National News : પ્રધાનમંત્રી નરેન્દ્ર મોદી (PM Modi)આ વર્ષે પણ દેશના જવાનો સાથે દિવાળીનો પર્વ (Diwali Celebration)ઉજવશે. દિવાળીના શુભ અવસરે તેઓ છત્તીસગઢના બસ્તર પહોંચશે અને સુરક્ષા દળોના જવાનો સાથે સમય વિતાવશે. પીએમ મોદીએ સોશિયલ મીડિયા પ્લેટફોર્મ X પર પોસ્ટ કરીને આ મુલાકાતની જાણકારી આપી હતી. તેમણે કહ્યું કે, તેઓ દેશના બહાદુર સૈનિકોના બલિદાન, નિઃસ્વાર્થ સેવા, ત્યાગ અને રાષ્ટ્ર પ્રત્યેના સમર્પણને શ્રદ્ધાંજલિ આપવા જઈ રહ્યા છે.
બસ્તરમાં વિકાસની નવી શરૂઆત, જવાનો સાથે દિવાળી ઉજવશે PM Modi
પીએમ મોદીએ (PM Modi)પોતાની પોસ્ટમાં બસ્તરનો ઉલ્લેખ કરતા કહ્યું કે, એક સમયે નક્સલવાદથી પ્રભાવિત રહેલો આ વિસ્તાર હવે વિકાસની નવી દિશામાં આગળ વધી રહ્યો છે. જ્યાં અગાઉ નક્સલવાદી પ્રવૃત્તિઓને કારણે મુશ્કેલીઓ હતી, ત્યાં હવે વિકાસનાં કામો થઈ રહ્યાં છે.
તેમણે લખ્યું કે, દિવાળીના પવિત્ર અવસરે તેઓ બસ્તરમાં (Bastar Diwali)દેશના બહાદુર સુરક્ષા કર્મચારીઓ (Indian Soldiers)વચ્ચે પહોંચશે. આ દરમિયાન જવાનોના બલિદાન, સમર્પણ અને તેમની તપસ્યાને નમન કરશે.
ગયા વર્ષે INS વિક્રાંત પર નૌકાદળના જવાનો સાથે ઉજવી હતી દિવાળી
પ્રધાનમંત્રી મોદી દર વર્ષે દિવાળીના અવસરે દેશની સરહદો અને સુરક્ષામાં તૈનાત જવાનોની (Indian Soldiers)વચ્ચે પહોંચીને તહેવાર ઉજવવાની પરંપરા જાળવી રહ્યા છે. ગયા વર્ષે 20 ઓક્ટોબર, 2025ના રોજ તેમણે ગોવામાં INS વિક્રાંત પર ભારતીય નૌકાદળના જવાનો સાથે દિવાળીની ઉજવણી કરી હતી.
આ પ્રસંગે તેમણે નૌકાદળના કર્મચારીઓ સાથે સમય વિતાવ્યો હતો અને દેશની સુરક્ષા માટે તેમની કામગીરીની પ્રશંસા કરી હતી.
2014થી જવાનો સાથે દિવાળી ઉજવવાની પરંપરા
વર્ષ 2014માં સત્તા સંભાળ્યા બાદ પીએમ મોદી દર વર્ષે દિવાળી દરમિયાન સૈનિકો વચ્ચે પહોંચતા રહ્યા છે. તેમણે અત્યાર સુધી સિયાચીન, પંજાબ, હિમાચલ પ્રદેશ, જમ્મુ-કાશ્મીર, રાજસ્થાન, લદ્દાખ અને ગુજરાત સહિતના વિસ્તારોમાં જવાનો સાથે દિવાળીની ઉજવણી (Diwali Celebration)કરી છે.
પીએમ મોદીની દિવાળીની ઉજવણીનાં સ્થળોની યાદી:
2014 – સિયાચીન, લદ્દાખ
2015 – ખાસા બોર્ડર, પંજાબ
2016 – સુમડો, હિમાચલ પ્રદેશ
2017 – ગુરેઝ સેક્ટર, જમ્મુ-કાશ્મીર
2018 – હર્ષિલ, ઉત્તરાખંડ
2019 – રાજૌરી, જમ્મુ-કાશ્મીર
2020 – જેસલમેર, રાજસ્થાન
2021 – નૌશેરા, જમ્મુ-કાશ્મીર
2022 – કારગિલ, લદ્દાખ
2023 – લેપ્ચા, હિમાચલ પ્રદેશ
2024 – સર ક્રીક, ગુજરાત
2025 – INS વિક્રાંત, ગોવા
દિવાળીને ગણાવી અંધકાર સામેના સંકલ્પનો તહેવાર
દિવાળીના એક દિવસ પહેલાં પીએમ મોદી (PM Modi)એ સોશિયલ મીડિયા પર વીડિયો સંદેશ દ્વારા દેશવાસીઓને શુભેચ્છા પાઠવી હતી. તેમણે દિવાળીને પ્રકાશનો પવિત્ર તહેવાર ગણાવ્યો હતો.
પીએમ મોદીએ કહ્યું હતું કે દિવાળી દરમિયાન આખો દેશ રોશનીથી ઝગમગી ઊઠે છે. પ્રકાશનો આ પર્વ અંધકાર સામે લડવાના અને સકારાત્મકતાના સંકલ્પનું પ્રતીક છે. તેમણે દેશવાસીઓને દિવાળીની શુભકામનાઓ પાઠવી હતી.
