કેન્દ્રીય ગૃહ મંત્રાલયે ફોરેન કોન્ટ્રીબ્યુશન (રેગ્યુલેશન) એક્ટ (એફસીઆરએ) સાથે સંબંધિત કેટલાક નિયમોમાં સુધારો કર્યો છે જેથી ભારતીયોને અધિકારીઓને જાણ કર્યા વિના વિદેશમાં રહેતા તેમના સંબંધીઓ પાસેથી વાર્ષિક 10 લાખ રૂપિયા સુધીની રકમ મેળવવાની મંજૂરી આપવામાં આવશે. અગાઉ તેની મર્યાદા એક લાખ રૂપિયા હતી. એક નોટિફિકેશનમાં મંત્રાલયે કહ્યું કે જો રકમ 10 લાખ રૂપિયાથી વધુ હોય તો લોકોને સરકારને 30 દિવસ પહેલા જાણ કરવાને બદલે હવે 90 દિવસનો સમય મળશે.
નિયમ વિશે જાણો
નવા નિયમો, ફોરેન કોન્ટ્રીબ્યુશન (રેગ્યુલેશન) એમેન્ડમેન્ટ રૂલ્સ, 2022 ને શુક્રવારે રાત્રે એક ગેઝેટ નોટિફિકેશન દ્વારા ગૃહ મંત્રાલય દ્વારા સૂચિત કરવામાં આવ્યા હતા. નોટિફિકેશનમાં કહેવામાં આવ્યું છે કે, “ફોરેન કોન્ટ્રીબ્યુશન (રેગ્યુલેશન) રૂલ્સ, 2011ના નિયમ 6 માં “એક લાખ રૂપિયા માટે “10 લાખ રૂપિયા અને 30 દિવસ નહી પરતું ત્રણ મહિનામાં જાણ કરવાની રહેશે. આ નિયમ અનુસાર 6 સંબંધીઓ પાસેથી વિદેશી દાન મેળવવા સાથે સંબંધિત છે. ઉલ્લેખનીય છે કે અગાઉ, જો કોઈ વ્યક્તિએ કોઈપણ નાણાકીય વર્ષમાં તેના કોઈપણ સંબંધીઓ પાસેથી એક લાખ રૂપિયાથી વધુ અથવા સમાન, રકમ દાન દ્વારા પ્રાપ્ત કરી હોય, તો તેણે આવી રકમ પ્રાપ્ત કર્યાના 30 દિવસની અંદર કેન્દ્ર સરકારને જાણ કરવાની રહેશે.
નિયમ 9 પણ બદલાયો
નિયમ 9માં સુધારો કરવામાં આવ્યો છે, જે FCRA હેઠળ નોંધણી અને વિદેશી યોગદાન મેળવવા માટે પૂર્વ પરવાનગી મેળવવા માટેની અરજીથી સંબંધિત છે. સંશોધિત નિયમો દ્વારા, વ્યક્તિઓ અને સંસ્થાઓ અથવા બિન-સરકારી સંસ્થાઓ (એનજીઓ)ને આવા નાણાંના ઉપયોગ માટે કયા બેંક ખાતાનો ઉપયોગ કરવામાં આવશે તેની માહિતી ગૃહ મંત્રાલયને આપવા માટે 45 દિવસનો સમય આપવામાં આવ્યો છે. અગાઉ આ સમય મર્યાદા 30 દિવસની હતી. કેન્દ્ર સરકારે નિયમ 13 માં જોગવાઈ ‘B’ પણ કાઢી નાખી છે જે દાતા, પ્રાપ્ત રકમ અને પ્રાપ્તિની તારીખ વગેરે સહિત વિદેશી યોગદાનની તેની વેબસાઇટ પર ત્રિમાસિક ઘોષણા સાથે વ્યવહાર કરે છે.
હવે, FCRA હેઠળ વિદેશી યોગદાનની પ્રાપ્તિ પર, 1 એપ્રિલથી શરૂ થતા દરેક નાણાકીય વર્ષના પ્રથમ દિવસે, નાણાકીય વર્ષના અંતથી નવ મહિનાની અંદર, તેની વેબસાઇટ પર અથવા ઉલ્લેખિત વેબસાઇટ પર એકાઉન્ટનું સ્ટેટમેન્ટ રજૂ કરવાની હાલની પ્રક્રિયા કેન્દ્ર સરકાર દ્વારા અનુસરવામાં આવશે. એનજીઓ અથવા વિદેશી દાન પ્રાપ્ત કરનાર વ્યક્તિના કિસ્સામાં તેની સત્તાવાર વેબસાઇટ પર ત્રિમાસિક ધોરણે આવા યોગદાનની જાહેરાત કરવાની જોગવાઈ પણ દૂર કરવામાં આવી છે.
