Emotional Bonding: કોઈપણ સુખી અને લાંબા ગાળાના સંબંધ (Relationship) નો પાયો ‘સંમતિ’ (Consent) અને ‘વાતચીત’ (Communication) પર ટકેલો હોય છે. ઘણીવાર કપલ્સ વર્ષો સુધી સાથે રહેવા છતાં એકબીજાની ગમતી-નાગમતી વસ્તુઓ કે ઈચ્છાઓ વિશે ખુલીને વાત કરી શકતા નથી. શું તમે જાણો છો કે એક નાની રમત તમારા સંબંધોમાં નવો પ્રાણ ફૂંકી શકે છે? ‘કન્સેન્ટ લવ ગેમ’ એ માત્ર મનોરંજન નથી, પણ એકબીજાને ઊંડાણપૂર્વક સમજવાનો એક માર્ગ છે.
શું છે આ ‘કન્સેન્ટ લવ ગેમ’?
આ રમતનો મુખ્ય ઉદ્દેશ્ય પાર્ટનરની મર્યાદાઓ અને તેમની પસંદગીઓને સમજવાનો છે.
નિયમો: આ રમતમાં બંને પાર્ટનરે વારાફરતી પ્રશ્નો પૂછવાના હોય છે.
હેતુ: આનાથી ખબર પડે છે કે તમારો પાર્ટનર કઈ બાબતમાં આરામદાયક (Comfortable) અનુભવે છે અને કઈ બાબતમાં તેને ખચકાટ થાય છે.
રમવા માટેના કેટલાક રસપ્રદ પ્રશ્નો
તમે નીચે મુજબના પ્રશ્નો પૂછીને રમતની શરૂઆત કરી શકો છો:
“તને દિવસભરના થાક પછી મારું માથું દબાવવું ગમશે કે તને એકાંત જોઈએ છે?”
“જ્યારે આપણે બહાર હોઈએ, ત્યારે મારો હાથ પકડવો તને ગમે છે?”
“શું એવી કોઈ વાત છે જે મેં ભૂતકાળમાં કરી હોય અને તને તે પસંદ ન આવી હોય?”
પરસ્પર સંમતિ (Consent) નું મહત્વ
સંમતિ માત્ર શારીરિક સંબંધ પૂરતી મર્યાદિત નથી.
ના કહેવાની આઝાદી: આ રમત દ્વારા કપલ્સ એકબીજાને ‘ના’ (No) કહેતા શીખે છે અને સામેવાળી વ્યક્તિ તે ‘ના’ ને સન્માન સાથે સ્વીકારે છે.
વિશ્વાસમાં વધારો: જ્યારે તમને ખબર હોય કે તમારો પાર્ટનર તમારી ઈચ્છાનું સન્માન કરે છે, ત્યારે સંબંધમાં સુરક્ષાની ભાવના વધે છે.
આ રમતના ફાયદા (Relationship)
ઝઘડામાં ઘટાડો: અસ્પષ્ટતા દૂર થવાથી ભવિષ્યમાં થતા નાની-નાની વાતોના ઝઘડા ઓછા થાય છે.
નવીનતા: રોજિંદા જીવનની એકવિધતા દૂર થાય છે અને સંબંધ (Relationship) માં રોમાંચ જળવાઈ રહે છે.
ભાવનાત્મક જોડાણ: તમે માનસિક રીતે એકબીજાની વધુ નજીક આવો છો.
પ્રેમમાં એકબીજાની મરજી જાણવી એ સૌથી મોટી ભેટ છે. આજે જ રાત્રે ફ્રી થઈને તમારા પાર્ટનર સાથે આ ‘લવ ગેમ‘ રમો અને તમારા સંબંધ (Relationship) ને એક નવા સ્તરે લઈ જાઓ. યાદ રાખો, સંમતિ (Relationship) એ પ્રેમનું જ બીજું નામ છે.
આ પણ વાંચો: શું તમે ઇનફર્ટિલિટી પાછળના આ છુપાયેલા કારણો જાણો છો? પુરુષ અને મહિલા બંનેમાં હોઈ શકે છે આ સમસ્યા
આ પણ વાંચો:શું તમે તમારા પાર્ટનર સાથે ખુલીને વાત કરી શકો છો? જાણો કમ્યુનિકેશન ગેપ દૂર કરવાની રીતો!
આ પણ વાંચો: તમારા બેડરૂમને બનાવો ‘સેન્સિટિવ ઝોન’! આ ટિપ્સથી બેડરૂમનો માહોલ બનશે વધુ ઇન્ટેન્સ અને રોમાંચક
