દશેરા નિમિત્તે શહેરમાં ઠેર ઠેર ફાફડા જલેબીનું વેચાઈ થઈ રહ્યું છે. નાની દુકાનો, લારીઓથી લઈ પ્રખ્યાત સ્ટોલમાં ફાફડા જલેબી વેચાઈ રહ્યા છે. નવરાત્રીના નવમા નોરતાની રાતથી જ ફાફડા જલેબીની દુકાનો ધમધમી ઉઠી હતી. તેવામાં હવે ચોખ્ખા ઘીની જલેબીનો ભાવ 750થી 1050 રૂપિયા પ્રતિ કિલોને પાર પહોંચી ગયો છે. જ્યારે બીજી બાજુ એક કિલો ફાફડાનો ભાવ 550થી 950 કિલોને પાર પહોંચી ગયો છે.ફાફડા-જલેબીના ભાવ આસમાને હોવા છંતા લોકો ખરીદી કરવા માટે પડાપડી કરી રહ્યા છે, રાજપથ કલબની આગળ સવારથી જ લોકોની ભીડ જોવા મળી રહી હતી અને ફાફડા જલેબી ખરીદવા લાઇન લાગી છે.
દશેરાના તહેવાર પહેલા ફાફડા-જલેબી લવર્સ માટે માઠા સમાચાર સામે આવી રહ્યા છે. ઉલ્લેખનીય છે કે અત્યારે આ વાનગીઓના ભાવમાં 20થી 30 ટકાનો વધારો થઈ ગયો છે. જેનો તાજેતરનો ભાવ જોવા જઈએ તો એક કિલો જલેબીનો ભાવ 800થી 1300 રૂપિયા વચ્ચે છે, જ્યારે 1 કિલો ફાફડાનો ભાવ 600થી 1000 રૂપિયા સુધી માર્કેટમાં છે.
દશેરાની આ સિઝનમાં ફાફડ અને જલેબીના ભાવમાં 15થી 20 ટકાનો ભાવ વધારો નોંધાયો છે. ઉલ્લેખનીય છે કે તેલ અને ઘીના ભાવમાં આવેલા જંગી વધારાનું આ પરિણામ છે. જોકે મીડિયા રિપોર્ટ્સ પ્રમાણે આ વર્ષે કોર્પોરેટ ઓર્ડર્સમાં નોંધપાત્ર ઘટાડો નોંધાયો છે. ત્યારે બીજી બાજુ છૂટક વેચાણમાં વધારો નોંધાઈ શકે છે. વળી એસોસિએશનના અધિકારીના મત મુજબ 200 કિલોથી માંડીને 1 હજાર કિલો સુધીના ફાફડા-જલેબીનું વેચાણ થતું હોય છે.
