Himachal Itinerary: હિમાચલ પ્રદેશ (Himachal) એટલે પૃથ્વી પરનું સ્વર્ગ, જ્યાં બરફથી ઢંકાયેલા પહાડો, ખળખળ વહેતી નદીઓ અને દેવદારના જંગલો તમારું મન મોહી લેશે. જો તમે પણ રોજિંદા જીવનના થાકથી કંટાળી ગયા હોવ અને પ્રકૃતિના (Nature) ખોળામાં શાંતિની પળો માણવા માંગતા હોવ, તો હિમાચલની 7 દિવસની આ પરફેક્ટ ટ્રિપ તમારા માટે યાદગાર બની રહેશે. આ આયોજનમાં શિમલા અને મનાલી જેવા મુખ્ય આકર્ષણોનો સમાવેશ કરવામાં આવ્યો છે, જે તમને હિમાચલના સાચા સૌંદર્યનો અનુભવ કરાવશે.હિમાચલ પ્રદેશની 7 દિવસની અનફોર્ગેટેબલ ટ્રિપનું વિગતવાર આયોજન.

દિવસ 1: ચંદીગઢથી શિમલાનું આગમન

તમારી સફરની શરૂઆત ચંદીગઢથી કરો, જે હિમાચલ (Himachal) જવા માટેનું મુખ્ય પ્રવેશદ્વાર છે. ચંદીગઢથી શિમલાનું અંતર અંદાજે 115 કિમી છે, જે ટેક્સી કે બસ દ્વારા 3-4 કલાકમાં કાપી શકાય છે. પહાડોમાં પ્રવેશતા જ ઠંડી હવાનો અહેસાસ થવા લાગશે. શિમલા પહોંચ્યા પછી હોટલમાં ચેક-ઈન કરો અને સાંજે પ્રસિદ્ધ ‘મોલ રોડ’ (Mall Road) પર લટાર મારો. અહીંનું સ્કેન્ડલ પોઈન્ટ અને ક્રાઈસ્ટ ચર્ચ જોવાલાયક છે.

દિવસ 2: શિમલા અને આસપાસનું ભ્રમણ 

બીજા દિવસે સવારે વહેલા તૈયાર થઈને કુફરી (Kufri) તરફ પ્રયાણ કરો, જે શિમલાથી 15 કિમી દૂર છે. કુફરીમાં તમે એડવેન્ચર એક્ટિવિટીઝ અને યાક રાઈડનો આનંદ માણી શકો છો. ત્યારબાદ શિમલા પરત ફરીને જાખુ મંદિર (Jakhoo Temple) ના દર્શન કરો, જ્યાં હનુમાનજીની વિશાળ પ્રતિમા આવેલી છે. સાંજે લક્કડ બજારમાં શોપિંગ કરી શકાય છે, જે લાકડાની હસ્તકલા માટે જાણીતું છે.

દિવસ 3: શિમલાથી મનાલીનો સુંદર પ્રવાસ

ત્રીજા દિવસે શિમલાને અલવિદા કહી મનાલી તરફ રવાના થાઓ. આ આશરે 250 કિમીનો લાંબો પણ અત્યંત સુંદર પ્રવાસ છે. રસ્તામાં તમને બિયાસ નદીના સુંદર નજારા જોવા મળશે. રસ્તામાં તમે સુંદરનગર લેક અને પંડોહ ડેમ (Pandoh Dam) પર ફોટોગ્રાફી માટે રોકાઈ શકો છો. રાત્રે મનાલી પહોંચીને હોટલમાં આરામ કરો, જેથી આગળના દિવસોમાં ટ્રેકિંગ અને સાહસ માટે તૈયાર રહી શકાય.

દિવસ 4: Himachalનું મનાલી લોકલ સાઈટસીઈંગ

ચોથા દિવસે મનાલીના સ્થાનિક આકર્ષણોની મુલાકાત લો. સૌથી પહેલા હિડિમ્બા દેવી મંદિર (Hadimba Devi Temple-Himachal) જાઓ, જે દેવદારના ગાઢ જંગલોની વચ્ચે લાકડામાંથી બનેલું પ્રાચીન મંદિર છે. ત્યારબાદ વશિષ્ઠ કુંડ (Vashisht Bath) માં ગરમ પાણીના ઝરણામાં સ્નાનનો આનંદ માણો. બપોર પછી ઓલ્ડ મનાલીના કાફે અને ક્લબ હાઉસની મુલાકાત લો અને સાંજે મનાલીના મોલ રોડ પર સ્થાનિક વાનગીઓનો સ્વાદ માણો.

દિવસ 5: સોલાંગ વેલી અને અટલ ટનલનું સાહસ

પાંચમો દિવસ સાહસના શોખીનો માટે છે. સોલાંગ વેલી (Solang Valley-Himachal) જાઓ જ્યાં તમે પેરાગ્લાઈડિંગ, જોર્બિંગ અને સ્કીઈંગ જેવી પ્રવૃત્તિઓ કરી શકો છો. જો હવામાન સારું હોય અને રસ્તો ખુલ્લો હોય, તો એન્જિનિયરિંગનો અદભૂત નમૂનો એવી અટલ ટનલ (Atal Tunnel-Himachal) પાર કરીને લાહૌલ વેલીમાં સિસુ (Sissu) સુધી જાઓ. ત્યાંનો નજારો મનાલીથી સાવ અલગ અને બરફીલો હશે જે તમને મંત્રમુગ્ધ કરી દેશે.

દિવસ 6: રોહતાંગ પાસ (જો પરવાનગી હોય તો) અથવા કસોલ

જો તમારી પાસે પરમિટ (Permit) હોય, તો રોહતાંગ પાસ (Rohtang Pass) જઈ શકાય છે, જ્યાં વર્ષના બારે માસ બરફ જોવા મળે છે. જો રોહતાંગ શક્ય ન હોય, તો છઠ્ઠા દિવસે મણિકરણ સાહિબ (Manikaran Sahib) અને કસોલ (Kasol) તરફ પ્રયાણ કરો. મણિકરણમાં ગરમ પાણીના કુંડ અને ગુરુદ્વારાની મુલાકાત લો. કસોલને ‘મિની ઈઝરાયેલ’ (Mini Israel) કહેવામાં આવે છે, ત્યાં પાર્વતી નદીના કિનારે બેસીને કુદરતી શાંતિનો અનુભવ કરો.

દિવસ 7: મનાલીથી ચંદીગઢ પરત અને વિદાય

ટ્રિપના છેલ્લા દિવસે સવારે વહેલા નાસ્તો કરીને ચંદીગઢ (Chandighadh) તરફ પરત ફરવાની શરૂઆત કરો. રસ્તામાં તમે કુલ્લુમાં રિવર રાફ્ટિંગ (River Rafting) નો અનુભવ લઈ શકો છો અને શૉલ ફેક્ટરીમાંથી શુદ્ધ ઉની કપડાંની ખરીદી (Shopping) કરી શકો છો. ચંદીગઢ પહોંચીને તમારી યાદગાર હિમાચલ યાત્રા (Yatra) પૂર્ણ થશે અને તમે હજારો સુંદર યાદો (Memories)  સાથે ઘરે પરત ફરશો.

આ પણ વાંચો:એક જ સ્થળેથી સૂર્યોદય અને સૂર્યાસ્ત! કન્યાકુમારીનો આ જાદુઈ નજારો જોવા જેવો છે, જાણો ટ્રિપ પ્લાન કરવાની વિગતો

આ પણ વાંચો:શું તમે તૈયાર છો? કેદારનાથનો આ 18 કિમીનો કઠિન ટ્રેક છે આસ્થા અને એડવેન્ચરનો અદભૂત સંગમ

આ પણ વાંચો:રણની રેતીમાં સોના જેવું ચમકતું જેસલમેર, માર્ચના ખુશનુમા વાતાવરણમાં ફરવા માટેની બેસ્ટ જગ્યાઓ