બિહારની રાજધાની પટનામાં શનિવારે સાંજે હૃદયદ્રાવક દ્રશ્ય જોવા મળ્યું હતું. જ્યાં એક વિદ્યાર્થીનીએ બિલ્ડીંગના ચોથા માળેથી છલાંગ લગાવી હતી. રસ્તામાં ઉભેલા એક છોકરાએ તેને પકડવાનો પ્રયાસ કર્યો, પરંતુ તે સમયે છોકરીનું માથું જમીન પર અથડાયું. થોડા સમય બાદ તેનું સારવાર દરમિયાન મોત થયું હતું. આપને જણાવી દઈએ કે આ ઘટનાનો લાઈ વ વીડિયો સોશિયલ મીડિયા પર વાયરલ થઈ રહ્યો છે.
આ ભયાનક ઘટના શનિવારે સાંજે બની હોવાનું કહેવાય છે. જ્યાં બુદ્ધ કોલોની પોલીસ સ્ટેશન વિસ્તારના જય રેસિડેન્સી એપાર્ટમેન્ટના ચોથા માળની છત પર વિદ્યાર્થીની કૂદવા માટે ચડી ગઈ હતી. આ દરમિયાન એપાર્ટમેન્ટની નીચે ઊભેલા લોકોએ છોકરીને જોઈ અને તેને સમજાવવાની કોશિશ કરી, પરંતુ તે માની નહીં અને કૂદી પડી. જેના કારણે તેનું માથું જમીન સાથે અથડાતા લોહી નીકળવા લાગ્યું હતું. આસપાસના લોકો તેને તાત્કાલિક હોસ્પિટલ લઈ ગયા. પરંતુ તેણી બચી ન હતી.
ઘટનાની જાણકારી મળતા જ પોલીસ સ્ટેશન ઈન્ચાર્જ અને ડીએસપી કાયદો અને વ્યવસ્થા ઘટના સ્થળે પહોંચી ગયા હતા. ડીએસપી કૃષ્ણ મુરારી પ્રસાદે કહ્યું કે વિદ્યાર્થીએ શા માટે આત્મહત્યા કરી તે હજુ સ્પષ્ટ નથી. પરંતુ પૂછપરછ દરમિયાન જાણવા મળ્યું કે વિદ્યાર્થીની 12મા ધોરણમાં ભણતી હતી. પરીક્ષામાં તેના ખરાબ પ્રદર્શનથી તે ખૂબ જ ચિંતિત હતી. તે ઘણા દિવસોથી ડિપ્રેશનથી પીડાતી હતી. જેના કારણે તેણે આ પગલું ભર્યું હશે.
આપને જણાવી દઈએ કે જ્યારે મૃતક છોકરી નીચે કૂદવા માટે છતના પેરાપેટ પર બેઠી ત્યારે નીચેથી લોકોએ બૂમો પાડી, “તમે પાગલ છો, કૂદી ન જાઓ… અમે આવી રહ્યા છીએ… તમે નીચે આવો.” પણ છોકરીએ ચીસો પાડીને કહ્યું- હા, હું પાગલ છું, મારે મરવું છે. આટલું કહી તે કૂદી પડી. નીચે ઉભેલા પ્રેમ કુમાર નામના યુવકે તેને બચાવવા તેને પકડવાનો પ્રયાસ કર્યો હતો. પરંતુ તેણી બચી ન હતી. ઉલટાનું પ્રેમ કુમાર છોકરી નીચે પડવાથી ઘાયલ થયો હતો. નાગેશ્વર કોલોનીમાં જય રેસિડેન્સી એપાર્ટમેન્ટમાં બીજા માળે ભાડાના ફ્લેટમાં વિદ્યાર્થિની તેના પરિવાર સાથે રહેતી હતી.
આ પણ વાંચો: Balochistan Blast Case/ પાકિસ્તાનના ગૃહમંત્રીએ ભારતની ગુપ્તચર સંસ્થા ‘RAW’ પર લગાવ્યા મોટો આરોપ
આ પણ વાંચો: Heart Attack/ દાહોદમાં નાટક ભજવવા આવેલા જાણીતા કલાકાર ભાસ્કર ભોજકનું હાર્ટ એટેકથી નિધન
આ પણ વાંચો: US Shutdown/ સરકારના શટડાઉનને ટાળવા માટે યુએસ કોંગ્રેસે સ્ટોપગેપ ફંડિંગ બિલને મંજૂરી આપી
