IPhone સ્ક્રીન પર કોલ કાપવાનું બટન કેમ નથી હોતું?

Apple Users: જો તમે એન્ડ્રોઇડ ફોન વાપરીને iPhone પર શિફ્ટ થયા હોવ, તો તમે એક વાત ચોક્કસ નોંધી હશે – જ્યારે ફોન લોક (Lock) હોય અને કોલ આવે, ત્યારે સ્ક્રીન પર માત્ર ‘Slide to Answer’ દેખાય છે, પણ કોલ કાપવા માટેનું લાલ બટન ક્યાંય જોવા મળતું નથી. ઘણા યુઝર્સ આનાથી મૂંઝવણમાં મુકાઈ જાય છે. શું એપલ આ બટન આપવાનું ભૂલી ગયું છે? ના, આની પાછળ એક ખાસ ટેકનિકલ કારણ અને યુઝર એક્સપિરિયન્સની ગણતરી છે.

કેમ iPhone લાલ બટન ગાયબ હોય છે?

જ્યારે તમારો iPhone લોક હોય અને ખિસ્સામાં હોય, ત્યારે ભૂલથી પણ કોઈ બટન દબાઈ ન જાય અને કોલ રિસીવ કે રિજેક્ટ ન થઈ જાય તે માટે એપલે ‘Slide to Answer’ નું ફીચર રાખ્યું છે.

પોકેટ ડાયલિંગથી બચવા: જો સ્ક્રીન પર ડાયરેક્ટ બટન હોય, તો ખિસ્સામાં ઘર્ષણને કારણે કોલ કપાઈ શકે છે અથવા ઉપાડી શકાય છે. સ્લાઈડર ફીચર ખાતરી કરે છે કે તમે જાણીજોઈને જ કોલ ઉપાડ્યો છે.

લોક સ્ક્રીન પર કોલ કેવી રીતે કાપવો? (The Secret Trick)

જો ફોન લોક હોય અને તમારે કોલ રિજેક્ટ કરવો હોય, તો એપલે તેના માટે ફિઝિકલ બટનનો ઉપયોગ કર્યો છે:

એકવાર પાવર બટન દબાવો: આનાથી રિંગટોન સાયલન્ટ (Silent) થઈ જશે.

બે વાર પાવર બટન દબાવો: જો તમે સાઇડ પાવર બટનને સતત 2 વાર દબાવશો, તો કોલ તરત જ રિજેક્ટ (Disconnect) થઈ જશે.

ક્યારે દેખાય છે લાલ બટન?

જ્યારે તમારો iPhone અનલોક હોય (એટલે કે તમે ફોન વાપરી રહ્યા હોવ) અને ત્યારે કોલ આવે, તો તમને સ્ક્રીન પર લાલ (Decline) અને લીલું (Accept) એમ બંને બટન જોવા મળશે. કારણ કે ત્યારે ફોન પહેલેથી જ એક્ટિવ છે અને ભૂલથી બટન દબાવવાની શક્યતા ઓછી છે.