નવા આઈટી નિયમોને લઈને સોશિયલ મીડિયા પ્લેટફોર્મ અને ભારત સરકાર વચ્ચે તણાવનો માહોલ યથાવત છે. આ તણાવનો માહોલ છેલ્લા ઘણા મહિનાઓથી ચાલી રહ્યો છે. દરમ્યાન, માહિતી અને તકનીકી મંત્રાલયની સંસદીય સ્થાયી સમિતિએ મંગળવારે એક બેઠક બોલાવી છે. આ બેઠકમાં સંસદીય સ્થાયી સમિતિએ ગૂગલ, ફેસબુક અને ટ્વિટરનાં અધિકારને ભારતનાં આઇટી નિયમનું પાલન કરવા નિર્દેશ આપ્યો છે.
Interesting / અમેરિકામાં જોવા મળ્યો સૌથી દુર્લભ પાયથોન, જુઓ વીડિયો
માહિતી ટેકનોલોજી અંગેની સંસદીય સ્થાયી સમિતિની બેઠકમાં ફેસબુકે સમિતિ સમક્ષ જવાબ રજૂ કર્યો છે. કેન્દ્રીય મંત્રી રવિશંકર પ્રસાદ અને કોંગ્રેસનાં નેતા શશી થરૂરનાં ટ્વિટર એકાઉન્ટ્સને લોક કરવા મામલે માહિતી અને તકનીકી સંબંધિત સંસદની સ્થાયી સમિતિએ બે દિવસની અંદર જવાબ માંગ્યો છે. એક સમાચાર એજન્સી અનુસાર સમિતિએ પૂછ્યું છે કે રવિશંકર પ્રસાદ અને શશી થરૂરનાં ટ્વિટર એકાઉન્ટ્સ કેમ લોક કરાયા હતા? આપને જણાવી દઈએ કે, ટ્વિટર દ્વારા copyright નાં કથિત ઉલ્લંઘન માટે આઇટી મિનિસ્ટર રવિશંકર પ્રસાદનું એકાઉન્ટ બંધ કર્યા બાદ સંસદીય પેનલનાં અધ્યક્ષ શશી થરૂરે કહ્યું હતું કે, તેમની સાથે પણ આ જ બન્યું હતું. થરૂરે સમિતિને રવિશંકર પ્રસાદ અને તેમના એકાઉન્ટ પર પ્રતિબંધ અંગે ટ્વિટર પાસેથી જવાબ માંગવાનો નિર્દેશ આપ્યો હતો. આ સંદર્ભે, હવે ટ્વિટરે બે દિવસની અંદર જવાબ આપવા કહેવામાં આવ્યું છે. આપને જણાવી દઈએ કે, શુક્રવારે, 25 જૂને, ટ્વિટરે રવિશંકર પ્રસાદનાં એકાઉન્ટને એક કલાક સુધી અવરોધિત કરવામાં આવ્યો હતો અને આ માટે અમેરિકાનાં કાયદાને ટાંકવામાં આવ્યા હતા. વળી આઇટી મિનિસ્ટર રવિશંકર પ્રસાદે કહ્યું હતું કે, ટ્વિટર ભારત પ્રત્યે દ્વિ વલણ ધરાવે છે. ટ્વિટરનો ઉદ્દેશ યોગ્ય લાગતો નથી.
Interesting / ગરીબીની ખટાસ દૂર કરવા કેરી વેચતી બાળકીને અચાનક જ મળી સહાનુભૂતિની મિઠાસ, 1 કેરી 10 હજારમાં વેચાઈ
માહિતી તકનીક પર સંસદીય સ્થાયી સમિતિએ ફેસબુક, ગૂગલ અને ટ્વિટરને નવા આઇટી નિયમોનું પાલન કરવા અને દેશનાં નિયમોનું પાલન કરવા જણાવ્યું છે. આ અંગે ફેસબુકે સમિતિ સમક્ષ જવાબ પણ દાખલ કર્યો છે. સૂત્રો જણાવી રહ્યા છે કે, સંસદીય સ્થાયી સમિતિએ પૂછ્યું હતું કે છેલ્લા કેટલાક દિવસોમાં શું કાર્યવાહી કરવામાં આવી, જે બાદ ફેસબુકે કહ્યુ કે, જે લોકો પર એક્શન લેવામાં આવ્યા, એકાઉન્ટ્સ પર કાર્યવાહી કરવાામાં આવી તે અંગેનો વિગતવાર અહેવાલ 15 જુલાઇ સુધીમાં જણાવશે. સમિતિએ સ્પષ્ટ કહ્યું છે કે આઇટી એક્ટ 2021 નું પાલન કરવું પડશે.
