Vadodara News: વડોદરાની પારુલ યુનિવર્સિટી (Parul University) ખાતે ‘વિકસિત ભારત યંગ એન્ટ્રપ્રિન્યોર્સ સમિટ’નું આયોજન કરવામાં આવ્યું હતું. આ સમિટમાં વિદ્યાર્થી ઉદ્યોગસાહસિકો, સ્ટાર્ટઅપ ફાઉન્ડર્સ, નીતિનિર્માતાઓ, ઉદ્યોગજગતના અગ્રણીઓ અને શૈક્ષણિક ક્ષેત્રના પ્રતિનિધિઓ એક મંચ પર આવ્યા હતા. કાર્યક્રમમાં નવીનતા, સ્ટાર્ટઅપ, યુવા ઉદ્યોગસાહસિકતા અને વિકસિત ભારતના નિર્માણમાં યુવાનોની ભૂમિકા અંગે ચર્ચા કરવામાં આવી હતી.
સમિટમાં ગુજરાત ભાજપના પ્રદેશ પ્રમુખ અને નિકોલના ધારાસભ્ય જગદીશ વિશ્વકર્મા મુખ્ય અતિથિ તરીકે ઉપસ્થિત રહ્યા હતા. તેમણે પારુલ યુનિવર્સિટી (Parul University)ના ઇનોવેશન ઇકોસિસ્ટમ સાથે જોડાયેલા યુવા ઉદ્યોગસાહસિકો સાથે સીધો સંવાદ કર્યો હતો. આ ઉપરાંત ગુજરાત ભાજપના મહામંત્રી હિતેન્દ્રસિંહ ચૌહાણ, વડોદરા જિલ્લા ભાજપના પ્રભારી તથા ભાજપ ગુજરાતની રાજ્ય કારોબારીના સભ્ય ડૉ. ઋત્વિજ પટેલ અને વડોદરાના સાંસદ તથા ભારતીય જનતા યુવા મોરચા ગુજરાતના પ્રમુખ ડૉ. હેમંગ જોશી પણ કાર્યક્રમમાં ઉપસ્થિત રહ્યા હતા.
વિવિધ ક્ષેત્રના સ્ટાર્ટઅપ્સે રજૂ કર્યા પોતાના વિચારો
સમિટનું મુખ્ય આકર્ષણ પારુલ યુનિવર્સિટી (Parul University)ના ઇન્ક્યુબેશન ઇકોસિસ્ટમ સાથે જોડાયેલા સ્ટાર્ટઅપ્સ સાથેનું ઇન્ટરેક્ટિવ સેશન રહ્યું હતું. આ સેશન દરમિયાન વિવિધ ક્ષેત્રમાં કામ કરતા યુવા ફાઉન્ડર્સે પોતાના સ્ટાર્ટઅપ્સ, ટેક્નોલોજી, વિકાસ અને અત્યાર સુધીની સફળતા અંગે માહિતી રજૂ કરી હતી. આ કાર્યક્રમમાં Kavitul Technologies, Cligent Technologies, Flexiora Solutions, KühlTherm, JP Perfumery Works Pvt. Ltd., Pocketwise Technologies, Story Tailor Kids અને LearnKin સહિતના સ્ટાર્ટઅપ્સે પોતાની કામગીરી રજૂ કરી હતી. આ સ્ટાર્ટઅપ્સમાં પોર્ટેબલ ECG ડાયગ્નોસ્ટિક ટેક્નોલોજી, હાઇબ્રિડ-ઇલેક્ટ્રિક એરક્રાફ્ટ, AI આધારિત ફાઇનાન્સિયલ ઇન્ટેલિજન્સ, કન્ઝ્યુમર પ્રોડક્ટ્સ અને નવી પેઢીની એજ્યુકેશન ટેક્નોલોજી જેવા વિવિધ ક્ષેત્રોનો સમાવેશ થાય છે.
સ્ટાર્ટઅપ્સને ગ્રાન્ટનું વિતરણ
સમિટ દરમિયાન ઉદ્યોગસાહસિક ક્ષેત્રમાં ઉત્કૃષ્ટ કામગીરી કરનારા સ્ટાર્ટઅપ્સને પ્રોત્સાહન આપવા માટે સ્ટાર્ટઅપ ગ્રાન્ટ વિતરણ સમારોહનું પણ આયોજન કરવામાં આવ્યું હતું. Startup India Seed Fund Scheme અને SSIP 2.0 જેવી પહેલ હેઠળ સહાય મેળવનારા સ્ટાર્ટઅપ્સને ગ્રાન્ટ આપવામાં આવી હતી. તેમાં LearnKin, Alligator Foods, Story Tailor Kids, MedilinkPro, RideAway Solutions, Destinofy.AI, KrishiSathi, Zynx, Seboluxis, ReturnJi અને Quick Swap જેવા સ્ટાર્ટઅપ્સનો સમાવેશ થાય છે. આ નાણાકીય સહાયથી સ્ટાર્ટઅપ્સને પ્રોડક્ટ ડેવલપમેન્ટ, માર્કેટ માટેની તૈયારી અને બિઝનેસ વિસ્તરણમાં મદદ મળવાની અપેક્ષા છે.
Cligent Technologies અને KühlThermને વિશેષ સન્માન
પારુલ યુનિવર્સિટી (Parul University)ના ઇન્ક્યુબેશન ઇકોસિસ્ટમની સફળતાને ઉજાગર કરતી વખતે Cligent Technologies અને KühlThermને તેમની ફંડિંગ સફળતા માટે વિશેષ સન્માન આપવામાં આવ્યું હતું. મળતી માહિતી મુજબ, Cligent Technologiesએ પોતાના હાઇબ્રિડ-ઇલેક્ટ્રિક એરક્રાફ્ટ પ્લેટફોર્મ માટે ₹4 કરોડથી વધુનું ફંડિંગ મેળવ્યું છે. બીજી તરફ KühlThermએ વેન્ચર કેપિટલ મારફતે ₹9.5 કરોડનું ફંડિંગ મેળવ્યું છે. કંપનીને Inc42ની Top 30 Startups to Watch યાદીમાં પણ સ્થાન મળ્યું હોવાનું જણાવાયું છે.
Kavitul Technologiesથી Pocketwise સુધી સ્ટાર્ટઅપ્સની સફળતા
સમિટ દરમિયાન યુનિવર્સિટી (Parul University)ના વિવિધ સ્ટાર્ટઅપ્સની પ્રગતિ પણ રજૂ કરવામાં આવી હતી. Kavitul Technologies હેલ્થટેક ક્ષેત્રમાં પોર્ટેબલ ECG ડાયગ્નોસ્ટિક ડિવાઇસ વિકસાવી રહી છે. કંપની સાથે 1,500થી વધુ ડોક્ટર્સ જોડાયા હોવાનું અને તેણે ₹2.5 કરોડથી વધુનું રેવન્યુ મેળવ્યું હોવાનું યુનિવર્સિટી દ્વારા જણાવાયું છે. JP Perfumery Works Pvt. Ltd. નવ દાયકાથી વધુ જૂની હેરિટેજ ફ્રેગરન્સ બ્રાન્ડ છે અને કંપનીએ ₹3.3 કરોડથી વધુનું રેવન્યુ હાંસલ કર્યું હોવાનું જણાવાયું છે.
Pocketwise Technologies દ્વારા વિકસાવવામાં આવેલા AI આધારિત ફાઇનાન્સ ઇન્ટેલિજન્સ પ્લેટફોર્મ Aarthik AIના 3,000થી વધુ યુઝર્સ થયા છે. કંપની NVIDIAના Inception Programમાં પણ જોડાઈ છે. જ્યારે LearnKinએ નાનાં બાળકોના શિક્ષણ માટેની નવી સોલ્યુશન્સ માટે આશરે ₹30 લાખનું ફંડિંગ મેળવ્યું છે. આ સોલ્યુશન્સ નેશનલ એજ્યુકેશન પોલિસી સાથે સુસંગત હોવાનું જણાવાયું છે.
યુવાનોના ઇનોવેશનને પ્રોત્સાહન આપવાનો સંદેશ
સમિટ દરમિયાન યુવા ઉદ્યોગસાહસિકોને સંબોધતા જગદીશ વિશ્વકર્માએ યુવાનોના ઇનોવેશન અને સ્ટાર્ટઅપ ક્ષેત્રે તેમની ભૂમિકા અંગે પોતાના વિચારો રજૂ કર્યા હતા. કાર્યક્રમનો મુખ્ય ઉદ્દેશ યુવા પેઢીને નવીન વિચારોને વ્યવસાયિક સ્વરૂપ આપવા માટે પ્રોત્સાહિત કરવાનો રહ્યો હતો. આ પ્રકારના કાર્યક્રમો દ્વારા વિદ્યાર્થીઓને નીતિનિર્માતાઓ, ઉદ્યોગજગત, રોકાણકારો અને સ્ટાર્ટઅપ મેન્ટર્સ સાથે સીધો સંપર્ક મળવાનો માર્ગ ખુલ્યો છે.
‘વિચારોને વાસ્તવિક ઉકેલમાં બદલવાની જરૂર’
પારુલ યુનિવર્સિટીના પ્રેસિડેન્ટ ડૉ. દેવાંશુ પટેલે જણાવ્યું હતું કે ભારતનું ઉદ્યોગસાહસિક ભવિષ્ય એવી સંસ્થાઓ દ્વારા ઘડાશે, જે વિદ્યાર્થીઓને માત્ર વિચારો સુધી મર્યાદિત ન રાખે પરંતુ તેમને વાસ્તવિક સમસ્યાઓના ઉકેલ તૈયાર કરવા માટે સક્ષમ બનાવે. તેમણે જણાવ્યું કે યુવા ઇનોવેટર્સને મેન્ટરશિપ, જરૂરી ઇન્ફ્રાસ્ટ્રક્ચર, ઉદ્યોગજગતનો અનુભવ અને નીતિ સાથે જોડાણ પૂરું પાડવા માટે યુનિવર્સિટીનું ઇનોવેશન અને ઇન્ક્યુબેશન ઇકોસિસ્ટમ સતત કામ કરી રહ્યું છે.
વિકસિત ભારતના વિઝન સાથે યુવા ઉદ્યોગસાહસિકતાને જોડવાનો પ્રયાસ
‘વિકસિત ભારત યંગ એન્ટ્રપ્રિન્યોર્સ સમિટ’ દ્વારા પારુલ યુનિવર્સિટી (Parul University)એ શિક્ષણ સાથે ઇનોવેશન અને ઉદ્યોગસાહસિકતાને જોડવાનો સંદેશ આપ્યો છે. વિદ્યાર્થીઓને સ્ટાર્ટઅપ મેન્ટર્સ, રોકાણકારો, ઉદ્યોગ નિષ્ણાતો અને નીતિનિર્માતાઓ સાથે જોડીને નવા વિચારોને આગળ વધારવા અને સ્ટાર્ટઅપ્સને વિકાસ માટે જરૂરી માર્ગદર્શન આપવાનો પ્રયાસ કરવામાં આવ્યો છે. યુનિવર્સિટી મુજબ, આવી પહેલો દ્વારા યુવાનોને આત્મનિર્ભર ભારત અને વિકસિત ભારતના વિઝનમાં સક્રિય ભાગીદાર બનાવવાની દિશામાં કામગીરી થઈ રહી છે.
