મુંબઈ
ભારતનું સૌથી પ્રથમ પોતાનું ઘરેલું ક્રુઝ ચાલુ થવાની તૈયારીમાં છે. મુંબઈથી ગોવા સુધી જવામાં તમે ક્રુઝની સવારીનો આનંદ ઉઠાવી શકશો. ૨૦ ઓક્ટોમ્બરના રોજ ૬ માળ અને ૧૩૧ મીટર લાંબુ આ ક્રુઝ મુંબઈથી ગોવાનો ઐતિહાસિક સફર ખેડશે. આ યાત્રા પૂરી કરવામાં આશરે ૧૬ કલાક જેટલો સમય લાગશે. ભારતની પ્રથમ પોતાની ક્રુઝનું નામ છે અંગરિયા. આ નામ કાન્હોજી પરથી રાખવામાં આવ્યું છે જે દરિયાના બાદશાહ હતા.
ક્રુઝમાં મુંબઈથી ગોવાનો સફર ૧૬ કલાકનો રહેશે. આ જહાજ સાંજે મુંબઈથી રવાના થશે જે સવારે ગોવા પહોચાડશે. આ ક્રુઝની કિંમત વ્યક્તિદીઠ ૪૩૦૦ થી લઈને ૧૨ હજાર સુધીની રહેશે. આ ટીકીટમાં જ જમવાનો ખર્ચો પણ ગણી લેવાશે.
તમને જણાવી દઈએ કે આ ક્રુઝ ૬ માળનું છે જે ૧૩૧ મીટર લાંબુ છે. ક્રુઝમાં અલગ-અલગ રૂમ અને ઉપરના ભાગમાં ખુલ્લી જગ્યા અને સ્વીમીંગ પુલ પણ છે. આ ક્રુઝમાં તમે બાર, રેસ્ટોરન્ટ અને સ્પાની મજા પણ લઇ શકશો.
