કેન્દ્રીય મંત્રી અને ભાજપ નેતા રવિશંકર પ્રસાદે કહ્યું છે કે, દિલ્હીનાં શાહીન બાગમાં વિરોધ પ્રદર્શન પાછળ ટુકડે-ટુકડે ગેંગનું સમર્થન છે. સોમવારે પ્રસાદે કહ્યું, શાહીન બાગ હવે કોઈ સ્થાન નથી, તે એક વિચાર છે. અહીં દેશનાં ભાગલા પાડવા ઇચ્છુક લોકો ભારતીય ધ્વજનો ઉપયોગ પોતાની રક્ષા માટે કરી રહ્યા છે. આ પ્રોટેસ્ટ ટુકડે-ટુકડે ગેંગ સમર્થિત છે.
15 ઓગસ્ટથી નાગરિકત્વનાં કાયદાનાં વિરોધ પર રવિશંકર પ્રસાદે કહ્યું કે, આપણે કેવુ ભારત અને દિલ્હી બનાવવા માંગીએ છીએ? દિલ્હીમાં કેટલાક લોકો હશે કે ટુકડે-ટુકડેનાં નામે અવાજ ઉઠાવશે. શું દિલ્હીમાં આવા લોકોને સ્થાન મળવુ જોઈએ કે જેઓ આસામને ભારતથી કાપવાની વાત કરશે?
પ્રસાદે કહ્યું કે, આજકાલ બંધારણની ઘણી ચર્ચાઓ થઇ રહી છે, બંધારણમાં બોલવાનો અધિકાર પણ છે. પરંતુ શું આ ફક્ત થોડા લોકો માટે જ છે કે જેમણે બળજબરીથી રસ્તાને ઘેરી લીધો છે. પરંતુ કરોડો લોકો કે જે અસ્વસ્થ છે, પણ મૌન છે, તેમને બોલવાનો અધિકાર નથી તેઓ આ લાખો લોકોનો શાંત અવાજ કેમ નથી સાંભળતા? જે લોકોનાં બાળકો શાળાએ જવામાં અસમર્થ છે, લોકો ઓફિસ જવામાં અસમર્થ છે? દુકાનો બંધ છે, એમ્બ્યુલન્સ કાઠી શકાતી નથી.
Union Minister & BJP leader Ravi Shankar Prasad: Shaheen Bagh is not an area anymore, it is an idea, where the Indian flag is being used as a cover for the people who want to divide the country, it is being supported by tukde-tukde gang. #CitizenshipAmendmentAct pic.twitter.com/U5YzALGJYy
— ANI (@ANI) January 27, 2020
કોંગ્રેસ અને આપ પર પ્રહાર કરતા રવિશંકર પ્રસાદે કહ્યું કે, રાહુલ ગાંધી, કેજરીવાલ મૌન છે, પરંતુ તેમના લોકો ઘણું બોલી રહ્યા છે. મનીષ સિસોદિયા બોલે છે અમે શાહીન બાગ સાથે છીએ. તમે જાણો છો કે કોંગ્રેસનાં દિગ્વિજય સિંહ અને મણિશંકર ઐયરે ત્યાં જઈને શું કહ્યું છે. આ દિવસોમાં, કોંગ્રેસનાં નેતાઓ દ્વારા પાકિસ્તાન પ્રત્યેનો પ્રેમ ભારે ઉત્સુકતાનો વિષય છે. જો મણિશંકર ઐયર જાય છે, તો તે તેમના બધા વિચારો પાકિસ્તાનમાં મૂકી દેશે, તેના અન્ય મિત્રો ક્યારેક હિન્દુ-પાકિસ્તાન તો ક્યારેક જિન્નાહ હોય છે. હું કોંગ્રેસનાં લોકોને એક વાત સ્પષ્ટ રીતે કહેવા માંગુ છું કે હવે અમે આ દેશને વિભાજિત થવા દઇશું નહીં.
પ્રસાદે નાગરિકત્વનાં કાયદાનાં વિરોધને મોદીનો વિરોધ ગણાવ્યો છે. તેમણે કહ્યું, આ વિરોધ સીએએનો વિરોધ નથી, તે નરેન્દ્ર મોદીનો વિરોધ છે. અમે વારંવાર કહ્યું છે કે નાગરિકતા સુધારણા બિલ નાગરિકત્વ છીનવી લેતું નથી. આ દેશનો દરેક મુસ્લિમ નાગરિક આ દેશમાં આદર સાથે જીવે છે અને જીવશે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
