Banaskantha News:ઉત્તરાયણના પર્વને હજુ અઠવાડિયા બાકી છે, ત્યાં જ બનાસકાંઠા જિલ્લાના પાલનપુરમાં પ્રતિબંધિત ચાઇનીઝ દોરીના કારણે એક યુવક ગંભીર રીતે ઘવાયો છે. આ ઘટના વાસણપરા વિસ્તારમાં બની હતી, જ્યાં બાઇક સવાર રિઝવાન ઢુક્કા પોતાના પુત્રની શાળાએ સહી કરવા જઈ રહ્યા હતા ત્યારે અચાનક તેમના ગળાને ચાઇનીઝ દોરી (Chinese Dori) વાગી અને ગંભીર ચીરો પડ્યો.
ચાઇનીઝ દોરીના (Chinese Dori) કારણે યુવક પહોચ્યો હોસ્પિટલ
આ અકસ્માતમાં રિઝવાનને ગળાના પાછળના ભાગમાં ઊંડી ઇજા થઈ હતી, જેના કારણે ભારે રક્તસ્ત્રાવ થયો હતો. તાત્કાલિક તેને નજીકની ખાનગી હોસ્પિટલમાં ખસેડવામાં આવ્યો, જ્યાં ડોક્ટરોએ પાંચ ટાંકા લગાવીને તેમની સારવાર કરી. હોસ્પિટલના તબીબોએ જણાવ્યું કે, સમયસર સારવાર મળી જવાથી રિઝવાનનો જીવ બચી ગયો હતો.
આ ઘટનાએ ફરી એક વખત ચાઇનીઝ દોરીના (Chinese Dori) ખતરા તરફ લોકોનું ધ્યાન દોર્યું છે. ગુજરાતમાં ચાઇનીઝ માંઝા પર સંપૂર્ણ પ્રતિબંધ છે, કારણ કે આ દોરી કાચના પાવડર કે અન્ય ધારદાર પદાર્થોથી કોટેડ હોય છે, જે ગળા કે અન્ય અંગોને ગંભીર ઇજા પહોંચાડી શકે છે. છેલ્લા કેટલાક દિવસોમાં જ રાજ્યના અન્ય વિસ્તારોમાં પણ આવી ઘટનાઓ સામે આવી છે, જેમ કે દાહોદમાં એક યુવકને 50 ટાંકા આવ્યા હતા.
આ સાથે જ જોકે, કેટલાક વેપારીઓ ઝડપી નફો મેળવવા માટે જીવલેણ ચાઇનીઝ દોરી (Chinese Dori) વેચી રહ્યા છે, અને ગુપ્ત માહિતીના આધારે, પોલીસ આ ચાઇનીઝ દોરી (Chinese Dori) વેચનારાઓ સામે કાર્યવાહી કરી રહી છે. આ કિસ્સામાં, ચાંગોદર પોલીસ સ્ટેશનના અધિકારક્ષેત્ર હેઠળ આવતા તાજપુર કેનાલના રહેવાસી ફતેપુરાના બે માણસો,સાદિક હુસૈન વારૈયા અને અયાન અરુણ અલી ઘાંચી, વેચાણ માટે કારમાં ચાઇનીઝ પતંગના દોરી લઈ જતા મળી આવ્યા હતા.
મળેલી માહિતીના આધારે પોલીસ આ વિસ્તાર પર નજર રાખી રહી હતી. અપેક્ષા મુજબ, કાર ત્યાંથી પસાર થઈ અને પોલીસે તેને અટકાવી. વાહનની તપાસ કરતાં, તેમને પ્રતિબંધિત ચાઇનીઝ પતંગના દોરીના 40 રીલ મળી આવ્યા. પોલીસે કાર અને તમામ પ્રતિબંધિત માલ જપ્ત કર્યો અને બંને આરોપીઓની ધરપકડ કરી, વધુ તપાસ શરૂ કરી.
