ભારત અને પાકિસ્તાનની ક્રિકેટ ટીમ ફરી એકવાર મેદાનમાં સામસામે આવવા માટે તૈયાર છે. જોકે, આ મેચ પુરૂષ ક્રિકેટ વચ્ચે નહીં પરંતુ મહિલા ક્રિકેટ વચ્ચે રમાશે. 2022માં યોજાનારી કોમનવેલ્થ ગેમ્સ માં પણ ક્રિકેટનો સમાવેશ કરવામાં આવ્યો છે અને તેમાં યોજાનારી મહિલા T20 ક્રિકેટ ટીમોનું શેડ્યૂલ શુક્રવારે જ જાહેર કરવામાં આવ્યું હતું. આગામી વર્ષે બર્મિંગહામમાં યોજાનારી કોમનવેલ્થ ગેમ્સમાં ભારત અને પાકિસ્તાનની મહિલા ક્રિકેટ ટીમ એકબીજા સામે રમતા જોવા મળશે.
Some of #CricketT20’s fiercest rivalries will be rekindled at #B2022, with our full match schedule now available!
Which tickets are on your wishlist?
Find out more: https://t.co/wKfyqtOAX3 pic.twitter.com/lBIYL4jNDM
— Birmingham 2022 (@birminghamcg22) November 12, 2021
બર્મિંગહામ કોમનવેલ્થ ગેમ્સ ઓર્ગેનાઈઝિંગ કમિટીએ શુક્રવારે ક્રિકેટ મેચોનું શેડ્યૂલ જાહેર કર્યું. આ મુજબ, કોમનવેલ્થ ગેમ્સ 2022માં મહિલા ક્રિકેટમાં ભારતીય મહિલા ટીમ તેની પ્રથમ મેચ 29 જુલાઈએ ઓસ્ટ્રેલિયા સામે રમશે. ભારત અને પાકિસ્તાનની મહિલા ટીમ 31 જુલાઈએ ટકરાશે. તમામ મેચ બર્મિંગહામના એજબેસ્ટન ગ્રાઉન્ડ પર રમાશે. ભારત અને પાકિસ્તાનની ટીમોને ગ્રુપ Aમાં રાખવામાં આવી છે. 1998 પછી પ્રથમ વખત ક્રિકેટને કોમનવેલ્થ ગેમ્સમાં સામેલ કરવામાં આવ્યું છે. ટૂર્નામેન્ટની ફાઈનલ 7 ઓગસ્ટે રમાશે.
https://www.instagram.com/p/CWLeHQPtAxx/?utm_source=ig_embed&ig_rid=789ccff4-398e-4d7e-a7a0-7372cebec4bb
Our schedule for the 2022 Commonwealth Games has been announced!
Find out more 👀
— England Cricket (@englandcricket) November 12, 2021
ઈંગ્લેન્ડ એન્ડ વેલ્સ ક્રિકેટ બોર્ડ (ECB) એ એક નિવેદનમાં જણાવ્યું કે મહિલા ક્રિકેટ ટૂર્નામેન્ટ 29 જુલાઈથી એજબેસ્ટન ખાતે યોજાશે. 7 ઓગસ્ટે બ્રોન્ઝ મેડલ અને ગોલ્ડ મેડલ મેચ રમાશે. તે જ સમયે, સેમિફાઇનલ 6 ઓગસ્ટે રમાશે. યજમાન ઈંગ્લેન્ડ 30 જુલાઈએ ક્વોલિફાયરમાંથી તેમની પ્રથમ મેચ રમશે. ક્વોલિફાયર 2022ની શરૂઆતમાં રમાશે. ત્યારબાદ ઈંગ્લેન્ડ 2 ઓગસ્ટે દક્ષિણ આફ્રિકા અને 4 ઓગસ્ટે ન્યૂઝીલેન્ડ સામે ટકરાશે.
JUST IN: India will take on Australia in the Commonwealth Games opener at Birmingham.#CWG2022
— Women’s CricZone (@WomensCricZone) November 12, 2021
ટુર્નામેન્ટની આઠ ટીમોને ચાર-ચારના બે ગ્રૂપમાં વિભાજિત કરવામાં આવી છે, જેમાં ભારતને ઓસ્ટ્રેલિયા, પાકિસ્તાન અને બાર્બાડોસ સાથે ગ્રુપ Aમાં રાખવામાં આવ્યું છે. તે જ સમયે, ગ્રુપ બીમાં ઈંગ્લેન્ડ, દક્ષિણ આફ્રિકા, ન્યુઝીલેન્ડ અને ક્વોલિફાયર ટીમ હશે, જેનો નિર્ણય ફેબ્રુઆરી 2022 સુધીમાં થશે. બંને ગ્રૂપમાંથી બે-બે ટીમો સેમિફાઇનલમાં પ્રવેશ કરશે. ભારત તેની છેલ્લી ગ્રુપ મેચ 3 ઓગસ્ટે બાર્બાડોસ સામે રમશે. આ જ દિવસે ઓસ્ટ્રેલિયા પાકિસ્તાન સામે ટકરાશે.
પાટણ / હારીજમાં પ્રેમી સાથે ભાગેલી યુવતીનું મોઢું કાળું કરાયું, મૂંડન કરી માથે ગરમ દેવતા મૂકી વસાહતમાં ફેરવી
T20 વર્લ્ડ કપ / રવિ શાસ્ત્રીનો ખુલાસો, ટીમ સિલેક્શનમાં મારો અને કોહલીનો સમાવેશ કરવામાં આવ્યો ન હતો
દેડિયાપાડા / મનસુખ વસાવાની એક ફરિયાદથી માર્ગ અને મકાન મંત્રી પૂર્ણૅશ મોદી દોડી આવ્યા
