ભારતમાં ઝડપથી ફેલાતા કોરોનાવાયરસ ‘ઓમિક્રોન’ના કેસ સતત વધી રહ્યા છે. દેશમાં ઓમિક્રોન વેરિઅન્ટથી સંક્રમિતોની સંખ્યા 200ને વટાવી ગઈ છે. કેન્દ્રીય સ્વાસ્થ્ય મંત્રાલય દ્વારા માહિતી અપાઈ છે . જેમાં અત્યાર સુધીમાં મળી આવેલા 213 કેસમાંથી 90 લોકો સ્વસ્થ થઈ ગયા છે અથવા અન્ય સ્થળોએ સ્થળાંતર કરી ચૂક્યા છે. ચેપના આ કેસો 15 રાજ્યો અને કેન્દ્રશાસિત પ્રદેશોમાં નોંધાયા છે.PM મોદી ગુરુવારે એક બેઠક કરશે, જેમાં દેશમાં કોરોનાની વર્તમાન સ્થિતિ પર સમિક્ષા કરવામાં આવશે . કોરોનાને ધ્યાનમાં રાખીને કેન્દ્ર સરકારે રાજ્યોને પગલાં લેવા જણાવ્યું છે. દિલ્હી અને મહારાષ્ટ્રમાં સૌથી વધુ 54-54 કેસ છે.
આ પણ વાંચો ;ભાવનગર / મહિલાએ ડોગીનું નામ સોનુ રાખ્યું, પછી પાડોશીઓએ કર્યું એવું કે, તે જાણીને તમે પણ..
કેન્દ્રીય સ્વાસ્થ્ય મંત્રાલયના ડેટા અનુસાર, 214 દર્દીઓમાંથી 90 દર્દીઓ સ્વસ્થ થયા પછી ઘરે ગયા છે. તેલંગાણામાં ઓમિક્રોનના 24 કેસ છે. તે જ સમયે, કર્ણાટકમાં 19, રાજસ્થાનમાં 18, કેરળમાં 15, ગુજરાતમાં 14 દર્દીઓ છે. જમ્મુ અને કાશ્મીરમાં 3 ઓમિક્રોન દર્દીઓની પુષ્ટિ થઈ છે. જ્યારે ઓડિશા, આંધ્રપ્રદેશ અને યુપીમાં 2-2 કેસ છે. ચંદીગઢ, લદ્દાખ, તમિલનાડુ અને પશ્ચિમ બંગાળમાં એક-એક ઓમિક્રોન દર્દી છે.
આ પણ વાંચો ;હાર / છોટાઉદેપુરના કાવિઠા ગ્રામ પંચાયતની બહુચર્ચિત સરપંચની બેઠક પર મોડલ એશ્રા પટેલની હાર…..
દેશમાં સતત 55 દિવસ સુધી કોવિડ-19ના દૈનિક કેસ 15 હજારથી ઓછા છે. સારવાર હેઠળના દર્દીઓની સંખ્યા ઘટીને 78,190 થઈ ગઈ છે, જે ચેપના કુલ કેસના 0.22 ટકા છે. આ દર માર્ચ 2020 પછી સૌથી નીચો છે. છેલ્લા 24 કલાકમાં કોવિડ-19ની સારવાર હેઠળના દર્દીઓની સંખ્યામાં 907 નો ઘટાડો નોંધવામાં આવ્યો છે. દર્દીઓનો રાષ્ટ્રીય રિકવરી રેટ 98.40 ટકા છે, જે માર્ચ 2020 પછી સૌથી વધુ છે.
આ પણ વાંચો ;ગાંધીનગર / ગૌણ સેવા પસંદગી મંડળનાં અધ્યક્ષ અસિત વોરાનું પેપર ક્યારે ફૂંટશે?
કોરોનાના નવા સ્વરૂપ ઓમિક્રોનના ફેલાવાને રોકવા માટે જર્મનીએ નવા વર્ષની ઉજવણી પર પ્રતિબંધ મૂક્યો છે. જર્મનીએ કહ્યું કે આ નવો પ્રતિબંધ સંપૂર્ણ લોકડાઉન જેવો નથી પરંતુ જે લોકોએ રસી લગાવી છે તેમના માટે શારીરિક અંતર ફરજિયાત રહેશે.
