પાકિસ્તાને કોરોના વાયરસની ઘરેલું રસી બનાવવાનો દાવો કર્યો છે. તેનું નામ પાકવૈક રાખવામાં આવ્યું છે. મંગળવારે એક સમારંભ દરમિયાન પણ તેને લોન્ચ કરવામાં આવી હતી. ડો.ફૈઝલ સુલ્તાને આ રસી વિશે માહિતી આપી છે. સુલ્તાન વડા પ્રધાન ઇમરાન ખાનના આરોગ્ય સલાહકાર પણ છે. આ પહેલા પાકિસ્તાન ચીન અને રશિયા પાસેથી રસી માંગતો હતો. જો કે સુલ્તાને આ રસીની અસરકારકતા અંગે કોઈ માહિતી આપી નથી.
સુલ્તાને કહ્યું- અમે અમારી રસી તૈયાર કરી છે. અમે થોડા દિવસોમાં મોટા પાયે ઉત્પાદન શરૂ કરીશું. રસીના લોકાર્પણ પ્રસંગે મીડિયા સાથે વાત કરતા ડો.ફૈસલે કહ્યું – આપણા દેશ માટે જરૂરી હતું કે આપણે પોતાની રસી તૈયાર કરીએ. હવે તે તૈયાર છે, તેથી જલ્દીથી અમે તેનું મોટાપાયે ઉત્પાદન શરૂ કરીશું.
આ પણ વાંચો :દિલ્હી નથી રહ્યુ સુરક્ષિત, જાહેરમાં શખ્સનું મર્ડર, ઘટના CCTV માં થઇ કેદ
ફૈઝલે કહ્યું કે અમારી ટીમને આ રસી તૈયાર કરવામાં ઘણી મુશ્કેલીઓનો સામનો કરવો પડ્યો હતો. આ દરમિયાન, ચીન અમારા મિત્ર તરીકે અમારી સાથે મજબૂતી સાથે ઉભું રહ્યું. રાષ્ટ્રીય આરોગ્ય સંસ્થાઓની ટીમે પણ સરસ કામગીરી બજાવી.
સુલ્તાને વધુમાં જણાવ્યું હતું કે કાચા માલમાંથી રસી તૈયાર કરવી એ પોતાનામા એક મોટો પડકાર છે. આજે અમને ગર્વ છે કે અમારી ટીમે બધી મુશ્કેલીઓ હોવા છતાં રસી તૈયાર કરવામાં સફળતા મેળવી છે. દેશ માટે આજનો દિવસ ખૂબ જ મહત્વપૂર્ણ છે.
આ પણ વાંચો : ચીને ફરી ચિંતા વધારી, અહી બર્ડ ફ્લૂનાં કોઈ ખાસ સ્ટ્રેનથી માનવીય સંક્રમણનો પહેલો કેસ નોંધાયો
આ જ પ્રસંગે ઉપસ્થિત નેશનલ કમાન્ડ અને ઓપરેશન સેન્ટરના વડા અસદ ઉમરે જણાવ્યું હતું કે કોરોનાની ત્રીજી લહેરમાં ચેપગ્રસ્ત લોકોની સંખ્યા અગાઉની બે લહેર કરતા ઘણી વધારે છે. હાલમાં, લગભગ 60 ટકા દર્દીઓ ઓક્સિજનના ટેકા પર છે.
આ પ્રસંગે પાકિસ્તાનમાં ચીનના રાજદૂત નોંગ રોંગ પણ હાજર હતા. તેમણે કહ્યું, આ રસીના નિર્માણથી બતાવે છે કે પાકિસ્તાન સાથેની આપણી મિત્રતા કેટલી મજબૂત છે. પાકિસ્તાન એ પહેલો દેશ હતો જેણે ચીનની રસીની ભેટ સ્વીકારી હતી.
આ પણ વાંચો :એક માછીમાર રાતો-રાત અમીર બની ગયો, માછલીની હરાજી કરીને તે લખપતી બની ગયો વાંચો સમગ્ર એહવાલ
