વડાપ્રધાન નરેન્દ્ર મોદી 10મી જાન્યુઆરીએ વાઈબ્રન્ટ ગુજરાત ગ્લોબલ સમિટની 10મી આવૃત્તિનું ઉદ્ઘાટન કરશે. ગુજરાતના મુખ્યમંત્રી ભૂપેન્દ્રભાઈ પટેલે શુક્રવારે આ માહિતી આપી હતી.મુખ્યમંત્રી ભૂપેન્દ્રભાઈએ વૈશ્વિક ઉદ્યોગોને વાઈબ્રન્ટ ગુજરાત ગ્લોબલ સમિટમાં ભાગ લેવા આમંત્રણ આપ્યું હતું. એક કાર્યક્રમને સંબોધતા તેમણે કહ્યું કે આ સમિટનું ઉદ્ઘાટન વડાપ્રધાન મોદી 10 જાન્યુઆરી, 2024ના રોજ કરશે.
ઉલ્લેખનીય છે કેમુખ્યમંત્રીએ કહ્યું કે ‘ગેટવે ટુ ધ ફ્યુચર’ થીમ પર આયોજિત સમિટ વડાપ્રધાન મોદીના ‘વિકસિત ભારત @2047’ના વિઝનને આગળ ધપાવશે. તેમણે જણાવ્યું હતું કે સક્રિય નીતિ-આધારિત અભિગમ, વ્યવસાય કરવાની સરળતા, રોકાણકારો-મૈત્રીપૂર્ણ વલણ અને મજબૂત ઔદ્યોગિક માળખાકીય સુવિધાઓના કારણે ગુજરાત છેલ્લા બે દાયકાથી રોકાણ માટે સૌથી વધુ પસંદગીનું સ્થળ છે.નોંધનીય છે કે વાઈબ્રન્ટ ગુજરાત ગ્લોબલ સમિટની 10મી આવૃત્તિ 10-12 જાન્યુઆરી, 2024ના રોજ મહાત્મા મંદિર, ગાંધીનગર ખાતે યોજાવા જઈ રહી છે.
