Ahmedabad News : પ્રધાનમંત્રી નરેન્દ્ર મોદીએ આજે યુનાઇટેડ કિંગડમના મહામહિમ કિંગ ચાર્લ્સ ત્રીજા સાથે વાત કરી. બંને દેશો વચ્ચેના ઐતિહાસિક સંબંધોને યાદ કરીને, બંનેએ ભારત અને યુકે વચ્ચે વ્યાપક વ્યૂહાત્મક ભાગીદારીને વધુ મજબૂત બનાવવાની પ્રતિબદ્ધતાને પુનઃપુષ્ટિ કરી. તેઓએ કોમનવેલ્થ ઓફ નેશન્સ અને સમોઆમાં તાજેતરમાં પૂર્ણ થયેલ કોમનવેલ્થ હેડ ઓફ ગવર્મેન્ટ મીટીંગ અંગે મંતવ્યોનું આદાનપ્રદાન કર્યું.
ક્લાઈમેટ એક્શન અને સ્થિરતા સહિત પરસ્પર હિતના અનેક વિષયો પર પણ ચર્ચાઓ થઈ હતી. પ્રધાનમંત્રીએ આ મુદ્દાઓ પર મહામહિમની સતત હિમાયત અને પહેલ માટે તેમની પ્રશંસા વ્યક્ત કરી હતી અને તેમને ભારત દ્વારા હાથ ધરવામાં આવેલી બહુવિધ પહેલ વિશે માહિતી આપી હતી.
તેઓ બંનેએ ક્રિસમસ અને નવા વર્ષના આગામી તહેવારોના પ્રસંગો પર શુભેચ્છાઓનું આદાન-પ્રદાન કર્યું. પ્રધાનમંત્રીએ રાજાને તેમના સારા સ્વાસ્થ્ય અને સુખાકારી માટે શુભેચ્છાઓ પાઠવી.
આ પણ વાંચો: કોરોનાકાળમાં કચ્છની બેંકોમાં થાપણોમાં અનેકગણો વધારો
આ પણ વાંચો: RBI એ ગુજરાતની 3 સહકારી બેંકો પર દંડ ફટકાર્યો, 2 આણંદ અને 1 વલસાડ
આ પણ વાંચો: સ્વિસ બેંકોમાં વધ્યું ભારતીય ભંડોળ, રુ. 20,000 કરોડને પાર, પરંતુ ગ્રાહકોની થાપણોમાં ઘટાડો
