પ્રધાનમંત્રી નરેન્દ્ર મોદીની અધ્યક્ષતામાં આજે મળેલી કેબિનેટની બેઠકમાં ટેલિકોમ અને ઓટો ક્ષેત્રે અનેક મોટા નિર્ણયો લેવામાં આવ્યા હતા. કેન્દ્ર સરકારે ટેલિકોમ ક્ષેત્ર માટે રાહત પેકેજને મંજૂરી આપી છે. આ સિવાય ઓટોમેટિક રૂટ હેઠળ ટેલિકોમ સેક્ટરમાં 100% FDI ને પણ મંજૂરી આપવામાં આવી છે. આ ક્ષેત્રમાં 9 મોટા માળખાકીય ફેરફારો કરવાનો નિર્ણય લેવામાં આવ્યો છે. સરકારે ઓટો અને ડ્રોન ક્ષેત્ર માટે 26,058 કરોડ રૂપિયાની PLI યોજનાને મંજૂરી આપી છે. આમાંથી 25,938 કરોડ રૂપિયા ઓટો મોબાઇલ સેક્ટરને આપવામાં આવશે. 120 કરોડ ડ્રોન ઉદ્યોગને આપવામાં આવશે.
આ પણ વાંચો :ગોવિંદા સાથેના વિવાદ પર કૃષ્ણાએ આપ્યો જવાબ, કહ્યું- માંગવા પર પણ નથી…
કેન્દ્ર સરકારે ટેલિકોમ ક્ષેત્ર માટે રાહત પેકેજને પણ મંજૂરી આપી છે. કેન્દ્રીય મંત્રી અશ્વિની વૈષ્ણવે કહ્યું કે સરકારે ટેલિકોમ ક્ષેત્રે 9 મોટા માળખાકીય ફેરફારો કરવાનો નિર્ણય કર્યો છે. AGR ની વ્યાખ્યા બદલીને, બિન-ટેલિકોમ આવકને તેમાંથી બાકાત રાખવામાં આવશે. AGR માં વ્યાજ ઘટાડીને વાર્ષિક 2% કરવામાં આવ્યું છે. આ સિવાય તેના પર લગાવવામાં આવેલ દંડ પણ નાબૂદ કરવામાં આવ્યો છે. તેનાથી ટેલિકોમ કંપનીઓને મોટી રાહત મળશે.
આ પણ વાંચો :મુશ્કેલીના સમયમાં શહનાઝ ગિલને મળ્યો પિતાનો સપોર્ટ, બનાવ્યું દીકરીના નામનો ટેટૂ
કેન્દ્રીય મંત્રી અશ્વિની વૈષ્ણવે કહ્યું કે ઓટોમેટિક રૂટ દ્વારા ટેલિકોમ સેક્ટરમાં 100% FDI ને મંજૂરી આપવામાં આવી છે. KYC હવે સંપૂર્ણપણે ઓનલાઈન થશે. હવે સિમ મેળવવા અથવા પોસ્ટપેડથી પ્રિપેઇડ કરાવવા જેવા તમામ કામ માટે કોઈ ફોર્મ ભરવાનું રહેશે નહીં. આ માટે ડિજિટલ કેવાયસી માન્ય રહેશે. સિમ લેતી વખતે આપેલા દસ્તાવેજો, જે વેરહાઉસમાં છે, તેને પણ ડિજિટલાઇઝ કરવામાં આવશે.
