વડાપ્રધાન નરેન્દ્ર મોદી આજથી બે દિવસીય ગુજરાત પ્રવાસે જઈ રહ્યા છે. આ દરમિયાન પીએમ મોદી ઈન્ટરનેશનલ બુલિયન એક્સચેન્જ સહિત અનેક પ્રોજેક્ટનું ઉદ્ઘાટન કરશે. ગુજરાતના મંત્રી અને પ્રવક્તા જીતુ વાઘાણીએ જણાવ્યું હતું કે તેમની મુલાકાતના પ્રથમ દિવસે વડાપ્રધાન નરેન્દ્ર મોદી હિંમતનગર નજીક સાબરકાંઠા જિલ્લા સહકારી દૂધ ઉત્પાદક સંઘ (સાબર ડેરી)ના રૂ. 305 કરોડના મિલ્ક પાવડર પ્લાન્ટનું ઉદ્ઘાટન કરશે. નોધનીય છે કે ગુજરાત વિધાનસભા આ વર્ષના અંતમાં યોજાવાની છે.
જીતુ વાઘાણીના જણાવ્યા મુજબ, પીએમ મોદી 29 જુલાઈએ ગુજરાત ઈન્ટરનેશનલ ફાઈનાન્સ ટેક-સિટી (ગિફ્ટ સિટી) ખાતે ભારતના પ્રથમ ઈન્ટરનેશનલ ફાઈનાન્સિયલ સર્વિસ સેન્ટર (આઈએફએસસી)ની મુલાકાત લેશે. તેમણે કહ્યું કે આ સમયગાળા દરમિયાન તેઓ ઈન્ડિયન ઈન્ટરનેશનલ બુલિયન એક્સચેન્જ (IIBX) લોન્ચ કરશે. જે દેશનું પ્રથમ આંતરરાષ્ટ્રીય બુલિયન એક્સચેન્જ છે. આ સિવાય પીએમ મોદી ઈન્ટિગ્રેટેડ રેગ્યુલેટરી ઈન્ટરનેશનલ ફાઈનાન્સિયલ સર્વિસ સેન્ટર ઓથોરિટીના હેડક્વાર્ટરનો શિલાન્યાસ પણ કરશે.
નોંધનીય છે કે સાબર ડેરીના રૂ. 1,000 કરોડના પ્રોજેક્ટ સ્થાનિક ખેડૂતો અને દૂધ ઉત્પાદકોને સશક્ત બનાવશે અને તેમની આવકમાં વધારો કરશે. આ સાથે પ્રદેશના ગ્રામીણ અર્થતંત્રને પણ વેગ મળશે.
પીએમ મોદી તમિલનાડુની પણ મુલાકાત લેશે
પીએમ મોદી તમિલનાડુની રાજધાની ચેન્નાઈની પણ મુલાકાત લેશે અને ત્યાં જવાહરલાલ નેહરુ ઈન્ડોર સ્ટેડિયમમાં 44માં ચેસ ઓલિમ્પિયાડની શરૂઆત કરશે. સાબર ડેરીની ક્ષમતા પ્રતિદિન 1.20 લાખ ટન જેટલી છે. બીજા દિવસે 29 જુલાઈએ PM મોદી સવારે 10 વાગ્યે અન્ના યુનિવર્સિટીના 42માં દીક્ષાંત સમારોહમાં હાજરી આપશે.
PM મોદી આવતીકાલે ફરી ગુજરાત આવશે
આ પછી તેઓ ગુજરાતની રાજધાની ગાંધીનગર આવશે. PM મોદી ગાંધીનગરમાં ગુજરાત ઇન્ટરનેશનલ ફાઇનાન્સ ટેક-સિટી (ગિફ્ટ સિટી) ખાતે દેશના પ્રથમ આંતરરાષ્ટ્રીય બુલિયન એક્સચેન્જનું ઉદ્ઘાટન કરશે. આ સમયગાળા દરમિયાન તેઓ ઈન્ટરનેશનલ ફાઈનાન્સિયલ સર્વિસ સેન્ટર ઓથોરિટીના હેડક્વાર્ટર બિલ્ડિંગનો શિલાન્યાસ પણ કરશે.
Iraq Protest / ઈરાકમાં PMની ચૂંટણીને લઈને વિવાદ, વિરોધીઓ સંસદમાં ઘૂસ્યા
