છેલ્લા દસ મહિનાથી સમગ્ર વિશ્વસહિત ભારત અને અન્ય દેશો પણ કોરોના મહામારી સામે લડાઇ લડી રહ્યા છે. તેની વચ્ચે આશાના કિરણ સમાન લોન્ચ થઈ ચૂકી છે અને વેક્સિનેશન અભિયાનનો 16 જાન્યુઆરીથી પ્રારંભ થવા જઇ રહ્યો છે.વડા પ્રધાન નરેન્દ્ર મોદી ખુદ કોરોના વેક્સિનેશન અભિયાનનો પ્રારંભ કરશે. વડાપ્રધાન મોદી આ અભિયાનની સાથે વર્ચ્યુઅલ રીતે કો-વિન એપ્લિકેશન પણ શરૂ કરશે, જે 16 જાન્યુઆરીથી શરૂ થવા જઈ રહી છે. આ કાર્યક્રમમાં દિલ્હીના મુખ્ય પ્રધાન અરવિંદ કેજરીવાલ, આરોગ્ય પ્રધાન સત્યેન્દ્ર જૈન શામેલ હોઈ શકે છે.પ્રથમ તબક્કામાં ત્રણ કરોડ આરોગ્ય કર્મચારીઓ અને કોરોના યોદ્ધાઓને વેક્સિનેશન કરવામાં આવશે.રાજ્યના 287 સ્થળો પર વડાપ્રધાન વેક્સિનનું ઈ-લોન્ચિંગ કરશે.
Festival / આવી ગઇ ઉત્તરાયણ….આનંદો! પતંગ રસિયાઓ માટે સામે આવ્યા સા…
પ્રથમ તબક્કામાં ત્રણ કરોડ આરોગ્ય કર્મચારીઓ અને કોરોના યોદ્ધાઓને વેક્સિનેશન
તે જ સમયે, વડાપ્રધાને રાજ્યોના મુખ્યમંત્રીઓ સાથે વેક્સિનેશન અંગે પણ ચર્ચા કરી હતી. તેમણે કહ્યું કે કેન્દ્ર અને રાજ્યો વચ્ચે સંકલન એ કોવિડ -19 સાથેના વ્યવહારમાં સહકારી સંઘવાદનું ઉત્તમ ઉદાહરણ છે. હકીકતમાં, ભારતમાં કોવિડ -19 ની વેક્સિન 16 જાન્યુઆરીથી શરૂ થાય છે અને પ્રથમ તબક્કામાં લગભગ ત્રણ કરોડ આરોગ્ય કર્મચારીઓ અને કોરોના યોદ્ધાઓ અગ્રતાના ક્રમમાં વેક્સિન આપવામાં આવશે.
રાજ્યના 287 સ્થળો પર વડાપ્રધાન કરશે વેક્સિનનું ઈ-લોન્ચિંગ
સમગ્ર દેશ કોરોના વેક્સીનની પ્રતીક્ષા કરી રહ્યો છે ત્યારે આગામી 16 જાન્યુઆરી 2021 ના રોજ દેશના વડાપ્રધાન નરેન્દ્રભાઈ મોદી ગુજરાતના કુલ 287 સ્થળોએ કોરોના વેક્સિન લોન્ચ કરશે જેમાં રાજકોટના કુલ10 સ્થળોએથી વેક્સિનેશન લાઈવ કરવામાં આવશે અને પી.ડી.યુ. સિવિલ હોસ્પિટલ ખાતેનાવેક્સિન બુથ પરથી વડાપ્રધાન મેડીકલ સ્ટાફ અને લોકો સાથે સીધો સંવાદ કરશે અન્ય 9 કોરોના બુથ પરથી લાઈવ વેક્સિનેશન નિહાળશે.
Bird-flu / ધોનીના પોલ્ટ્રી ફાર્મમાં પહોંચ્યો બર્ડ ફ્લૂનો વાયરસ, જાણો વધ…
28 દિવસના તફાવત પર વેક્સિન અપાશે આરોગ્ય મંત્રાલય
આરોગ્ય મંત્રાલયે મંગળવારે કહ્યું કે કોવિડ -19 વેક્સિન 28 દિવસના અંતરે આપવામાં આવશે અને બીજી વેક્સિનના 14 દિવસ પછી અમલી બનશે. કેન્દ્રીય આરોગ્ય સચિવ રાજેશ ભૂષણ જણાવ્યું હતું કે વેક્સિનની અસર ડોઝ પૂર્ણ થયાના 14 દિવસ પછી દેખાવા માંડશે. તેમણે કહ્યું કે અમે લોકોને વિનંતી કરીએ છીએ લોકો કોવિડ -19 સંબંધિત પ્રોટોકોલનું પાલન કરે. વેક્સિનના બે ડોઝ વચ્ચે 28 દિવસનો તફાવત હશે.
Gandhinagar / શિક્ષણમંત્રી ભુપેન્દ્રસિંહ ચુડાસમાની મોટી જાહેરાત, શિક્ષણ વિ…
સલામત અને અસરકારક બંને વેક્સિનની પુષ્ટિ
આરોગ્ય મંત્રાલયે જણાવ્યું છે કે ભારતે તાજેતરમાં બે રસીના ઇમરજન્સી ઉપયોગની મંજૂરી આપી છે. આ રસીઓ છે … ઓક્સફોર્ડની કોવશીલ્ડ જેનું નિર્માણ પુણેની સીરમ ઇન્સ્ટિટ્યૂટ ઓફ ઇન્ડિયામાં કરવામાં આવે છે, અને બીજી એક ભારત બાયોટેકની કોવાક્સિન છે. બંને રસી સલામત અને અસરકારક હોવાની પુષ્ટિ કરવામાં આવી છે. નીતી આયોગના સભ્ય ડો.વી.કે. પોલે કહ્યું છે કે આ બંને રસીઓનું પરીક્ષણ હજારો લોકો પર કરવામાં આવ્યું છે અને બંને સલામત છે, અને તેમને કોઈ ખતરો નથી. બંને રસીઓનું પરીક્ષણ હજારો લોકો પર કરવામાં આવ્યું છે અને તેની આડઅસર નહિવત્ છે.
મંતવ્ય ન્યૂઝ દ્વારા જાહેર અપીલ –
દેશ – દુનિયા સહિત ગુજરાતમાં પણ કોરોનાએ જ્યારે ફરી માંથુ ઉચક્યુ છે, ત્યારે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, આ સમયે કોરોનાથી ડરવાની નહીં, પરંતુ સંયમ સાથે વર્તવાની જરુર છે. બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય સંયમ સાથે નિયમોનું પાલન કરી એક જાગૃત નાગરીકની ફરજ બજાવો…
