ભારતના ચંદ્રયાન 3 એ ચંદ્ર પર સફળતાપૂર્વક ઉતરાણ કરીને ઇતિહાસ રચ્યો છે. વડાપ્રધાન નરેન્દ્ર મોદી પણ આ ક્ષણના સાક્ષી બન્યા હતા. હાલમાં તેઓ દક્ષિણ આફ્રિકાના જોહાનિસબર્ગમાં BRICS સમિટમાં છે. દક્ષિણ આફ્રિકાથી ચંદ્રયાન 3 ના ઉતરાણ વખતે પીએમ મોદી ISRO સાથે લાઈવ જોડાયેલા હતા. તે દરેક ક્ષણને ગર્વથી જોતા રહ્યા. લેન્ડર અને રોવરે ચંદ્ર પર સફળ લેન્ડિંગ કરતાની સાથે જ પીએમ મોદીએ આ મહાન સિદ્ધિ માટે દેશના વૈજ્ઞાનિકોને બિરદાવ્યા અને અભિનંદન પાઠવ્યા. તેમણે તિરંગો લહેરાવીને ભારતની આ સિદ્ધિ પર પોતાની લાગણી વ્યક્ત કરી હતી.
પીએમ મોદીએ ચંદ્ર પર ચંદ્રયાન-3ના સફળ ઉતરાણ બદલ તમામ વૈજ્ઞાનિકો અને દેશવાસીઓને અભિનંદન પાઠવ્યા. આ સિદ્ધિને સૌથી મોટી ગણાવતા તેમણે કહ્યું કે અમે પૃથ્વી પર સંકલ્પ લીધો હતો અને ચંદ્ર પર તેને પૂર્ણ કર્યો હતો. સમગ્ર દેશ માટે આ ગૌરવની ક્ષણ છે. ભારત ચંદ્રના દક્ષિણ ધ્રુવ પર પહોંચી ગયું છે, જ્યાં અત્યાર સુધી કોઈ દેશ નથી પહોંચ્યો. દેશ આ દિવસને હંમેશ માટે યાદ રાખશે. આ દિવસ આપણને બધાને ઉજ્જવળ ભવિષ્ય તરફ આગળ વધવાની પ્રેરણા આપે.
પીએમ મોદીએ કહ્યું કે ભારતનું સફળ ચંદ્ર મિશન એકલા ભારતનું નથી…આ સફળતા સમગ્ર માનવતાની છે. તેથી તે ભારત અને સમગ્ર માનવતા માટે એક મોટો દિવસ છે. આ પહેલા કોઈ દેશ ત્યાં (ચંદ્રનો દક્ષિણ ધ્રુવ) પહોંચ્યો નથી. અમારા વૈજ્ઞાનિકોની મહેનતથી અમે ત્યાં સુધી પહોંચ્યા છીએ. જ્યારે આપણે આવી ઐતિહાસિક ક્ષણો જોઈએ છીએ ત્યારે આપણે ખૂબ જ ગર્વ અનુભવીએ છીએ. આ નવા ભારતનો સૂર્યોદય છે. પીએમે કહ્યું કે એક સમયે એવું કહેવામાં આવતું હતું કે ચંદા મામા દૂર કે, હવે એક દિવસ એવો પણ આવશે જ્યારે બાળકો કહેશે કે ચંદા મામા બસ ટૂર કે.
આ પણ વાંચો:ભારતમાં પડી રહ્યો છે વરસાદ, ચંદ્ર પર કેવું છે હવામાન? વિક્રમના લેન્ડિંગ પહેલા જાણો રહસ્ય
આ પણ વાંચો:PM મોદી દક્ષિણ આફ્રિકામાં નિહાળશે ચંદ્રયાન-3નું લાઈવ લેન્ડિંગ, વર્ચ્યુઅલ રીતે ISROમાં સાથે જોડાશે
આ પણ વાંચો:એક ક્લિકમાં વાંચો ચંદ્રયાનન-3 ની સંપૂર્ણ વિગત
આ પણ વાંચો:ચંદ્રયાન 3 ના ઉતરાણ પહેલા શાળાના બાળકોમાં ભારે ઉત્સાહ, યુપીમાં જોવા મળ્યો અદ્ભુત નજારો
