વડા પ્રધાન નરેન્દ્ર મોદીની ચલિત જંગમ છેલ્લા 15 મહિનામાં 36.53 લાખ રૂપિયા વધી છે. સામાન્ય ભારતીઓની જેમ, તેઓ પણ તેમની મોટાભાગની કમાણી બચત ખાતામાં જમા કરે છે. વડા પ્રધાને તાજેતરમાં જ તેમની સંપત્તિઓને જાહેર કરી છે. ગયા નાણાકીય વર્ષમાં પીએમ મોદીની જંગમ સંપત્તિમાં 26.26 ટકાનો વધારો થયો છે. તે 1,39,10,260 રૂપિયાથી વધીને 1,75,63,618 રૂપિયા પર પહોંચી ગઈ છે.
આપને જણાવી દઈએ કે, 12 ઓક્ટોબરનાં રોજ પ્રસિદ્ધ વડા પ્રધાન નરેન્દ્ર મોદીની સંપત્તિનાં વર્ણનમાં 30 જૂન સુધી તેમની નાણાકીય સ્થિતિ બતાવવામાં આવી છે. આ વધારો મુખ્યત્વે વડા પ્રધાનનાં પગારની બચતનાં રૂપમાં દર્શાવવામાં આવ્યો છે. વડા પ્રધાન નરેન્દ્ર મોદીની સ્થાવર સંપત્તિમાં લગભગ કોઈ ફેરફાર કરવામાં આવ્યો નથી. પીએમ મોદીએ ગાંધીનગરમાં 1.1 કરોડ રૂપિયાનો પ્લોટ અને મકાન હોવાની વાત કહી છે. તે તેમના પરિવારની સાથે તેના એક ભાગનાં માલિક છે.
તાજેતરનાં અહેવાલમાં બતાવવામાં આવ્યું છે કે, વડા પ્રધાન ફક્ત જીવન વીમા, રાષ્ટ્રીય બચત પત્ર (એનએસસી) અને ઇન્ફ્રાસ્ટ્રક્ચર બોન્ડ દ્વારા જ કરની બચત કરી રહ્યા છે. સંપત્તિઓની ઘોષણાથી એ પણ જાણ થાય છે કે તેઓએ એનએસસીમાં વધુ રોકાણ કર્યું છે અને તેમના વીમા પ્રીમિયમ ઘટ્યા છે. કોરોનાને કારણે રાષ્ટ્રપતિ, ઉપરાષ્ટ્રપતિ, કેબિનેટનાં અન્ય સાથીઓ અને સંસદ સભ્યોની સાથે વડા પ્રધાનનાં પગારમાં પણ 30 ટકાનો ઘટાડો કરવામાં આવ્યો છે. 30 જૂને વડા પ્રધાન નરેન્દ્ર મોદીનાં બચત ખાતામાં 3.38 લાખ રૂપિયા હતા. તેણે જૂનનાં અંતમાં રૂપિયા 31,450 ની રોકડ રાખી હતી.
ભારતીય સ્ટેટ બેંકની ગાંધીનગર શાખામાં તેમની ફિક્સ ડિપોઝિટની રકમ 30 જૂન, 2020 સુધી વધીને રૂ. 1,60,28,039 થઈ ગઈ જે નાણાકીય વર્ષમાં રૂ.1,27,81,574 રૂપિયા હતી. તેમણે આ જાહેરાત 2019 ની લોકસભા ચૂંટણી માટેનાં સોગંદનામામાં આપી હતી. રિપોર્ટ અનુસાર વડા પ્રધાનની પાસે કાર પણ નથી. તેમની પાસે સોનાની ચાર વીંટી છે. તેમણે 8,43,124 રૂપિયાનાં રાષ્ટ્રીય બચત પ્રમાણપત્ર દ્વારા કર બચાવ્યો છે. તે પોતાના જીવન વીમા માટે 1,50,957 રૂપિયાનું પ્રીમિયમ ચૂકવે છે. વડા પ્રધાન પાસે રાષ્ટ્રીય બચત પ્રમાણપત્રનાં 7,61,646 રૂપિયા હતા અને તેમણે જીવન વીમા પ્રીમિયમ તરીકે 1,90,347 રૂપિયા ચૂકવ્યા હતા.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને Facebook, Twitter, Instagram અને YouTube પર પણ લાઇક અને ફોલો કરીશકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “MantavyaNews” ની નવી મોબાઇલ એપ્લિકેશ
