Surat News:નેપાળમાં (Nepal) હિંસક પરિસ્થિતિએ સુરતના (Surat) કાપડ ઉદ્યોગ માટે મોટી સમસ્યા ઉભી કરી છે.આ પરિસ્થિતિને કારણે સુરતના કાપડ વેપારીઓના (Textile merchants) 100 કરોડથી વધુના પેમેન્ટ અટકી ગયા છે, જેના કારણે વેપારીઓની હાલત ખરાબ થઈ ગઈ છે. દિવાળીના તહેવાર છતાં ચુકવણી
સુરતથી નેપાળમાં વાર્ષિક 200 કરોડનો કાપડનો વેપાર થાય છે. સુરતથી નેપાળમાં સુટ, સાડી, કપડા અને ફેબ્રિક જેવા મોટા પ્રમાણમાં કપડાની નિકાસ થાય છે. પરંતુ હાલની અસ્થિર પરિસ્થિતિને કારણે, માલની ડિલિવરી બંધ થઈ ગઈ છે અને મોટા પ્રમાણમાં માલ ગોદામોમાં પડી રહ્યો છે. વેપારીઓ પાસે 3 થી 4 મહિનાનો ચુકવણી ચક્ર છે, પરંતુ હવે ચુકવણી અટકી જવાથી વેપારીઓ ચિંતિત છે. ફેડરેશન ઓફ ટેક્સટાઇલ ટ્રેડર્સ એસોસિએશન (FOSTA) ના ડિરેક્ટર અનુસાર નેપાળમાં હાલની પરિસ્થિતિને કારણે 100 કરોડથી વધુની પેમેન્ટ અટકી ગઈ છે. માલનો પુરવઠો પણ બંધ થઈ ગયો છે. દિવાળી નજીક આવતાં વેપારીઓ પર આર્થિક દબાણ વધ્યું છે.
એટલુજ નહીં ગઈકાલે એક વેપારી FOSTA ઓફિસમાં આવ્યો હતો, જેની રૂ. 1.5 કરોડની ચુકવણી અટકી ગઈ હતી. હાલમાં, વેપારીઓ ભગવાનની દયા પર છે અને નેપાળમાં પરિસ્થિતિ વહેલી તકે સામાન્ય થાય તે માટે પ્રાર્થના કરી રહ્યા છે. આ પરિસ્થિતિને કારણે, સુરતના કાપડના વેપારીઓને મોટો આર્થિક ફટકો પડ્યો છે. જ્યાં સુધી નેપાળમાં પરિસ્થિતિ સુધરશે નહીં, ત્યાં સુધી વેપારીઓની મુશ્કેલીઓ ચાલુ રહેશે.
