠનની નિમણૂક કરવામાં આવી છે. નવી ટીમમાં કુલ 16 રાષ્ટ્રીય મંત્રીઓને સ્થાન આપવામાં આવ્યું છે

જેમાં ગુજરાતના રોહન ગુપ્તા અને જગદીશ પટેલનો પણ સમાવેશ થાય છે. પિયુષ ગોયલને રાષ્ટ્રીય કોષાધ્યક્ષ, તરુણ ચુઘને રાષ્ટ્રીય કાર્યાલય પ્રભારી અને મહેન્દ્ર પાંડેને રાષ્ટ્રીય કાર્યાલય મંત્રી બનાવવામાં આવ્યા છે. સંબિત પાત્રાને નોર્થ ઈસ્ટ સંયોજક તરીકે જવાબદારી સોંપવામાં આવી છે. મોરચાઓની જવાબદારીઓમાં ડૉ. હેમાંગ જોશીને યુવા મોરચાના રાષ્ટ્રીય અધ્યક્ષ, રૂકુમારી ચૌધરીને મહિલા મોરચાના રાષ્ટ્રીય અધ્યક્ષ, અમરપાલ મૌર્યને OBC મોરચાના રાષ્ટ્રીય અધ્યક્ષ, બંસીલાલ ગુર્જરને કિસાન મોરચાના રાષ્ટ્રીય અધ્યક્ષ, શિવેશ કુમાર રામને SC મોરચાના રાષ્ટ્રીય અધ્યક્ષ, મન્નાલાલ રાવતને ST મોરચાના રાષ્ટ્રીય અધ્યક્ષ અને કુંવર બાસિત અલીને અલ્પસંખ્યક મોરચાના રાષ્ટ્રીય અધ્યક્ષ તરીકે નિયુક્ત કરવામાં આવ્યા છે. આ ઉપરાંત અનિલ બલૂનીને પાર્ટીના મીડિયા સંયોજક તરીકે જવાબદારી આપવામાં આવી છે.

ગુજરાતમાંથી વર્ષા દોશી અને રોહન ગુપ્તાને સ્થાન

ભાજપની નવી રાષ્ટ્રીય ટીમમાં ગુજરાતનું પ્રતિનિધિત્વ ( Gujarat BJP Leaders) પણ વધ્યું છે. વર્ષા દોશીને નવી રાષ્ટ્રીય ટીમમાં રાષ્ટ્રીય ઉપાધ્યક્ષ તરીકે સામેલ કરવામાં આવ્યા છે. સાથે જ રોહન ગુપ્તાને પણ રાષ્ટ્રીય મંત્રી તરીકે નીતિન નવીનની ટીમમાં સ્થાન આપવામાં આવ્યું છે. ગુજરાતના રાજકીય અને સંગઠનાત્મક ક્ષેત્ર સાથે જોડાયેલા આ બંને નેતાઓને રાષ્ટ્રીય સ્તરની જવાબદારી મળતા રાજ્ય ભાજપ માટે પણ આ જાહેરાત મહત્વપૂર્ણ માનવામાં આવી રહી છે.

જગદીશ પટેલને રાષ્ટ્રીય મંત્રીની જવાબદારી

નવી ટીમમાં ગુજરાતના જગદીશ પટેલને રાષ્ટ્રીય મંત્રી તરીકેની (Jagdish Patel) જવાબદારી સોંપવામાં આવી છે. પાર્ટીના સંગઠનને રાષ્ટ્રીય સ્તરે વધુ મજબૂત બનાવવા માટે તેમને આ નવી જવાબદારી આપવામાં આવી છે.

ડો. હેમાંગ જોશીને પણ નવી ટીમમાં સ્થાન

ગુજરાત પ્રદેશ ભાજપ યુવક મોરચાના અધ્યક્ષ ડો. હેમાંગ જોશીને પણ નીતિન નવીનની નવી રાષ્ટ્રીય ટીમમાં સ્થાન આપવામાં આવ્યું છે. યુવા સંગઠનમાં તેમની કામગીરીને ધ્યાનમાં રાખીને તેમને રાષ્ટ્રીય સ્તરે જવાબદારી મળવી મહત્વપૂર્ણ માનવામાં આવી રહી છે.

વસુંધરા રાજેને રાષ્ટ્રીય ઉપાધ્યક્ષની જવાબદારી

રાજસ્થાનના ભૂતપૂર્વ મુખ્યમંત્રી અને ભાજપના વરિષ્ઠ નેતા વસુંધરા રાજેને નવી ટીમમાં રાષ્ટ્રીય ઉપાધ્યક્ષ તરીકે નિયુક્ત કરવામાં આવ્યા છે. રાજસ્થાનના રાજકારણમાં લાંબો અનુભવ ધરાવતા વસુંધરા રાજેને ફરીથી પાર્ટીના રાષ્ટ્રીય સંગઠનમાં મહત્વની જવાબદારી મળતા ભાજપના સંગઠનમાં તેમની ભૂમિકા વધુ મહત્વપૂર્ણ બનશે.

રામ માધવનું ભાજપમાં પુનરાગમન

ભાજપના વરિષ્ઠ નેતા રામ માધવ ફરી એકવાર પાર્ટીના સંગઠનમાં સક્રિય ભૂમિકામાં પરત ફર્યા છે. તેમને પણ રાષ્ટ્રીય ઉપાધ્યક્ષ તરીકે નિયુક્ત કરવામાં આવ્યા છે. સંગઠન અને રાજકીય વ્યૂહરચનાના ક્ષેત્રમાં લાંબો અનુભવ ધરાવતા રામ માધવની વાપસી નવી ટીમની મહત્વની બાબત માનવામાં આવી રહી છે.

સ્મૃતિ ઈરાનીને રાષ્ટ્રીય મહાસચિવ બનાવાયા

પૂર્વ કેન્દ્રીય મંત્રી સ્મૃતિ ઈરાનીને પણ ભાજપની નવી રાષ્ટ્રીય ટીમમાં સ્થાન મળ્યું છે. તેમને રાષ્ટ્રીય મહાસચિવની જવાબદારી સોંપવામાં આવી છે. કેન્દ્રીય મંત્રી તરીકે મહત્વની જવાબદારી નિભાવી ચૂકેલા સ્મૃતિ ઈરાની હવે પાર્ટીના સંગઠનાત્મક કામકાજમાં મહત્વની ભૂમિકા ભજવશે.

ઉત્તરાખંડના ભૂતપૂર્વ મુખ્યમંત્રી તીરથ સિંહ રાવતને પણ ભાજપના રાષ્ટ્રીય ઉપાધ્યક્ષ તરીકે નિયુક્ત કરવામાં આવ્યા છે. રાજ્યના સંગઠન અને સરકારમાં અનુભવ ધરાવતા તીરથ સિંહ રાવતને રાષ્ટ્રીય સ્તરે નવી જવાબદારી આપવામાં આવી છે.

ઓડિશાના જાણીતા ભાજપ નેતા બૈજયંત ‘જય’ પાંડાને રાષ્ટ્રીય ઉપાધ્યક્ષ બનાવવામાં આવ્યા છે. ઓડિશામાં પાર્ટીના સંગઠનને મજબૂત બનાવવામાં તેમની ભૂમિકા રહી છે. હવે નવી રાષ્ટ્રીય ટીમમાં તેમને મહત્વની જવાબદારી સોંપવામાં આવી છે.

ભાજપના વરિષ્ઠ સંગઠન નેતા બી. એલ. સંતોષને રાષ્ટ્રીય મહામંત્રી તરીકેની જવાબદારી સોંપવામાં આવી છે. સંગઠનાત્મક કામગીરીમાં લાંબા અનુભવ ધરાવતા બી. એલ. સંતોષ નવી ટીમમાં પણ મહત્વપૂર્ણ ભૂમિકા ભજવશે.

નવી ટીમમાં અનુભવી નેતાઓનું સંયોજન

નીતિન નવીનની નવી ટીમમાં એક તરફ અનુભવી નેતાઓને મહત્વની જવાબદારી આપવામાં આવી છે, તો બીજી તરફ વિવિધ રાજ્યોમાં સંગઠનનો અનુભવ ધરાવતા નેતાઓને રાષ્ટ્રીય સ્તરે સ્થાન મળ્યું છે. વસુંધરા રાજે, રામ માધવ, તીરથ સિંહ રાવત અને બૈજયંત પાંડા જેવા નેતાઓને ઉપાધ્યક્ષ બનાવવામાં આવ્યા છે, જ્યારે સ્મૃતિ ઈરાનીને રાષ્ટ્રીય મહાસચિવની જવાબદારી સોંપવામાં આવી છે.

આ પણ વાંચો: ‘હિંમત હોય તો પાર્થ પટેલ જેવી!’ બુલેટ લઈને પહોંચ્યા 19,024 ફૂટે, ગુજરાતનું નામ કર્યું રોશન

આ પણ વાંચો: દિલ્હી મેટ્રોમાં CISF જવાન સાથે મુસાફરોની ઝપાઝપી, યુવતીના ફોટા લેવાનો આરોપ

આ પણ વાંચો: મુંબઈના નેવી નગરમાં નેવી પરિવારનો સામૂહિક આપઘાત, બે માસૂમ બાળકો સહિત 4ના મોત