નવી દિલ્હી: વડાપ્રધાન નરેન્દ્ર મોદી આજે ઉત્તરાખંડની એક દિવસીય મુલાકાતે પિથોરાગઢ પહોંચ્યા છે, જ્યાં તેમણે ભગવાન શિવના નિવાસસ્થાન અને કૈલાસ શિખરની મુલાકાત લીધી હતી અને પાર્વતી કુંડ પહોંચ્યા બાદ પૂજા કરી હતી. દિવસભરના પ્રવાસ દરમિયાન ગુંજી ગામની પણ મુલાકાત લેશે. આ ઉપરાંત વડાપ્રધાન અલ્મોડામાં ભગવાન શિવના અન્ય પ્રસિદ્ધ નિવાસ સ્થાન જાગેશ્વરની પણ મુલાકાત લેશે. જાગેશ્વરથી તેઓ પાછા પિથોરાગઢ જશે જ્યાં તેઓ એક જનસભાને સંબોધશે. આ દરમિયાન તેઓ લગભગ 4200 કરોડ રૂપિયાના ખર્ચના પ્રોજેક્ટનો શિલાન્યાસ અને ઉદઘાટન પણ કરશે.
પિથોરાગઢમાં પીએમ મોદીનું ભવ્ય સ્વાગત
પિથોરાગઢ શહેર પીએમ મોદીના સ્વાગત માટે તૈયાર છે જ્યાં નૈની સૈની એરપોર્ટથી જાહેર સભા સ્થળ સુધીના છ કિલોમીટર લાંબા રસ્તાને રાજ્યના વિવિધ પ્રદેશોની સંસ્કૃતિને દર્શાવતા ભીંતચિત્રો અને ચિત્રોથી શણગારવામાં આવ્યો છે. પીએમ મોદીએ તેમના પ્રવાસની શરૂઆત જોલિંગકોંગમાં ભગવાન શિવના નિવાસ સ્થાન આદિ કૈલાશ શિખરની મુલાકાતથી કરી હતી. તે પછી વડાપ્રધાન ગુંજી ગામ જશે જ્યાં તેઓ સ્થાનિક લોકો અને સુરક્ષા દળોના જવાનોને મળશે.
#WATCH | Pithoragarh, Uttarakhand: PM Narendra Modi performs pooja at Parvati Kund.
PM Modi will also visit Gunji village to interact with local people, along with the Army, ITBP and BRO. pic.twitter.com/BPLv8eql5I
— ANI (@ANI) October 12, 2023
જાગેશ્વર ધામમાં ભગવાન શિવની પૂજા કરશે
અધિકારીઓએ જણાવ્યું કે તે પછી વડાપ્રધાન અલ્મોડાના પ્રસિદ્ધ જાગેશ્વર ધામની મુલાકાત લેશે અને ભગવાન શિવની પૂજા કરશે અને પછી પિથોરાગઢ શહેરમાં એક જાહેર સભાને સંબોધશે. ઉત્તરાખંડના મુખ્યમંત્રી પુષ્કર સિંહ ધામીએ સોશિયલ મીડિયા પર એક પોસ્ટમાં લખ્યું છે કે વડાપ્રધાન નરેન્દ્ર મોદી 12 ઓક્ટોબરે આદિ કૈલાશ અને પાર્વતી તાલની મુલાકાત લેશે. તેમણે કહ્યું, “વડાપ્રધાન આ વિસ્તારને વિવિધ વિકાસ યોજનાઓની ભેટ આપશે અને તેમના આગમનથી આદિ કૈલાશ પ્રવાસન વિસ્તારને પણ એક નવી ઓળખ મળશે.”
ગુંજીમાં પરંપરાગત સ્વાગત
પિથોરાગઢમાં વડાપ્રધાનના એરપોર્ટથી જાહેર સભા સ્થળ એસએસ વાલડિયા સ્પોર્ટ્સ સ્ટેડિયમ તરફના માર્ગ પર, કુમાઉના દરેક ખૂણેથી સાંસ્કૃતિક જૂથોને તેમના સ્વાગત માટે ઘણા સ્થળોએ બોલાવવામાં આવ્યા છે. ગુંજી ખાતે, વડા પ્રધાનનું પરંપરાગત રીતે ‘રણ’ જાતિના લોકો દ્વારા સ્વાગત કરવામાં આવશે જ્યાં તેમને પરંપરાગત પાઘડી અને ‘રંગા’ આપવામાં આવશે, જે શરીરના ઉપરના ભાગમાં પહેરવામાં આવે છે.
પોણા બે વાગ્યે જાહેર સભાને સંબોધશે
‘રણ’ કલ્યાણ સંસ્થાના આશ્રયદાતા અશોક નબિયાલે કહ્યું કે વડાપ્રધાનને નેપાળી વેપારીઓ દ્વારા માનસરોવર તળાવમાંથી લાવવામાં આવેલ પવિત્ર જળ પણ અર્પણ કરવામાં આવશે. ગુંજીમાં સ્થાનિક લોકો અને સુરક્ષા દળોને મળ્યા બાદ વડાપ્રધાન અલ્મોડાના જાગેશ્વર ધામ પહોંચશે. આ પછી, વડા પ્રધાન લગભગ પોણા બે વાગ્યે પિથોરાગઢ પહોંચશે જ્યાં તેઓ જાહેર સભાને સંબોધિત કરશે.
આ પણ વાંચોઃ Europe/ રિસર્ચમાં ચોંકાવનારો ખુલાસો, “વર્ષો પહેલા મનુષ્યના મૃતદેહ ખાવાની પરંપરા”
આ પણ વાંચોઃ Israel Hamas War/ ઈઝરાયલ-હમાસના યુદ્ધ વચ્ચે બે દુશ્મનો એકસાથે આવ્યા!
આ પણ વાંચોઃ વૃદ્ધને એવો તે કેવો ગુસ્સો આવ્યો કે કેફે સળગાવી દીધું!
