USA News: સાઉથ કોરિયા અને કઝાકિસ્તાન બાદ હવે કેલિફોર્નિયામાં (California) પણ વિમાન ક્રેશ (Plane Crash) થયું છે. આ અકસ્માત એક મોટા વેરહાઉસની છત પર થયો હતો. આ વિમાન દુર્ઘટનામાં 2નાં મોત થયાં છે. જ્યારે 18 લોકો ઘાયલ થયા છે. આ અકસ્માતમાં 100થી વધુ લોકોને બચાવી લેવાયા છે. ઘટનાસ્થળે રાહત અને બચાવ કાર્ય ચાલી રહ્યું છે.
જણાવવામાં આવી રહ્યું છે કે આ દુર્ઘટના કેલિફોર્નિયાના ફુલર્ટન એરપોર્ટ પાસે થઈ હતી. અહીં એક નાનું વિમાન મોટા વેરહાઉસની છત સાથે અથડાયું હતું. પ્રારંભિક અહેવાલો દર્શાવે છે કે અકસ્માતમાં 2 વ્યક્તિનું મૃત્યુ થયું છે અને 18 ઘાયલ થયા છે. વેરહાઉસની અંદર હાજર 100 થી વધુ લોકોને બહાર કાઢવામાં આવ્યા છે. ઘાયલોને હોસ્પિટલમાં દાખલ કરવામાં આવ્યા છે.
❗️UPDATE: 2 dead, 18 injured in California plane crash
Fullerton Police have confirmed the increased fatalities, adding that 10 injured people have been sent to local hospitals for further treatment while eight more were treated at the scene.
An investigation is ongoing.
— Moh Musthafa Hussain (@musthafaaa) January 3, 2025
આ પહેલા ડિસેમ્બરના છેલ્લા સપ્તાહમાં દક્ષિણ કોરિયાના મુઆન ઈન્ટરનેશનલ એરપોર્ટ પર એક વિમાન દુર્ઘટનાગ્રસ્ત થયું હતું. વિમાનમાં સવાર 181 લોકોમાંથી માત્ર 2 લોકો જ આ અકસ્માતમાં બચી શક્યા. બાકીના 179 લોકો માર્યા ગયા હતા. મળતી માહિતી મુજબ, આ વિમાન લેન્ડિંગ દરમિયાન પક્ષી સાથે અથડાયા બાદ એરપોર્ટ પર ક્રેશ થયું હતું. એવું કહેવામાં આવી રહ્યું છે કે લેન્ડિંગ દરમિયાન તેનું ગિયર ખુલ્યું ન હતું, જેના કારણે આ દુર્ઘટના થઈ હતી. આ પહેલા કઝાકિસ્તાનમાં એક અઝરબૈજાની વિમાન ક્રેશ થયું હતું. બાદમાં જાણવા મળ્યું કે રશિયાએ તેને ભૂલથી તોડી પાડ્યું હતું. આ દુર્ઘટનામાં 38 થી વધુ લોકોના મોત પણ થયા હતા.
આ પણ વાંચો:સાઉથ કોરિયામાં 181 મુસાફરોને લઈ જતું વિમાન ક્રેશ, 179 લોકોના મોત
આ પણ વાંચો:વધુ એક વિમાન દુર્ઘટના, કેનેડામાં થયું પ્લેન ક્રેશ
આ પણ વાંચો:ચીન તાઈવાન કબ્જે કરવા નીકળી પડ્યું… યુદ્ધ જહાજો અને લશ્કરી વિમાન તૈનાત
