PM Modi : વડાપ્રધાન નરેન્દ્ર મોદી કર્ણાટક વિધાનસભા ચૂંટણીના લગભગ એક મહિના પહેલા એટલે કે 9 એપ્રિલે કર્ણાટકની મુલાકાત લઈ શકે છે. પીએમ મોદી ટાઈગર પ્રોજેક્ટના 50 વર્ષ પૂરા થવા પર એક કાર્યક્રમનું ઉદ્ઘાટન કરવા માટે રાજ્યની મુલાકાત લઈ શકે છે. સમાચાર એજન્સી ANIએ શુક્રવારે (31 માર્ચ) સૂત્રોના હવાલાથી આ માહિતી આપી હતી. સૂત્રોના જણાવ્યા અનુસાર, મુલાકાત દરમિયાન પીએમ મોદી બાંદીપુર ટાઈગર રિઝર્વમાં સફારી ટૂર પણ કરી શકે છે. એક સૂત્રએ જણાવ્યું હતું કે, “પ્રોજેક્ટ ટાઇગરના 50 વર્ષ પૂર્ણ થવા પર પીએમ મોદી મૈસુર અને ચામરાજનગર જિલ્લામાં ત્રણ દિવસીય મેગા ઇવેન્ટનું ઉદ્ઘાટન કરશે.” પીએમ મોદી ભાજપના કાર્યકરો સાથે બેઠક કરી શકે છે સૂત્રોએ માહિતી આપી છે કે કર્ણાટકમાં 10 મેના રોજ વિધાનસભા ચૂંટણી યોજાવાની છે,
આ સ્થિતિમાં પીએમ મોદી (PM Modi )ભાજપના નેતાઓ અને કાર્યકરો સાથે બેઠક કરી શકે છે. કર્ણાટક વિધાનસભા ચૂંટણી માટે ભાજપ સહિત તમામ પક્ષો જોરશોરથી તૈયારી કરી રહ્યા છે. વિધાનસભા ચૂંટણીના પરિણામો 13 મેના રોજ જાહેર થશે. કર્ણાટક વિધાનસભા ચૂંટણી ભાજપ અને કોંગ્રેસ માટે પણ મહત્વની છે કારણ કે 2024માં લોકસભાની ચૂંટણી યોજાવાની છે. રિપોર્ટ અનુસાર જનતા દળ (સેક્યુલર)એ કહ્યું છે કે કર્ણાટકની જનતા વિધાનસભા ચૂંટણીમાં રાષ્ટ્રીય પાર્ટીઓને નકારી દેશે.
આ પહેલા 25 માર્ચે પીએમ મોદીએ (PM Modi )રાજ્યની મુલાકાત લીધી હતી. ભાજપની રાજ્યવ્યાપી ‘વિજય સંકલ્પ યાત્રા’ના સમાપન પ્રસંગે, પીએમ મોદી કર્ણાટકના દાવંગેરે પહોંચ્યા અને રોડ શો બાદ જાહેર સભાને સંબોધિત કરી. પીએમ ઈન્ડિયાની વેબસાઈટ પર શેર કરવામાં આવેલી માહિતી અનુસાર પીએમ મોદી આ વર્ષના જાન્યુઆરીથી અત્યાર સુધીમાં 7 વખત કર્ણાટકની મુલાકાત લઈ ચૂક્યા છે. 9 એપ્રિલે તેઓ રાજ્યની આઠમી મુલાકાત લેશે. વિધાનસભા ચૂંટણીના કાર્યક્રમની જાહેરાત પછી પીએમ મોદીની કર્ણાટકની આ પ્રથમ મુલાકાત હશે. તમને જણાવી દઈએ કે કર્ણાટક વિધાનસભાનો વર્તમાન કાર્યકાળ 25 મેના રોજ સમાપ્ત થશે. હાલ રાજ્યમાં ભાજપની સરકાર છે. હાલમાં ભાજપ પાસે 119, કોંગ્રેસના 75 અને જેડીએસના 28 ધારાસભ્યો છે
