પાકિસ્તાનનાં દિગ્ગજ ખેલાડી શોએબ મલિકે ટી 20 વર્લ્ડ કપ વિશે ભવિષ્યવાણી કરી છે. જોકે, આ વર્ષે ટી-20 વર્લ્ડ કપ રમાશે કે નહીં તે અંગે કંઈ કહી શકાય તેમ નથી. આઇસીસીની આવતા મહિને એક બેઠક યોજાવાની છે, ત્યારબાદ નિર્ણય લેવામાં આવશે કે ટી-20 વર્લ્ડ કપ જેવી કોઈ મોટી ટુર્નામેન્ટ કોરોનાવાયરસ વચ્ચે યોજાશે કે કેમ.
આ બધાની વચ્ચે શોએબે ટી-20 વર્લ્ડ કપ 2020 વિશે આગાહી કરી છે. શોએબનું માનવું છે કે જો ટી 20 વર્લ્ડ કપ રમાશે તો પાકિસ્તાનની ટીમની જીતવાની સંભાવના સૌથી વધારે છે. મલિકે કહ્યું કે ટી-20 વર્લ્ડ કપ ટૂર્નામેન્ટ જીતવા માટે તમારી પાસે શ્રેષ્ઠ બોલિંગ હોવી જ જોઇએ, જે પાકિસ્તાન પાસે છે. આટલું જ નહીં, અમારી બેટિંગ પણ ઘણી સારી છે અને અમે ફિલ્ડિંગનાં ક્ષેત્રમાં પણ સારુ કરી રહ્યા છે. આ બાબત મેદાનમાં ખૂબ મહત્વની છે. આવી સ્થિતિમાં, હાલમાં અમારી ટીમ નાના ફોર્મેટમાં ઉત્તમ પ્રદર્શન કરી શકે છે.
શોએબે ખાલી સ્ટેડિયમની મેચ વિશે કહ્યું કે, સલામતી માટે મહત્વનું છે તે આપણે કરવું જોઈએ. નિશ્ચિતરૂપે ભરેલા સ્ટેડિયમમાં મેચ થવી તે ખૂબ રોમાંચક હોય છે, પરંતુ આપણે પોતાને સુરક્ષાનાં દૃષ્ટિકોણથી ઢાળવું પડશે. આપણે તે જ માપદંડ સાથે રમવાનું છે જે સૌની સલામતી અને આરોગ્ય માટે યોગ્ય છે. શોએબ મલિકે ઇન્ટરવ્યુમાં કહ્યું હતું કે, 2017 ની ચેમ્પિયન્સ ટ્રોફી જીતવી તે તેની કારકિર્દીની સૌથી યાદગાર ક્ષણ છે. વળી પાકિસ્તાનનાં આ દિગ્ગજ ખેલાડીએ કહ્યું કે, આ સમયે તે ખૂબ જ ફીટ છે અને વધુ અને વધુ મેચ રમવા માંગે છે.
શોએબે વધુમાં કહ્યું કે, ક્રિકેટમાંથી નિવૃત્તિ લીધા બાદ તે મીડિયામાં રહીને કામ કરવા માંગે છે અને સાથે તેણે કહ્યું હતું કે જ્યારે હું ક્રિકેટમાંથી નિવૃત્ત થઈશ ત્યારે કદાચ મારો એક શો કરીશ. મલિકે તેની કારકિર્દીમાં અત્યાર સુધીમાં 287 વનડે મેચ રમી છે અને આ સમયગાળા દરમિયાન 7,534 રન બનાવવામાં સફળ રહ્યો છે. જેમાં તેણે 9 સદી અને 44 અડધી સદી ફટકારી છે. ટી 20 કારકિર્દીની વાત કરીએ તો, શોએબે કુલ 113 મેચ રમી છે અને 2,321 રન બનાવ્યા છે. ઓવરઓલ ટી-20 ક્રિકેટમાં શોએબ મલિકે 9 હજારથી વધુ રન બનાવ્યા છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને Facebook, Twitter, Instagram અને YouTube પર પણ લાઇક અને ફોલો કરીશકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “MantavyaNews” ની નવી મોબાઇલ એપ્લિકેશન.
